Beiträge von larlf

  • Pinnwand-Tisch beim Public Viewing?

    ich gahn mal devo us, dass mer für jede wo ine wett 1 Ticket brucht.
    Sust wür doch was stah à la: "Kinder bis ... brauchen kein Ticket"?
    Aber es staht nur "keine Reduktionen / Saisonkarte NICHT gültig"

    und:
    Info an ZSC-Fans, welche sich für Samstag ein Ticket in Kloten ergattern konnten:

    Mit diesem Billet würde Euch im Anschluss auch Zutritt zum Hallenstadion gewährt werden. Einfach das Ticket beim Eingang vorweisen.
    Ticket also NICHT wegwerfen, ansonsten müsste eines an der Abendkasse für CHF 10.- gekauft werden.

  • Final: ZSC - Kloten

    ja, das sind voll korräkti billet...
    freu mi uf de wald (han nie dänkt, dass ich das jemals säge wird?!? igitt!!!) und hoffe, dass mir morn de sack zue mache chönd!

    eigentlich wär mir dihei am mäntig lieber, aber gäge es 4-0 und bi de tüüfflüger fierä: das chan mer glaubs nüme überträffe.

    solang eus chlote spielä laht, werdets wiiterhin verlüre: eusi sind zrugg zur alte (vor olympia) form & zeiged am aktuelle chlote kader ihri limite uf.
    mir gfallt de iisatz vo jedem einzelne!!!

  • Final: ZSC - Kloten

    Zitat von cm8

    Grad ez im Radio 24 ghört, s'Schpiil hütt abig isch KEIS Hochrisikoschpill! Somit änderet sich nüüt für eus.

    macht ja au Sinn, wänn mer das liest:
    http://www.nzz.ch/aktuell/zueric…piel-1.18285908

    wieso söll mer wäge rund emne dutzend Idiote 11'000 anderi Bestrafe?
    und vor allem: wie wännds das mache?
    s'einzig wo's mache chönted, wär wohl de Alk-Verbot, aber da gits wohl gnueg Möglichkeite, zum sich iidecke...

    da no öppis zu de Rotation i eusnä Linie:
    http://www.nzz.ch/aktuell/sport/…iert-1.18285860

  • Final: ZSC - Kloten

    Guet stimmt scho: git würklich nüt geilers, vor allem wänn mer i de Serie no 2-0 füehrt!

    De markierti Satz findi interessant und irgendwie frög ich mich, ob nur wenig so wie ich dänked oder ob das wäg eusere Gschicht isch oder nur ich so dänke/handle:
    d'Klötis sind mir nach jedem Sieg tage-/wuchelang uf de Sack gange, mit ihrem verhalte und jedesmal "under d'Nase riebä", dass sie wieder gäg eus gwunne händ!
    Handkehrum wür mir das nie in Sinn cho, ich bin lieber de "Still Gnüsser" (so ähnlich wie de Dabelaar) und lahn die andere in Rueh; Schliesslich sind sie ja eh scho gnueg gstraft demit, dass sie Klote supported....

  • Final: ZSC - Kloten

    gsehni au so:
    würed mir morn verlüre, isch Kloten im höch + mir fanged praktisch vo vorne ah.

    bin zwar optimistisch, aber es wird wahrschienlich au morn nomal es ängs Spiel geh und drum: zerst Sieg 3 hole, bevor mir vonere Meisterfiir redet.

  • Final: ZSC - Kloten

    Zitat von Thomi

    Ja danke Reto :roll: :oops:


    bisch ja au im waldstadion 2 mal uf em Würfel zeiged worde (nach em Usglich + 43sek vor Schluss, wo all gstande sind) und au im SF hani dich au nomal gseh: bisch halt telegen ;)

  • Final: ZSC - Kloten

    Zitat von ZSColin

    Sie händ es Plakat mit folgende Wort ufeghebt:
    "Euses Echo - Höhepunkt vo eure Stimmig" - und das nachdem sie s'erschtmal (und ganz bewusst), "E - H - C - Chloooooote ........"
    Und mir - wie immer - mit de obligate Antwort reagiert händ. Scho no cooli aktion gsi.
    Und larlf: Han nöd d'Playoff Touris, PO-Schlampene, Mode-Fans, Möchtegern-Hockeykänner, usw. welle agriife. Nö-nö. Han ja ebe auch gseit, dass die au schön brav mitgmacht händ, demits e geili Stimmig im Stadion geh hät. Aber geschtert isch au de 3. Rang würkli guet gsi. Und nei - dass sind garantiert nöd immer! Darum au das expliziite Lob - that's all.

    dänn simmer ja glicher meinig, evtl. sött ich halt dini Bieträg nöd so genau läse (oder nöd so wörtlich neh) :)

    da no öppis (wo mer no bitz chönt ufpausche, will es isch ja sooo z'viel) zu de serie:
    http://www.blick.ch/sport/eishocke…-id2794064.html

  • Final: ZSC - Kloten

    ohni 3. Rang gaht chum viel, da häsch Du/ihr scho rächt, aber das hani au nöd demit gmeint.
    ich han nur gseit, dass ohni all "Tourischte" d'Stimmig chum de absolute Hammer gsi wär und das isch sie geschter eigentlich gsi.

    Welles Spiel isch es gsi, wo's knapp 8-9k gha hät; Spiel 3 gäge Lausanne?
    Döt gsehsch schön, wie luut de 3. Rang allei isch, drum isch mini Ussag: es brucht au "eusi Sietä" zum e gwüssi Luutstärki/Stimmig anez'bringe..

    ich han sowieso s'Gfühl, dass en Grossteil vo de "PO-Touri" nöd HockEi Banause (sprich Eventfan) sind, sondern eher diejenige, wo früener (meh oder weniger) regelmässig cho sind und hüt halt nur no a die (für sie) interessante Spiel. Und drum find ich's scho fast bitz arrogant, so über die sog. "PO-Touri" z'redä.

    und au wänns nur rein vom Gäld her ahluege würsch, dänn choschte die diesjährige PO Spiel öppe glich viel, wie e SK; Wänn öpper all Heimspiel gaht go luege.

  • Final: ZSC - Kloten

    Zitat von ZSColin


    Gute Stimmung im Stadion, dank dem 3. Rang. Und die Playoff-Schlampen haben auch alle artig mitgemacht.

    genau, NUR wäg em 3. rang isch es so luut gsi.

    isch scho geil, d'ahsichte vo gwüsse lüüt:
    häts kei sog. touri, isch d'stimmig schwach, aber defür isch mer ja under sich.
    isch d'halle mal voll, chan mer alle frust a de touri ablah:
    sie mached ja nie stimmig, verstopfed all weg & händ au kei ahnig vo hockey.

    ich verstah das nöd würklich, für mich zellt jede wo s'team understützt, egal wieviel spiel mer bsuecht...

  • Final: ZSC - Kloten

    schön isch es gsi!!!
    geili stimmig & ändlich spiel 1 gwunne.

    da ich immer im I2 hocke, bin ich au gester nöch debie gsi und bin der meinig, dass d'ordner ihre job guet gmacht händ!
    sind am afang bitzeli überrascht worde, aber nachher händs es schön use begleitet...
    aber so e miesi "stimmig", vom gägnerische ahang, hani bim hockey scho lang nüme erläbt: schad & nöd nötig gsi!!!

  • Final: ZSC - Kloten

    d'Ussag isch gsi: so früeh wie möglich, damit sich d'Fans nöd gross i de Stadt "umeluege" chönd.
    Han gmeint, sie welled ca am 14.00 mit em Spiel afange.

    Wänn mer scho dörft wähle, zu wellem Zietpunkt, dass mer Meischter wird, dänn wär min Wunsch:
    bi jedem Heimspiel, aber bitte nöd am Ostermäntig!
    Ich find HockEi luege am Namittag doof, lieber am Abig...

    Aber ebä: zerscht mal Schritt für Schritt.
    Hüt Abig mit emne erschte Sieg afange und falls mir dänn 3 mal gwunne händ, chömmer wieder über e allfälligi Meisterfiir redä.
    Alles andere sind momentan nur (sehr schöni) Träum.

  • Final: ZSC - Kloten

    es gäbt kei schöneri Antwort uf all die jahrelange "Demüetigunge" vo gwüsse chlote "Herren" (sog. Kollege), als de Titel gäge Chlote!!!
    Egal wie schlächt mir früener gsi sind, sie händ eim tagelang ihri Sieg chöne under d'Nase riebe...
    Auf gehts uf es 4-0!!!!

    gits eigentlich public viewing (damit mer nöd in Wald muen)?
    und: häts no platz im car? (so wie gester ahkündet, für die nächste uswärtsspiel :-))