jaku, wer? intel leckt was?
sorry, aber das isch wohl eifach eine, wo sich masslos überschätzt (oder vom berater besusle laht) und zersch mal söll luege, dass er was ahständigs findet wo er dörf mitspiele....
gemäss frag vo blick fühled sich ja ziemlich all als nöd nur guet integriert sondern als schwiizer und das isch doch das wo zellt, egal obs spöter mal erfolg ha werdet oder nöd!
hmmmm, mal luege: ich muen mir glaubs d'ziet neh und hupend zu dir go ume fahre :twisted:
isch sicher nöd s'gliche wie en titel i de a-nati, aber es isch jetzt scho e hammer leischtig vo dere mannschaft & d'vergangeheit zeiged, dass es paar wenige sicher bald bi de "grosse" werdet spiele!
vorallem d'stürmer wäred geil: vo denä hämmer ja nöd würklich viel gueti i eusem ländli...
muesch de final live luege, dänn wirsch au für d'schwiizer juniore mitfieberä 
naja, mit dem muesch di wohl i zuekunft abfinde:
wird sicher kei nati me geh, wo d'mehrheit müller/meier/kuhn heisst...
isch ja aber au nöd würklich schlimm:
solang sie sich mit de schwiiz identifiziered, sölleds au für d'schwiiz spielä!
...sind ja schliesslich (mehrheitlich vo afang ah) da ufgwachse und eusi jungs/mädels heissed ja au nüme all ueli/hansli sondern yanick/noah, also wayne?
isch geil wie die junge ufgspielt händ!!!
...ich hoffe, dass sich d'a-nati das spiel ahlueged & öppis drus lernt:
händ ja geili spielzüg drin gah :razz:
naja, wännd chlichinder häsch, dänn gwöhnsch di a vieles... ich chan mittlerwiele fuessball luege/lose ohni ton oder bild, aber dass es andersch luschtiger isch, isch ja klar.
ich frög mich eifach:
chönd die vom tv das huere hindergrundgrüsch nöd usefiltere?
isch ja immer glich monoton...
aber de vorteil isch, dass bi eusne kommentatore eh kein ton bruchsch & wänn jetzt sogar s'publikum kei stimmig übere bringt, dänn chan mer de ton ohni bedänke abschalte...
die ussag findi no fein (bin de meinig, dass en köbi eifach nur z'friedä gsi wär & meh nöd...)
«Heute bin ich glücklich, dass wir es geschafft haben. Trotzdem mache ich mir schon Gedanken, weil wir zu viele Fehlpässe spielen und einfache Fehler begehen. Das wird bei einer WM gnadenlos ausgenützt, und da müssen wir uns erheblich steigern», meinte Hitzfeld mit Blick Richtung Südafrika.
ebä, eus isch es irgendwie au so gange! (also nöd das wäg em tv 
aber isch scho korräkt:
hauptsach mir sind debie, will e wm ohni schwiiz isch doof zum luege!!!
Mit em Otthmar wirds bestimmt passe!
...er muen ja nur no paar Spieler finde wo 11-er Schüsse chönd, dänn chömed mir evtl. scho wieter als a de letschte WM 
mir müend halt immerno druf hoffe, dass mir nöd z'viel verletzti händ, mittlerwiele hämmer zwar vorne scho mehreri lüüt zum iesetzä, aber i de verteidigung wetti nöd z'viel vo de stammspieler vermisse, suscht wirds hert...
naja, duuret no lang und viellicht chönd sich ja no paar anderi dur gueti leischtig ufdränge: hauptsach debie & dött s'beschte mache! (wältmeischter? :-))
mit jedem bericht wo ich hüt läse & vorallem jedere Foti vo de jubelnde lüüt wird eim (mir) klarer/bewusster, dass d'Nati es grosses Ziel erreicht hät...
aber vo wäge "typisch schwiizerisch" hani grad no das gfunde:
Zitat von MushuOh du Arme! Sottig gfühl chönt würklich nur Schwiizer ufbringe. Nur ja nöd freue über's erreiche voneme Ziel, meh hat ja alles no besser mache chönne. Mer het, mer het usw. usw.
Trotslos!
Danke für dis Mitleid, jetzt isch es grad weniger schlimm... und ich chan mich sogar drüber freue, dass du dich freusch!
aber es bitzeli "Trotse" (chunt doch vo Trotslos, oder nöd?) muen ich glich.
Stimmt scho, dass d'Nati es grosses Ziel erreicht hät und es spötischtens bim Ahpfiff a de WM (oder bereits bi de Barrage Spiel) niemer meh interessiert, wie's das gmacht händ. Aber geschter isch eifach es scheiss Spiel gsi und irgendwie isch au nöd die Stimmig ufcho wie gäge d'Griechä...
Wahrschinlich liehts halt au dra, dass es hüt nüme so eifach isch die sogenannt schlächte Teams z'schlah und dass mir halt au nöd e grossi Nation sind, wo sich gwöhnt isch s'Spiel z'gstalte. Drum gsehnd mir immer besser us, wämmer gäge en sogenannt Grosse chönd spiele als gäge en Underdog...
a dem match häsch glaubs gar nüt chöne verpfieffä: die eintä händ kei bock gha und eusi händ de trend vo de letschte spiel bis zum bitteren ende durezoge 
ach ja stimmt: es isch ja gar nöd soo bitter, mir sind ja diräkt qualifiziert, aber nach dem brunz wo die hüt gspielt han, fühl ich "mich" (als schwiizer) nöd wm würdig....
da händs für 2006 irgendwie besser gspielt, aber egal: hauptsach mir sind debie!
Naja, lieber kei Homepage, als e schlächti, wo nie aktualisiert wird!!!
Zudem dänk ich, dass es z.bsp. amne "Familiä Malerbetrieb" nöd viel bringe wür, wänn er sini Dienst uf ere Page wür abühte... (ich gahn devo us, dass die ihri Ufträg wäge Referänze überchömed...)
...und trotzdem hetti gern e hdd im Auto...
hopp schwiiz! demnächst gahts ab (richtig bisel) :razz:
sorry, aber es isch au nöd schlimm gsi!
ich underscheide das zwüsched "schlimm gsi" & "en scheiss gmacht":
en scheiss hät er gmacht, das isch unbestritte & defür söll er au irgend e straf übercho (gäld, sozialstunde, stadionverbot, was au immer)
aber schlimm find ich, wämmer öpper körperlich verletzt & das hät de junior nun mal würklich nöd gmacht, er hät au kei fackle zündet sondern rauchpulver... nöd meh und au nöd weniger.
mir chönd no lang drüber diskutiere und jedä hät darüber sini meinig.
drum hör ich jetzt uf demit & freu mich uf de hütig abig gäge israel!
Zitat von LionkingUnabhängig des Alters oder der Beweggründe gehört gerade jetzt ein Exempel statuiert. Drastische Strafe gegen diesen Schnuderi und seine Helfer.
Das hat nichts mit ein bisschen Action oder Seichmachen zu tun, die möglichen Folgen waren von vornhinein klar zu erkennen.
ja klar: läbenslänglich!!!
aber de andere idiote, wo uf persone ieschlönd, wo bereits am bode lieged, denä sött mer es saisonabo geh...
sorry, wie gseit:
es isch en riesä seich gsi wo er gmacht hät & wänn er das nomal macht, dänn söll er richtig dra cho (siehe vorschläg vom virus) aber au er söll mal en scheiss mache dörfe, ohni dass mer ihm de rescht grad verbout.
was ich aber nöd verstahn, das isch ja chum ein einzeltäter gsi, im sinn vo: "ich bin hüt s'erscht mal amne match, känne niemer & zünde e rauch bombe..." also müesst mer dejenig doch verwütsche!
wobi es eigentlich scho no gemein isch:
zu eusne zietä hämmer a jedem heimspiel d'halle ine rauchbombe verwandlet und (fasch) niemer hät sich beklagt
