Beiträge von larlf

  • 1/2 Final: ZSC - Servette

    wänn mir mal (wieder) konstant würed Leistig bringe, wär de Final gäge Chlote sicher...
    aber so wie mir min. jedes zweite Spiel uf em Iis stönd, isch alles möglich: ob im negative oder positive Sinn!

    d.h. als Team ufträtte, hine uf- und vorne abruhme: dänn gheied d'Schiebe ine und de MAB dörf sich au wieder 1-2 haarströibendi Päss erlaube, ohni dass de Finaliizug gfährdet isch.

  • 1/2 Final: ZSC - Servette

    d'Halle isch halt def. keis Hockey Stadion meh (isch ja nüt neus) und wieso mir praktisch kei Stimmig anebringed, frögi mi au.

    Han's gester ganz üebel gfunde: da bisch im HF, machsch Gänf abe & Stimmig praktisch nöd vorhande.

    Simmer eifach sälber z'fest (vo de Quali) verwöhnt und bueched so Sieg als "normal" ab?
    Bin de Meinig, dass mer d'Leistig vom Team meh honorierä müesst! Öppe so wie im Spiel 7 müessts doch immer sie....

  • Hockey allgemein

    Zitat von Reto

    So e Kiss-Cam wär doch mal öppis.


    händs das aber nöd öppe im letschte Spiel (in Gänf) am TV zeiged?
    die händ e "bisou cam"!
    was meinsch wieso ich i de Pause nie hocke bliebe bin? ;)

    ich han au demit grächnet, dass es für Spiel 5 en Ahsturm git: gseht aber gar nöd denah us.

    han au scho vo einige ghört:
    "gaht ja no um nüt. ich luegs am tv und zahle nöd (nonig) 75.- für e ahständigi Sicht..."

  • 1/2 Final: ZSC - Servette

    schad, aber falls es du Dir no andersch überlege söttsch: mäldsch dich eifach bi mir.

    ich verstahn, dass mer us gaanz vielne Gründ nöd immer (oder nur wenig) a Spiel chan gah, aber ich verstahn nöd, wie mer als Fan chan säge: "ich han kei Lust"!
    klar mached schlächti Phase kei Spass, aber mer understützt sie's Team trotzdem oder sogar erst rächt, au wänns mal nöd so toll lauft.
    und btw. mir sind im HF, also wer da vo "schlächti Phase" redet, de hät sowieso nöd all Tasse im Schrank!

    (Team)Sport isch halt nöd öppis wo mer de Erfolg eifach so chan plane, das isch ja genau das, wo de Sport so schön macht...

    und no zum Schluss (für hüt):
    will ja sowieso s'ganze Team da ine mitläse tuet und sie äxtra nur dihei Scheisse spieled (hauptsächlich wäg eune beide Kommentär, zum eu en Dänkzättel verpasse) -> genau drum werdet mir am Di. s'Spiel dihei gwünne, da ihr 2 ja de Halle fern bliebe werdet.
    Ich freu mi jedefalls uf s'nöchste Spiel!!!

  • 1/2 Final: ZSC - Servette

    Zitat von gringo


    Ich gseh da kei wildi Hüehner :)
    Ich ha nur g'hofft, dass de Videoentscheid kein Rugel spielt!

    ich nimm mal ah, dass mer die Huscheli nie im TV gseh hät: aber das isch ja ächt underschti gsi, was die Meitli botte händ! Schlimmer als mir bim 0-5...

    Han gfunde, dass d'Mannschaft e gwüssi Sicherheit usgstrahlt hät: sie händ gschosse und sind uf d'Abpraller gange und hine händs ufgruhmt.
    Hine simmer eus nur sälber in Wäg cho, ob mit emne Pass quer dure oder hinderem Goal füre fahre, diräkt in Gägner: scho bitz gar schlimm was de MAB gmacht hät. Aber solang mir gwünned, interessierts mi nöd gross.

  • 1/2 Final: ZSC - Servette

    Zitat von zsc79

    Trotzdem gehe ich nicht in die Halle.
    5 Heimspiele in den Playoffs und keines war auch nur annähernd gut !
    Jetzt zum dritten Mal auswärts besser gespielt, mehr gekämpft und gewonnen = Verarschung des Heimpublikums !
    So geht das nicht !

    scho luschtig: häsch dich au über all die Qualispiel beschwert, wo's so guet gspielt händ?
    also ich wür dir suscht dini SK scho für paar Franke abchaufe, wänn du nüme gasch: git gnueg wo's würed neh.

    und damit sich de Maurizio nöd ganz so allei fühlt: das Agebot gilt natürlich au für Dich...

  • Krawalle (nicht nur in Zürich)

    wieso lönds überhaupt Fans uswärts zue?
    die meischte vo denä Idiote händ wohl e Stadionverbot bi eus, also sölleds halt eifach uf en eigne Sektor bim Uswärtsspiel verzichte...

    dänn no d'Stehplätz abschaffe und mit guete Kamera und hertem duregrieffä häsch die paar Glöhn bestimmt schnäll usegholt!

    chönt jedi Wett mache, dass in Valencia scho wieder paar Sache flüge werdet...

  • 1/2 Final: ZSC - Servette

    schön isch es gsi in Gänf, au wänn ich bi JEDEM Underbruch die sogenannte "wild eagles" vor de frässi gha han :suff:

    han irgendwie s'Gfühl gha, dass Gänf eher glücklich zu ihrne Goal cho sind und drum nie gross Angst um eusi gha.
    ich hoffe jetzt eifach, dass mir au die nöchste Spiel so wieter spieled und nöd scho wieder einä uf locker mached...

  • 1/2 Final: ZSC - Servette

    bin wohl z'doof: wo gits Tickets für Sa.Spiel Gänf für eusä Sektor?

    oder isch es au (ohni Problem) möglich, als Z Fan uf d'Haupttribühne z'hocke?
    Ok, han LugaNO früener au scho überläbt, aber döt als "neutral" Kleidet und mit mulmigem Gfühl...

  • 1/4 Final: ZSC - Lausanne

    was ich no han wellä säge: es grosses Lob a d'Lausanner Supporter!!!

    han's einersiets (wider erwarte) ziemlich luschtig und unterhaltsam gha, mit ere handvoll vo ihne uf em Weg i d'Halle.
    Aber was ich würklich fein gfunde han: wie sie ihres Team am Schluss no gfiired händ, wo d'Halle scho zu öppe 95% leer gsi isch...

  • Dies und das

    frage zu gänf pour les anfänger:

    lohnt sich de bsuech am sa. in gänf? (vom stadion, stimmig, stadt)
    falls ja: wellä sektor isch eus (oder bi eusem: zum sitzä)?

    falls ich gahn: bin alt, mag nöd car fahre und de letschti zug isch mir au z'heikel, drum: gits es ahständigs hotel wo per zuefall öpper empfehlä chan?

  • !! Danke ZSC !! oder Totgesagte leben länger!

    Zitat von Sbornaja

    Geil gschriebe Thomi, gibt nüt wo vergesse häsch und ich Schlüsse mich dem a.

    War ne geile Saison, mit vielen vielen Hochs und ganz wenigen Tiefs!

    nur doof, wänn s'gröste Tüüf am Schluss chunt.
    aber das isch scho so: Form vo einzelne Spieler chasch nöd plane + mängisch wird us z'viel wellä halt au e Verchrampfig usglöst...

    ich gahn devo us, für den Fall der Fälle, dass die Zueschauer wo am Schluss no i de Halle sind, au applaudierä werdet (die andere bliebed wahrsch. gar nöd bis zum Schluss).

    wichtiger wär aber def., dass mir während 60 min e Stimmig anebringed.
    das lieht minere Meinig nah nöd (nur) a de Halle, sondern vor allem a de Zueschauer + was gruefe/gsunge wird, zum s'Team pushe!!!
    Es muen halt au öppis sie, wo ALL mitmached + nöd nur paar Schnäuz us em 3.Rang känned...

  • 1/4 Final: ZSC - Lausanne

    das isch aber dooof & ich han gmeint, mir heged das sälber i de hand?

    huerä gejammere, ziit zum de finger use neh & gas geh!!!

    en afang chönt ja au vo eus cho & mir understützed s'team no lüüter & vor allem vo afang ah & au (oder erst rächt) wänns nöd so laufe sött?!?
    au wänn d'halle morn nöd voll sie wird, es wird gnueg lüüt ha, zum e geili stimmig ha!
    wänns totenstill isch & vo de idiote no pfiffä wird, chömmer au grad lausanne in hf träge...

    morn wär ziit, zum au uf de räng einheitlich (mit stimmigsmacher & nöd mit ändlos-loop geträllere) ufz'trätte & de lausanner zeige, wer d'quali souverän dominiert hät!

  • 1/4 Final: ZSC - Lausanne

    haben sie (glaubs) schon in den letzten Jahren so gemacht, wenns ein 7.Spiel gab, dann gab es diese zu den jeweils nächsten "PO-Runden-Preise", d.h. das sind bereits die HF Preise.

    aber 75.- für 2. rang, etc. finde ich schon auch happig. zudem kommt das Spiel morgen im TV, da werden einige auf das Geld verzichten und sagen: wenn sie auf dem Eis Leistung zeigen und sich für HF qualifizieren, dann komme ich wieder.
    Das zeigt wohl auch der Umstand, dass es momentan noch sehr viele Karten hat...