Ich bin eifach mit vielne Sache wo Du schriebsch oder Wörter wo du defür nutzisch nöd ieverstande: wie wettsch Du wüsse, wie's i einzelne Spieler und im Team sälber usgseht. Ob Spieler hungrig sind oder wie die sogenannt Kultur im Team isch?
Das sind alles Sache, wo sich je nach Situation ändere chönd und natürlich schlächt sind, wänn mer nöd Meister wird oder so früeh usscheidet.
Minere Meinig nah gännd all 100%, bis uf evtl. de Cunti (aber bi ihm gsehts wahrsch. nur so us?!? :-), und das wo Du meinsch, isch wohl eher, dass mer halt nöd viel meh als s'normale macht.
Das chunt aber au mit gwüsse Spieler, wie en Büehli, Kennins, etc. wo immer Vollgas gänd und au vo dem läbed. Söttig Spieler chönd anderi mitriesse, aber halt au nöd i jedem Spiel.
Da ghöred no anderi Faktore dezue, wie s'notwändige quäntchen Glück und dass würklich all in Form sind, d.h. gnueg Spiel/Praxis i de Bei händ.
Bi eus hät i dem Jahr weder d'Mannschaftszämestellig no d'Form vo einzelne Spieler zu 100% passt, aber das hät nüt demit z'tue, dass nöd die einzelne Spieler probiered s'Beschti z'geh. Es macht aber def. en (grosse) Unterschied us, ob 95% vom Team viel Spiel i de Bei hät und uf es System iegspielt isch oder ob das ebe nöd vorhande isch; Sprich au zbsp all Linie immer wieder duregwächslet werdet, us wellne Gründ au immer.
Somit isch de Fehler bi: Sportchef, Trainer, Spieler und Verletzigshäx, d.h. bi allne und nöd nur bi einzelne. Aber deswäge muen mer es Team wie euses nöd ganz uf de Chopf stellä, sondern bi de wichtigste Positione verändere. En neue Coach + gwüssi Spielertype hole. En neuä Sportchef bruchts minere Meinig nah nöd oder zumindest nonig: da gits wohl i de Schwiiz nöd mänge, wo das wür besser mache und au da isch d'Frag, wieviel Macht hät er überhaupt? Isch en Rundblad vom Crawford gforderet und en andere mögliche Zuegang abglehnt worde? Alles Sache wo mir als Ussestehendi nöd wüssed...
Fehler chönd all mache und mached au all, drum isch es wichtig ob mer die erkännt und wie mer druf reagiert!
