Klar, Fusion isch (nonig) es Thema - und für mich eigentlich au nöd. Aber zu dine Ussage:
Am Afang würed wohl nöd viel Zueschauer cho. Sötts neue Team aber Erfolg ha - dänn 100%. Das isch Züri, mir liebet nur s'Beschte vom Beschte....
Siehe au ZSC LIONS, RB Leipzig, etc. etc. Wo de Erfolg isch, hät's inere "Metropole" au gnueg Lüüt wo wänd go luege.
Aber klar, lieber de FCB nomal 10 x Meischter werde lah .....uuuuuuhh lässig und spannend.
Bin eigentlich pro FCZ. Aber NIE en FAN, eher Sympatisant. Ende 80er und i de 90er bini viel a (beschissene) Spiel vom FCZ gsi. Würd ich mir jetzt
als 45 jährige Familievater nümme atue. Ah doch, bin no a de Championsleage Games gsi und am CL Quali-Spiel gäge Bayern.
Eigentlich bin ich genau die Zielgruppe, wo mer muess is Stadion locke. Gnueg Chole für Tix, Schal, Ässe+Trinke, en Sohn zum "mitzieh" und fuessballinteressiert.
Bim ZSC gseht das ganz anders us. Mich muess mer nöd überzüüge, bin au i de Playout-Saison jedes gottverdammte Spiel go luege.......
Jetzt im B isch cool, echli günne und vorne debi si. Und nachem Ufstieg sicher au noch chli luschtig. Aber richtig geil isch es für mich erscht wänn's würkli um
öppis gaht! Und demit mein ich nöd en Europacup Platz...... Züri halt.
Aber nomal - chan mir e Fusion au nöd vorstelle. 1. will viel z'viel Eitelkeite, Hass und Ablähnig da isch. Und 2. will das sich nöd nur uf d'Fans beschränkt,sondern
au bi de "handelnde Persone" i de Clubs. 3. weiss ich nöd, ob es neus Konstrukt, bzw. die Entscheidigsträge in place en gnueg lange Schnuuf hettet.
Zrugg zum ZSC, bzw. de ZSC Lions: Was wär passiert, wänn de Name ZSC verschwunde wär? Es wäret min. 50% weniger Lüüt (u.a. ich) is Stadion cho.
Wänn das neue Konstrukt aber au en ähnliche Erfolg gha hetti wie d'ZSC LIONS, dänn bin ich überzüügt, dass de aktuelli Zueschauerschnitt nöd so viel
schlächter wär wie de jetzig .... Züri halt.