Beiträge von Gysino

  • Der NHL-Fred

    Zitat von Larry

    Häsch öppis ghört öb die Aktion vo de Isles Fans stattgfunde häd?

    Han nüt gfunde!?

    ich han da gar nie was devo gläse gha und bin eigetli sehr, sehr guet informiert.

    aber ich gseh au würkli nöd was das i dä nhl und v.a. bi dä isles bringe sött.

  • Spielerbasar

    Zitat von Messier

    Blindi wär cool, aber ein zu kurzes Gastspiel in NA, schade.
    War schon mal Thema diese Saison, scheint nicht wirklich glücklich über seine Situation zu sein.

    zudem machter i dä nägschte täg wohl sis erschte nhl spiel.

  • Der NHL-Fred

    Zitat von Sputnik

    Gysino:

    Zeig mir den Aritkel wo eine Zeitung geschrieben hat das sich JT weigern würde in New York zu spielen. Die Diskusion gabs ja nie, Tavares sagte ja immer es ist sein Ziel 1st Overall gedraftet zu werden.

    Und welche T.O Seite hat dein Ausschnit gepostet? Ausserdem glaube ich nicht das Tavares nicht resignen wird.

    http://www.torontosun.com/sports/hockey/…0/16241541.html


    für s'andere muesch mer chlii meh ziit gäh, das isch ja scho länger her.

  • Der NHL-Fred

    Zitat von Larry

    Wo de Lindros vo de lausige Quebece Nordiques als Nummer 1 zoge worde isch häd er sich eifacht gweigered dört z'spiele.

    ja, toronto press hät das au vom JT behauptet gha...natürli total blödsinn.

    bi dä isles aber au scho passiert...siehe kirk muller...oder dä ryan smith wo's eifach massivscht aagschisse gha hät...siini träne am flughafe edmonton sind legendär.

  • Der NHL-Fred

    ah und jetzt das grücht us toronto (lol woher au suscht)...

    Zitat


    Isles be damned

    Islanders replacement coach Jack Capuano was 6-9 with Bridgeport and hadn’t guided the Isles’ top farm club to a playoff series win in four seasons, making him a perfect fit for the worst-run franchise in pro sports. The Isles haven’t won a playoff round since 1993, which is just one of the many reasons why John Tavares will inevitably refuse to re-sign with the club after next season.

    naja, abgseh devo daser chum e wahl wird ha (jaja ich weiss...) wärs für ihn s'beschte so wiit weg wie möglich z'laufe vo dem trainwreck vonere franchise...er muess dä tag verflueche wo mer ihn drafted hät anstatt am hedman oder duchene. d'isles zerstöred grad sin marktwert.

  • Der NHL-Fred

    Zitat von Larry


    Mein Senf: Hoffentlich macheds das au! :razz:

    hmm, also min artikel isch besser gsi will züridüütsch. :cool:

    lol stadion verlah...hüt sind villicht 5000 nase im stadion, uusgruefe wahrschinli 8000-10000 (au so e spezialität vo dä isles). wänns passiert, guet...aber eigetli tuets, wie gseit, keine interessiere. dä snow sowieso scho mal gar nöd. und dä wang plant wahrschinli scho sin nägschte z'nacht mit em dipietro. villicht zahlt dä sogar...immerhin hätter ja knapp 9 millione verdient i dä letschte beide jahr für 20 nhl spiel. :cool:

  • NFL Fred

    Zitat von snowcat

    ja, hauptsächlich werbig!

    höchschtens golf isch isch no dämlicher und langwiliger zum luege als american football! :rofl:

    gruess roli c.

    komm in meine arme, bruda!!

  • Der NHL-Fred

    Zitat von 007

    Gibt es insights zu folgenden Spielen und für wo im Stadion sollte ich Tickets besorgen?

    Jan 2 Rangers at Panthers
    Jan 5 Trashers at Panthers
    Jan 7 Canes at Panthers

    Leider kein Heimspiel in Tampa, wenn ich dort bin.

    imene moderne stadion gitts fascht kei schlächti plätz. im bankatlantic center isch das genau gliich. gang uf http://www.ticketmaster.com, lueg sitzplän ah und chauf billet. alles sehr eifach und guet. :cool:

  • Der NHL-Fred

    Zitat von Larry

    Geile Biitrag Gysin! :cool:

    NVMC isch aber nöd s'ältischte Stadion, das isch de MSG vo de Rangers (1968), aber de isch besser im Schuss.

    ja guet, du weisch wie ich das gmeint han... :cool:

    aber ja, d'lag isch prekär und es isch momentan kei besserig in sicht. isles fans erträäged das alles nurno mit galgehumor.

  • Der NHL-Fred

    so, d'isles händ geschter dä 13ti match nachenand verlore. ich han die saison so ca. 80% vo
    dä spiel gseh (bekennde masochischt) und han dänkt ich tuen da mal echli insight gäh wieso
    das so isch. villicht interessierts ja dä eint oder ander.

    staff: d'isles sind dä schlächtischt gfüehrti profi betriib in nordamerika mit em schlächtischte und
    unwüssendschte staff überhaupt. schlimmer als pittsburgh pirates und LA clippers zäme. Dä bsitzer
    wo dä isles (charles wang) isch en milliardär wo niemert näbed sich duldet und widerwort scho grad
    gar nöd. dezue verstaht er nüt vo hockey. biispiel? er hät vor 2-3 jahr ernschthaft gmeint gha, dass
    mer i dä NHL sött probiere sumo wrestler is goal z'schtelle. soviel zu dem. zu sim filz ghört dä
    garth snow, ex-goalie vo dä isles und keinerlei erfahrig als GM. alli wo suscht bi dä isles no was
    z'sägge gha händ sind eliminiert worde, siehe ryan jankowski, ex-scout und meh fachwüsse als
    dä snow im quadrat. die beide sind die alleinige machthaber und mached grad d'isles kaputt.

    trotz das dä wang milliardär isch, sitzt s'geld nöd locker. ohni buyouts wär mer gar nöd über em
    salary cap. dä wang isch mit gwüssne spieler befrüündet, so isch zum biispiel au dä unglaublichi
    vertrag z'schtand cho mit em ex-all star goalie rick dipietro, wo i dä letschte 2 jahr ca. 20 spiel gmacht
    hät.

    widerwort werded, wie gseit, nöd duldet. uf die saison hät mer dä eint kommentator vo dä isles entlah
    (billy jaffe) will er zu kritisch gsi seg. en gschätzte NHL analyst und inzwüsche ischer oft bi nhl on the
    fly (lauft uf espn america) im studio. s'gliiche isch am chris botta passiert, er isch s'sprachrohr vo
    dä fans mit sim blog (islanderspointblank.com). er segi am garth snow gägeüber z'kritisch gsi, so sind
    ihm alli credentials zum is stadion cho gschtriiche worde. wohlgmerkt isch dä botta 20 jahr i dä isles
    organisation gsi als vice president media relations. es isch tatsächlich wie in nordkorea. die
    paar wenige journalischte wo no über d'isles wänd brichte werded mundtot gmacht.

    jahre zrugggworfe worde sind d'isles aafangs 2000 vom damalige GM mike milbury wo mit gottlos
    gschtörte trades eigetli alles kaputt gmacht gha hät.


    coaching: d'isles sind wieder id saison gange mit em scott gordon wo vorher null nhl erfahrig gha hät.
    dä scott gordon isch en AHL coach und nöd meh. er isch jetzt s'buureopfer gsi und entlah worde,
    nachfolg isch (interim) en wiitere AHL coach...dä jack capuano. dä wang wett kei geld für en richtige
    coach mit nhl erfahrig uusgäh. also biispiel sind für dä west coast trip letscht wuuche nur 6 verteidiger
    mitgno worde...eine hät sich verletzt; d'isles händ 2 spiel mit 5 verteidiger gspielt gha. keis system,
    kei linie wo sich würkli gfunde hät, kei füehrig (dä captain doug weight isch die letschte beide spiel
    en "healthy scratch" gsi, das seit wohl alles).


    salary cap: d'isles chömed nur dur buyouts etc. überhaupt über s'salary cap.
    dä tüürscht spieler vo dä isles isch dä alexei yashin wo sitt jahre gar nüme bi dä isles spielt mit über
    4 millione pro saison. dä zweit tüürscht isch dä dipietro mit sim 15 jahres vertrag, im momänt wohl
    sogar für d'AHL z'schlächt (geschter ischer zwar nöd schlächt gsi). nummere 3 isch dä mark streit,
    verletzt bis keine weiss. das was sich also uf em iis befindet isch die mit grossem abschtand billigscht
    mannschaft i dä ganze NHL...und mer merkts au. mer will gwünne, aber kei geld uusgäh. billigheimer.


    stadion: uf die saison hii sind im NVMC (stadion vo dä isles) massiv d'priise erhöht worde...für es produkt
    wo sitt jahre stagniert. mal abgseh devo, dass d'isles im ältischte stadion vo dä NHL spieled mit em
    schlächtischte iis überhaupt. so hät mer no weniger zueschauer. teilwiis sinds erhöhige vo über 50% gsi
    bi gwüssne kategorie...und d'zueschauerschnitt isch am schrumpfe. no meh. und d'islanders händ no
    en vertrag im NVMC bis 2015. und es neus isch nöd in sicht, es isch echli vergliichbar mit dä hardturm
    situation...nur no komplizierter.


    mannschaft: d'isles sind undertalentiert und z'jung. es fehled nhl "veterane". en john tavares isch verlore
    uf em iis...er bruucht öppert wo ihm pass zuespielt. so eine gitts aber nöd. natürli wett kein nhl veteran
    wo bi troscht isch freiwillig da ane cho...also müesst das via trade passiere. wirds aber wohl nöd will
    d'isles nüt händ wo was wert isch...ussert die junge. und die gitt mer nöd weg.


    Sött nöd es grosses wunder passiere, isch die saison scho nach eme viertel eigetli verbii für d'isles. dä
    klub wird vo grössewahnsinnige idiote kaputt gmacht...und eigetli interessiert das in new york gar niemert
    meh. die einzig rettig wär villicht wänn dä wang verchaufe würd...wirder aber bis 2015 nöd. und was
    dänn passiert weiss niemert...ontario? kansas city? quebec? wahrschinli wärs besser.

    und ah ja, geschter isch no das passiert...zum thema nordkorea... :cool:

    http://nhl.fanhouse.com/2010/11/21/how…ing-tv-timeout/