Beiträge von Reto

Für d'Schwiiz isch das irgendwie de besser Usgang, aber hett's de Albaner möge gönne, wänn's das 0:0 hetted möge hebe.

Bin au ehner für Vilan und Rothman oder wie de gheisse hät, als für AEG

De Fellheini hät sogar Chopfballduell verlore, wäge Italos, wo en Chopf chliner sind als er (sind ja all, wänn nöd zwei).

Die grösser Enttüschig sind aber geschter d'Ösis gsi und weder i dem Match no bi Portugal-Island hät irgend öpper i mine Tippschpiel en Punkt gmacht (ussert ebe mini Frau im interne Familie-Tippschpiel).

Und ja, es macht öppis us bim zueluege. Mindeschtens bi de Chind. Ich schaff's amel trotz Tipp nöd, mini Sympathie für de ehner schwächer Mannschaft weg z'lege oder alti Sache us em Chopf über z'cho, wie dass d'Italiener nur hine ine schtönd und schtändig uf de Sack gheied (was ja ebe bis jetzt nöd mal de Fall gsi isch).

Han drum also trotz Tipp geschter Freudeli gha, wo Island s'Goal gschosse hät.

Grausam. Weder im Gschäft, no bi zscfans.ch hät irgend eine uf Ungarn tipped. Nur mini Frau, wo vo Fuessball kei Ahnig hät, isch richtig gläge im Familie-Tippschpiel ;o)

Es git schlussändlich kei fairi Lösig.
So vill Pünkt go vergäh isch au rächt sinnlos.

Ja, isch luschtig.
Aber han ganz neui Erkänntnis. Finde eigentlich mittlerwiile (und nöd, wäge eigene Tipps), dass mer ehner sött Pünkt vergäh, wämmer de richtig Sieger hät und dänn no pro Mannschaft, wo mer d'Aazahl Goal richtig tipped hät, anschtatt für d'Tordifferänz.
Es 5:4 gib meh Pünkt als es 2:0, wänn de Match 2:1 usgange isch. Irgendwie au blöd. Vor allem, wänn das Team, wo verlore hät, 1 Minute vor Schluss no en Schuss an Pfoschte haut oder so ;o)

zum Glück hani nanig iizahlt.

Die Tuble mached sich doch alles sälber kaputt, mit den komplizierte Gschäftsmodäll.
Cardsharing choschted scho au öppis im Jahr. Nöd, wie mit Cablecom i de Mietwohnig. Das sind no Ziite gsi ;o)

Sat, wär natürlich mit ohni zahle...
Aber ich mache ja so Sache nöd.

demfall muessi wohl wieder via Satellit luege in Zuekunft.

nöd schön...

wie gseit - de Markerächtsaawalt isch am abkläre, will zscfans.ch genau so gschriebe werde sött und nöd andersch!

Ich finde halt allgemein, dass richtigi Tordifferänz nöd müesst meh Pünkt gäh, wie richtige Sieger. Und s'genaue Resultat chan vo mir us ein Punkt meh gäh, wie de richtig Sieger und meh nöd. So Seich mit Tordifferänz und richtigem Resultat macht s'ganze no meh zumene Glücksschpiel.
Bi so villne Schpiel wär ich sogar defür z'ha, es Tippschpiel z'mache, wo's eifach für de richtig Usgang vom Schpiel (richtige Sieger oder unentschiede tipped, wänn unentschiede isch) ein Punkt git.
Aber d'Regle sind halt so, wie de Thomi das will.

Zeigemer am Thomi mal, dass sin jährliche Gwünn im gschäftsinterne Bundesliga-Tippschpiel nur z'Schtand chunnt, will dete chli komischi Lüüt schaffed.

Es fähled scho no paar, woni eigentlich dänke dass sie mitmached!

Gesendet von meinem GT-I9195 mit Tapatalk

Ja, so lueg ich das au a.
Und luschtig isch ja scho, dass nur scho paar wenigi Franke Iisatz so es Schpiel x-mal schpannender mached.
Bin no dihei am luege, öb mini Jungs mitmached imene familieinterne Tippschpiel mit 5 Schtutz Iisatz. Es wend aber nanig all so vill riskiere ;o)

So wie ich ghört han, sind dini Arbetskollege öppe so guet im tippe, wie ich. Vo dem her söll er ruhig au iizahle ;o)

Ja. Das git's no günschtiger. Isch aber e Schiss-Version, wänn mich frägsch. Für euse Zwäck würd's ja aber lange.
Suscht fangemer im September a mit em 16ni, das git's dänn au für 15.--

Es schöns Biischpiel, wo zeigt, dass mer nöd alles därf glaube, wo irgendwo schtaht:

http://www.blick.ch/news/schweiz/m…-id5098878.html

Wahrschinlich trifft das ebe no uf vill meh Sache zue, als mir eus vorschtelle chönd!

Gib doch eifach de Link dure, Thomi.