Beiträge von larlf

Cool, da sind no Emotione im Spiel und am als Hopper müesst mer eigentlich grad nochli Sprit is Füür güüssä

Isch doch logisch, dass all uf em Canepa umehacked, wo immer wieder verzellt, dass usser ihm und sim Bäse niemer e Ahnig (vom FCZ) hät.
Jetzt wo de Erfolg trotz em grosse Name nöd cho isch, isch es es gfundnigs Frässe für jedä Journi.
Vom Sämi händ sich wohl paar Lüüt erhofft, dass es öppi werde chan, aber bisher sind 1. sini Erfolg bim FCZ und vor allem sini (nöd) Handlige und nomeh sini Ussage en riesige Grund, zum ihn i d'Wüeschti z'wünsche. Natürlich isch das alles im Zämehang mit de Pünkt und em Konzept wo fehled. Klar isch Kondition wichtig und chan Spiel entscheide, aber allei mit Kondition, da bringsch weder es guets Team uf de Platz, no viel Pünkt is trochne; Erst rächt nöd, wännd die wenige Techniker ussortiersch und's mit Gägner z'tue häsch, wo technisch, taktisch überläge sind und zu 95-100% glich fit sind wie eues Team.

Im Fuessball isch es halt wie im richtige Läbe: die richtig Mischig machts! Und zwar vo de Spielertype und natürlich au vo de Kondition/Technik.
Mit Kondition allei chasch evtl. i de undere Ligene en Bluemetopf gwünne, aber bestimmt nöd i de oberste Liga vomne Land....

Die nöchste Spiel werdet zeige i welli Richtig dass es gaht und Vaduz hät wieter ufgstockt, da muen au vo euem Team langsam e Reaktion i Form vo Pünkt cho. Suscht isch dänn de Zug bald abgfahre.

eigentlich häsch rächt, aber wänn mer scho so e unsäglichi pause macht, dänn chönt mer doch au luege, dass nachher zbsp all no 4 spiel händ?
das wär für mich es biitzeli meh fairness, will dänn all glichzietig spiele würed und nöd uf d'resultat vo de andere luege chan.

aber eigentlich faht s'problem scho mit em underbruch ah, wo die einte teams meh und die andere weniger spieler i d'nati schicked. das ghörti für mich "verbote", so churz vor de po und dänn wär au s'andere thema erledigt. d.h. mindestens die letschte 2 quali spiel müessted glichzeitig stattfinde, aber das isch glaubs au jetzt de fall....

wird interessant:
- yb muen gäge vaduz e reaktion zeige, basel wird es stängeli mache (usser es wär no euroleague rund um das spiel) und mir schänked ihne 1-3 pünkt (so wie d'waldbuebe früener "gäg" de Z)
- bi eu würi nöd wettä, will ich de meinig bin, dass ihr gäge luzern/lugano punkte dörfted (eigentlich müessted), aber au ohni punkt us denä 3 spiel bliebe chönted. was dänn wohl scho bald mal de chopf vom sämi bedüte müessti! je länger ihr ohni pünkt bliebed, desto verkrampfter wird s'team.

de artikel findi au "lustig": http://www.nzz.ch/sport/fussball…camp-1.18691483
uups, aber de aktuellscht schlaht eigentlich alles: http://www.nzz.ch/sport/fussball…hung-1.18692041

"Er sagt: «Jeder verdient eine zweite Chance. Davide weiss, was beim letzten Mal schiefgegangen ist. Und wenn die gleichen Sachen wieder vorkommen, dann fliegt er wieder raus.»"
...
"Sicher ist: Fitter ist Chiumiento nicht geworden. Er hat die ganze Vorbereitung verpasst. Und allein wäre Hyypiä gar nicht auf die Idee gekommen, ihn zurückzuholen. Es war Gilles Yapi, der Captain, der ihn letzte Woche bat, darüber nachzudenken. «Ich lege viel Wert auf Yapis Meinung», sagt Hyypiä."

so gseh chönt euse "Weise" no rächt ha und de Yapi macht demnächst d'ufstellig?

i eim punkt hät er minere meinig nah scho rächt: es isch weich, dass nach de natipause nöd all glich viel spiel bis zu de po händ!
das müesst doch def. möglich sie, dass mer das in spielplan bringt. aber wer gäg wen am schluss spielt, interessiert würlich niemer, muesch gäg (fast) all glich viel mal spiele i dene 50 quali spiel...

wännd d'datei bi dir speicherisch, gahts eigentlich scho. damit nöd all die belanglose zielä läse müend, hani s'bild no inegstellt

wer weiss, evtl. wird jetzt de konditions-sämi zum seelä-streichler? scho derbi reaktion, dass mer nach 1 spiel so en entscheid rückgängig macht!
eigentlich hät ja chum öpper en sieg gäge sion erwartet, aber mit eim mah meh uf em fäld s'einzig goal übercho und erst i de letschte paar min. wächsle, das isch gar komisch. zumal er ja i de vorbereitig fast immer komplett duregwächslet hät.

irgendwie kei linie, de mah am spielfäldrand und wohl no weniger e taktik.

i de aktuelle situation bruchts wohl es gmeinsams erfolgserläbnis uf em fäld, zum da nomal de turnaround z'schaffe, sust gsehn ich eher schwarz für eu und nati b isch def. nöd lustig.
aber das wird de meiste spieler egal sie, wie de snowcat richtig seit, die hocked ab und lueged, dass im summer gah chönd! zumindest falls dänn de sämi wieterhin trainer sie sötti...

http://www.watson.ch/Sport/Eismeist…den-Strichkampf

eigentlich nöd gross der rede wert, aber ich find s'bild vo de berner geil, wo eine bi de kommentär inegstellt hät

isch würklich cools Spiel gsi! Zum Glück gits replay, dänn han ich amigs wieder chöne zruggspuehle, wänni wieder iegschlafe bin
am Cam isch es mal nöd so guet gloffe, was natürlich zum Gröste Teil de Defense ihri "Schuld" gsi isch, aber z.Teil au chli glücklich gsi, dass Denver z.bsp nach Interception + grad Tumble glich in Ballbesitz bliebe sind.

Krass isch au s'faire Verhalte vo allne vor und nach em Spiel, egal ob Gägner oder eigni Spieler, wie mer i diverse Biespiel gseh hät: isch scho geil, wie's i denä Situatione mitenand umgönd!

Mags am Peyton Manning gönne, au wänn ihn gester s'Team treit hät, de Newton hät bestimmt bald nomal d'Möglichkeit zum de Ring hole.

hmmm, muen scho ganz anders sie, wänn de Tag lang drüber berichtet wird, d'Strasse leer sind & mer mit andere chan Party mache; Vor allem zu normale Ziete und nöd d'Nacht dure...

Viel Spass!

ich find, dass i de letschte Spiel glieferet worde isch. aber ohni Final isch die Saison nöd viel Wert und eigentlich wär grad no en zweite Titel ahgseit: schliesslich wett de MC ändlich wieder en Job i de NHL.

geil, morn doch no spontan chöne frei neh: freu mi uf e hoffentlich spannendi Nacht, bald gahts au da mit de Überträgig los!

wänn einä vo denä 2 das hetti wellä mache, dänn hetteds das scho i de Winterpause müese mache!
Aber so gahn ich mal devo us, dass es no mindestens 5-10 Spiel dure wird, bis öppis gaht. Chunt wohl au uf d'Gägner drufa, wie sie i derä Ziet punktet.

Ob ächt de Sämi dänn im B sie's eigne Team dörf zämestellä, für de sofortig Ufstieg? Vorher wird er chum vo sich us gah, dänk ich mal, genau wäg derä Begründig.

edit: jetzt grad no de Spielbericht gseh und am Beste hät mir die Szene gfalle, wo de Sämi de Postizättel mitgeh hät
Da frög ich mich: hät er döt trotz keinere Uswächslig so gross umgstellt oder häts so viel Lüüt/Lärm gha, dass ihn d'Spieler nöd ghört hetted oder isch s'Spiel so schnäll gsi, dass er nie eine zu sich a d'Linie hett chöne hole oder hät er das eifach im TV gseh & au mal wellä mache?
Schad macht er sin Name momentan sälber schlächt, ich han ihn bi de Reds gliebt!

hmmm, platz 1 abgeh wird langsam aber sicher schwer...

was ich nöd ganz verstahn: wieso isch es nöd möglich, dass d'teams zbsp die letschte 4 spiel vo de quali glichzietig usträged?
die aktuell tabälle isch in bezug uf d'ahzal spiel eifach nur understi, so churz vor po!

isch ok, was seit er?
team isch jetzt fit & er hät chli chöne usmischte, will u.a. verträg nöd verlängeret werdet & mer drum spieler gah lah hät.
de rest isch öppe: so antwort geh, dass mer nöd i d'fangfrag gheit, aber das schafft jede halbwegs intelligänt; ok im fuessball evtl eher e sälteheit

was ich bitz komisch finde, dass er nur meh oder weniger e vorstellig vo de beste mannschaft hät.
ich hoffe für eu, dass er das nur gseit hät: nach dere ziet müesst er scho wüsse wie s'besti team wär!
das gsehsch eigentlich rel. schnäll, wer wo guet isch & wie mer drum ufstellt/spiele laht (wänn all fit sind).

ok, (glaubs) 1-2 ganz Jungi händ ihr ja im letschte Summer abgeh, aber wär ja scho wünschenswert, dass mer vo sonere riesige Nachwuchsabteilig i de 1. Mannschaft und dänn au mit Transfer chönt profitierä. und wieso dänn die tüüre Fraue? nimm ja nöd ah, dass mer mit denä (viel) Gäld/Prestige chan inehole, es sei denn, ihr stieged würklich ab und all gönd go d'Fraue luege?

hauptsach gwunne und das uswärts!
wobie ich cup im hockey immerno komisch finde und ehrlich gseit nöd viel demit afange chan, aber evtl. gwöhn ich mich irgendwänn no dra...

jetzt nomal Gas geh und dänn halt nöd wieder gaanz so fest nahlah, dänn müessts doch def. lange!

ok, guet möglich, dass weiss ich def. nöd!
das bi de Dame verstahn ich au, wills döt glaubs bekannti Näme hät (us DE), aber wieso bi de Juniore?
ich weiss, dass ihr überall im Kanton verteilt Standpünkt händ, wo die Beschte zämezoge werdet und das glaubs au scho sit einige Jahr. Aber chostet das so viel meh als bi andere und wänn ja: wieso gseht mer (no) nüt devo im Team? (Oder gsehn ich das eifach nöd, will ich mich bi eu z'wenig informiere?)
Han nur ghört, dass anschienend Klubs ihri beschte Juniore abgeh müend! und die nachher quasi "uf de Strass" stönd, wänns dänn glich nüt wird. D.h. mittlerwiele gits Klubs wo söttig wieder zrugg holed, aber ich finds chli komisch wie's gmacht wird (oder wie ich's ghört han).

find ich e interessanti Sicht!

Nachwuchs, Fraue & Lohnempfänger ohni aktuelle Gägewert werdet aber die meiste andere Klubs au ha, somit wür für mich nur no s'Museum bliebe, wo hoffentlich nöd Mio. verschlinge wird.
Zudem händ ihr, im Gägesatz zu andere, sit Jahre die glich Füerig, womit das alles sälbstverschuldet isch; Aber immerhin au sälber zahlt wird
Canepa chan mit de Lüüt mache was er will, er zahlt dänn halt sälber druf, wills entweder kein Transfer (mit Gäld für ihn) git oder er de Vertrag trotz Afächtig wieter zahle muen: ob er drum uf en kompetänte Sportchef verzichtet?
Eigentlich hett ihn de Drache scho lang müese allne Ämter enthebe, usser em Präsi, wänn sie's rein wirtschaftlich betrachtet

Weiss nöd ob Thun, Vaduz, Lugano würklich meh Gäld als ihr für die 1. Mannschaft zur Verfüegig händ?
Guet, de Startrainer wird au nöd gratis sie, bi dem Name...

defür gits dänn sicher mal es zsc fan reisli zum ihn bim neue team z'bsueche