Zitat von RetoIhr müend eifach mit de Ziit gah und de aktuell Club, wo d'Liga beherrscht, hät ja eigentlich au fascht rein gar nüt meh mit em alte Chaos-Club ZSC z'tue, wämmer ehrlich sind. Wem das so sehr nöd passt, de het scho lang müesse für sich d'Konsigwenzen zieh!
Findi au! Und mer chan de ZSC i dere Beziehig au nöd mit Chloote oder Rappi vergliche! In Chloote hät mer alles Bircher aghuchte wider wele verbanne, und in Rappi wird so Zügs halt viel schnäller heiss kochet, wils nöd erfolgriech sind und sie so uf jede "Hardcore-Fan" agwiese sind und nöd eifach chönd säge, wänn die 300 nüm ad Spiel chömed, dänn chömed halt anderi...
Ich bin mer sicher, die meischte vo dene 9'000 Nasene wo im Schnitt id Halle chömed, identifiziered sich mittlerwile mit de "ZSC Lions", wil mit dem de Ufstieg vonere notorische Verlürermannschaft zume absolute Spitzeklub gmacht worde isch. Und ich bin auch sicher, mit zrugg zum alte Logo wür mer definitiv nöd meh Gäld mache bi eus!