Ihr sind mängisch scho komischi Sieche !
Was wänder eigentlich, biser mal ändlich ufhöred stänkere ?
Isch doch en geile Match gsii mit viel Goal, eme fightende Z und 3 Pünkt nach regular....isch das nonig gnueg ?
Mir langed das, ich bruchs nöd, dassmer jede Match 6 zu 0 günned ! Ich han lieber en spannende, enge Match so lang mir 3 Pünkt iifahred isch das bene....ich will Kampf, en huch Genialität und meh als 2 Goal pro Spiel. Alles han ich gester für mis Gäld übercho !
Aber viellicht bin ich ja au eifach nur mit wenig zfriede, und müesst au zu eim vo dene ewig Nörgelnde mutiere, wos da ine leider zu Hauf git :-o
Abgseh dävo, dass no immer einigi Spieler Verbesserigspotential bez. ihrer Form händ, isch Biel gester kein schlächte Gegner gsii, und jede wo öpis anders behauptet nur will dä Name vom Gägner "EHC Biel" gsii isch, dä hät nöd würkli viel Ahnig vo Mannschaftssport im Allgemeine.
Ich wür ja gern mal wüsse öb all die Nörgelis da ine bim Schaffe au jedesmal "perfäkt" sind, nie Fehler mached und immer absolut s'maximale useholed ? Müend ja rächti TopShots sii wo sich jede Arbeitgäber däna d'Finger abschläckt.
Nomal churz zum Spiel, ich bliib bi dem wo ich sit Afang Saison säge, lönd dä Down spiele ! Dä isch quirlig, stark a dä Schiibe, wagt mal öpis, hät Zug ufs Goal und chunt ame "Knipser" i eusem Team am nächste !
Ich han dä Westcott ämel nöd vermisst gester will solang mir vorne 1 Goal meh schüssed ischmer eigentlich rächt egal wieviel mir hinne kassiered !
Ah ja no öpis, eimal meh gueti Leistig gsi vom Lukas ! Genauso wenig perfäkt wie die vom Rest vo dä Mannschaft aber das erwart ich au nöd, will ich bins bestimmt au nöd !
Nur dä SchwarzStern und Konsorte da ine sind perfäkt und die händ halt höcheri Asprüch als Kampf, Iisatz, Teamgeist und Moral......pfffff
Gruess a all nöd Ewignörgler
Thomi
