Beiträge von larlf

was ich nöd kapiere: wieso spielt eusi Liga länger als die meischte andere?
Chönted mir nöd meh änglischi Wuche mache? Meistens sind 95% vo de Team im Früehlig nüme internat. verträte...
Immerhin vor EM/WM wär's doch evtl. sinnvoll, wänn de Trainer länger chönt mit paar Spieler e Vorbereitig mache. Ob's wieter als Gruppespiel hilft, isch au mit dem nöd gwährleistet, aber es wär mal en Afang.

Das isch so und ich bin vor allem froh, dass mir mit em Hueber öpper im Klub händ wo das au korräkt analysiert

aber d'Frag stellt sich scho: wieso isch er trotzdem i de Nati debie?

hehehe, isch verständlich, dass mer de Frust uselah wett, also ich mein natürlich nur in Form vo gschriebnem im social media beriech und nöd uf de Strass!

interessant findi das "Filmli": http://www.blick.ch/sport/fussball…-id5077943.html
immerhin gits wohl au bi de komische no 2-3 Lüüt wo gaanz wenig studiert händ und de restlich Mob hät chöne beruhige, suscht wäred die paar Deltas ziemlich derb usglieferet gsi!

was ich halt nie verstah wird:
die stönd doch de ganz Match i de Kurve und chömed au wie all andere Fan is Stadion, wieso chan mer die nöd identifiziere? (Zaubered die ihri Maske etc. eifach so füre? Gits kei Kameras im Letzigrund?)
Das betrifft natürlich überhaupt nöd nur die vo de SK, das müesst doch i jedem Klub möglich sie, wo so Tuble inelaht und das sind leider fast all i de Schwiiz. Und viel mit Fan häts au nöd z'tue, sind eifach Idiote, wo en Grund sueched zum ihre täglich Frust ablah.
Ich hoffe, dass es im B paar Idiote weniger ha wird, aber das isch wahrschienlich nur Wunschdänke vo mir...

http://www.nzz.ch/sport/fussball…en-fcz-ld.84753

ach, weiss nöd: freu mi nöd drüber, aber Schlussändlich isch es für eu wahrschienlich gar nöd schlächt; Oder wür de Canepa suscht jemals eigni Fehler iegestah? Und wänn nöd jetzt, wänn dänn???
Au wänn mir abgstiege wäred, wärs wohl no schlimmer in Sache Fuessball in Züri. Glaub nöd, dass das öppis bi eu g'änderet hetti und mir wäred wohl chum scho wieder dobe..., egal isch nöd so, also lömmers.

Wahrschienlich isch eu au de vermeintlich gueti Spielplan no i d'Queri cho: wänn ihr gäge Lugano/Vaduz früener gspielt hetted, wär au de Sämi früener gange. Aber so hät jede (oder vor allem s'DiktatorePäärli) dänkt: das chunt scho guet, mir schlönd eifach Vaduz im letschte Spiel und sie stieged ab...
Aber so isch es cho, wie's fast hät müese cho, bi sonere Misswirtschaft und zwar nöd im finanzielle, sondern i de restliche Leitig vom Klub!
Juniore werdet vergrault, Spieler wo sich wieterentwickle wännd werdet mit Schimpf + Schande devo g'jagt und nüme iegsetzt und au de Trainer gahts so, sie müend womöglich no um ihre Lohn kämpfe.
Das isch ein Teil vo de Gschicht, de ander isch, dass es halt doch nöd sooo eifach isch, es Team richtig zämez'stelle und dezue no richtig z'trainiere; Das hät eus de Fan i de Leitig ufzeiged!
D'Misswirtschaft faht wohl im B ah, wänn all Verträg wieterhin gälted und er wohl, mindestens zu Beginn, weniger Fans im Stadion wird ha. Wänns dänn lauft, dänn chömed bestimmt au wieder meh Lüüt go luege, aber das muen sich s'Team zerscht erarbeite.
Ob das scho im 1. Jahr glingt, isch e anderi Frag, es muen schliesslich fast alles neu zämegstellt werde: Team, Trainer/Betreuer und das vomne Sportchef wo's gar nonig git??? Zudem gits ja no anderi Teams, wo au bitzeli Gäld mitbringed/überchömed, wo wieder i die oberst Liga wännd.

Bliebt doch z'hoffe, dass ihr de Cup gwünned, dänn chönd ihr eher Spieler verpflichte und säge, dass sie a) internat. debie sind und b) imne Jahr wieder im A obe spiele werdet.
Ich persönlich wür probiere das mit vor allem Junge (und somit au motivierte) Spieler z'schaffe, ergänzt mit paar erfahrene chan's es guets Team geh: nur isch d'Frag ob sich das all Spieler (+ ihri Elterä) ahtueh wännd, wänn mer das woni obedra gschriebe han weiss und's no en andere Klub i de Stadt git, wo mit uf s'gliche Konzept setzt und zudem en guete Sportchef z'ha schient...

Wird sicher nöd eifach für d'Raucherfamilie, aber mit Gäld lönd sich einigi überzüge und sie werdet ja bestimmt vorne mitspiele und als Sportler gwünnt mer ja lieber, als immer z'verlüre.
Bin gspannt uf die nöchste Mitteilige us em Verein!

das chan's ja def. nöd sie, wie die quasi unghinderet i d'kabine laufe chönd!

Zitat von The Fan

Aber ebe, de FCZ hät e Drohne fürs Training, als einzige Verein in Europa!

lol, wahrschienlich vo st. gallen ahzapft worde

naja, dank em cup chönteds ja glich no europäisch debie sie & lugano hani nöd sooo überzügend gfunde, vo dem wo ich hüt gseh han.

bin aber am meiste uf d'red vom canepa gspannt: wür mi überrasche, wänn öpper anders als st. galle schuld wär...

öppe so wie's de 1. Kommentar seit: "Hehehe, fieser, aber guter Artikel."

zum Glück bin ich nöd FCZ Fan, suscht wäri hüt no nervös

aber wänn ihr 3 Pünkt holed, wirds nüt mit em Abstieg, glaube nöd, dass Lugano gwünnt!

Zitat von snowcat

ha gmeint wenigstens das hät de sämi anebracht...isch wahrschinli aber würkli de schlechtischt trainer wo je i de super league gsi isch! und in kombination mit em schlechtischte sportchef wo je i de superleague gsi isch, chamer ja nume abstiege...

Zu wenig Kilometer!

BLICK erfuhr: Die Zürcher spulen in jeder Partie weniger Kilometer ab als jeder ihrer Gegner. Ob Vaduz, Basel oder Lugano. Laufstärkste Truppe der Schweiz ist der FC Thun.

http://www.blick.ch/sport/fussball…-id5070501.html

weisch, wännd gschied stahsch, dänn muesch nöd so viel laufe
Wer weiss, evtl. isch es ja vo Vorteil, dass de Näf morn nöd debie isch und solang nöd 0-2 isch, isch alles offe. Morn bruchts Kampf + au es bitzeli Kopf, nöd dass mer uf eimal übermotiviert isch und dänn mit eim weniger uf em Fäld muen fertig spiele...

chli komisch find ich: i de BL häsch i jedem Match grad zur Verfüegig, wieviel KM jede Spieler/Team gloffe isch. Bi eus demfall nöd? ("Blick erfuhr")
Lustig au, dass Thun am meiste lauft und nöd Basel. Wär no interessant die Statistik z'gseh und ebe, vor allem will ihr ja so fit sötted sie, hetti eu au wieter vorne erwartet.
Aber mit so Artikel muesch doch als Trainer schaffe, die chasch als schöni Motivation nutze!

Cool für de Favre, dass er wieder en Klub chan coache, au wänn mir Nizza vom Team/etc. nöd so viel seit, wie die ganz franz. Liga.

Zitat von Larry

Ich denke ohne die Aktion wären die gleichen rund 7'000 Nasen gekommen wie gegen Lugano.

So kann man ev. auf 10k, max. 12k hoffen.

Ich finds guet, chan aber au i d'Hose gah: wänn zbsp hine bisch + d'Lüüt afange würed pfieffä.
Wobie ich ja für eu scho hoffe, dass die wo morn no chömed go luege, au Understützig à la Nürnberg (au nach em Spiel) gänd und ihres Team fliessig pushed.

wär ebe au rookie, drum eher nöd.
Larry: quasi en moderne C64 wo nur für s'Game isch

Zitat von Mushu

Keis NLA-Stadion und daher nöd möglich?

isch das so? dänn wäreds ja no dümmer als bisher vermueted.

wobie mer bi eus doch amigs Usnahmebewilligunge überchunt, für e Übergangsziet, wänn öppis neus plant isch.

artikel über Wil/Fink gläse?
Egal wer Ufstiege wett: er wird wohl en Gägner ha, wo mer evtl muen ernst neh; Falls sie würklich à la RasenballSport (vom Budget her) ufrüstet...

Zitat von Mushu

Und vor allem hät er de Penalty vergeigt, wo die FCZ vor Lugano bracht het ...

was wohl meh mit sim Unvermöge(oder Übermotivation) ztue hät, als mit öppis anderem (wür ich mal behaupte).
Zudem sind wohl einigi Spieler gschockt gsi, nach em Vorfall zu Beginn, so öppis steckt au nöd jede eifach so weg, au wänns zum Glück glimpflich usgange isch.

nöd wännd Goal verhindere söttsch, aber all andere scho

und vo St.Galle wird Fairplay gforderet..., da säg ich halt s'gliche wie immer: wer vorher d'Pünkt nöd gholt hät, isch sälber schuld!

"Armando Sadiku klatscht mit den FCZ-Fans ab. Der albanische Nationalspieler spielt zurzeit jedoch auf Leihbasis für den FC Vaduz, der am Mittwoch den Tabellenletzten in die Challenge League verbannen könnte. Sadiku, der noch nie einen Hehl daraus gemacht hat, dass ihm der FCZ ans Herz gewachsen ist, weigert sich gegen seinen Besitzer zu spielen. Nach dem 0:0 gegen Lugano und dem Ligaerhalt mit Vaduz erklärte er gegenüber dem «Blick» unmissverständlich: «Ich will und werde nicht spielen. Es ist einfach zu gefährlich und es steht zu viel auf dem Spiel, ich werde den FCZ nicht abschiessen. Ich werde in die albanische Nati einrücken.» Mit zu gefährlich meinte der Stürmer auch eine leichte Fussverletzung, an der er angeblich schon eit Wochen laboriert, aber trotzdem auch gegen Lugano über die volle 90-Minuten-Dauer spielen konnte. Dass Sadiku im Letzigrund also nicht auflaufen will, dürfte beim FC Lugano für rauchende Köpfe sorgen. "

http://www.tagesanzeiger.ch/sport/fussball…/story/24516918

er hät ja uf de Eggi glosed und gaaanz schnäll ufghört

wird interessant am Mittwuch, tippe uf en easy Sieg vo eu!
d'Frag isch eher, ob Lugano au gwünnt oder nöd... Beid spieled gäg en Gägner wo nüt meh mache muen, aber ich dänke, dass sich Lugano schwerer tue wird.

Wie wärs mit: SK dörf Kolleg mitneh, und Schüeler ganz gratis, damit s'Stadion voll wird?
Verstahni nöd, wänn mer im letschte und entscheidende Spiel d'Hütte nöd probiert z'fülle!!!

ach, wänn ich dra dänke, was nöchst Saison alles gah chönt, dänn lahn ich das. Wobie ja dänn evtl. scho 2 Abstieger bekannt sind: Vaduz/LugaNo

Morn um die Ziet wüssed mir meh und da ihr ja jetzt im Training nüme gfilmet werdet, tipp ich uf 1-3 Pünkt für eu im Wallis!
Wär nur scho interessant zum gseh, ob de Canepa so gschied wär und imne Showdown s'Stadion au wür fülle lah oder ob er lieber vo weniger Lüüt chli Gäld wett...

http://www.tagesanzeiger.ch/leben/gesellsc…/story/22032456

nimm mal ah, dass es no paarne so gaht, jedefalls wänn mer d'Bericht da ine liest/gläse hät