Ich werde au debii si! Freude herrscht.
Tippe uf es 6:1.
Gruess
Cybi
Ich werde au debii si! Freude herrscht.
Tippe uf es 6:1.
Gruess
Cybi
Bei der Playoff-VF Serie Fribourg - Biel führte Fribourg auch zuerst mit 3:0 Siegen und dann holte Biel 3 Siege in Serie... Chered d'Serie wär ja schön, aber Fribourg ist seit Jahren unser Angstgegner...
Ganz schwache Leistung gestern.
Aussage Trainer: "Wenn der Kampfgeist auf der Sonne wäre, würde sich der ZSC ganz weit davon weg befinden, auf dem Planet Pluto..."
Guter Matchbericht: http://www.sonntagszeitung.ch/sport/artikel-…/?newsid=236159
Und mich gits au no!
Und es git 7 Täg, a dene nur de ZSC spillt, d.h. de Z spiilt a 7 Täg, wo eigentlich kei Spiiltäg sind (vorgezogeni oder nahgholti Rundene)... Schade, denn gits wieder e müehsami/verfälschti Tabälle, i dere nie alli Teams gliich viil Spiil absolviert händ, d.h. es därf wieder nach Verlustpünkt grächnet werde... Au suscht gits nur sälte volli Rundene mit 6 Spiil a eim Abig...
R.I.P. Steve Jobs, ex-Apple Chef. 1955-2011.
Us enem 1:4 Rückstand no es 5:5 z'erreiche, gfallt mer. Hätt leider nöd für enen Sieg glanget. Aber viil Gool hätts geh, das findi scho mal guet, eusi Offensive isch ja scho siit Jahre ziemlich miserabel...
Sowas vo gääähn sind die Teilnehmer das Jahr:
- Dinamo Riga (Lettland)
- Wolfsburg (Deutschland)
- Vikovice (Tschechien)
- Team Kanada
- Davos
- Kloten
Nei, bi dene Teilnehmer löscht's mer ab...
Traumfinale wär natürlich Kanada-Davos...
Klar bestes Spiel (im Sinne vo Unterhaltig) a dere WM:
Spiel um de 3. Platz: Deutschland - Uruguay 2-3 (schaaaade!)
Suscht blibet sicher no in Erinnerig:
Schwiiz - Spanien 1-0
Portugal - Nordkorea 7-0
Aber suscht wird mer nöd viel blibe vo dere WM. Es isch e WM zum vergesse. Scho nach nöd emal enere Wuche nach em Finale sind d'Erinnerige nur no schwach und de Alltag ikehrt. Guet, isch d'WM vorbii.
Positiv: Schwiiz hätt sich i de FIFA-Wältranglischte um 6 Plätz uf de 18. Platz verbesseret. Wau, mit sind ja u huere guet und jetzt z.B. vor Frankriich und Mexiko...
EM 2012 in Polen und der Ukraine, also ziemlich im Oschte.. hmm, mal luege, wies wird! WM 2014 in Brasilie wird sicher de puri Wahnsinn, druf cha me sich freue...
Macht eu die Fuessball-WM bis jetzt eigentlich Spass? Mir ehrlich gseit nöd eso. Bis jetzt isch es so gsi, dass ich e riese Vorfreud gha han und viel Spiili mitverfolgt han. Aber jetzt - keis Fuessballfieber. Ich verfolg die Spiili mit so wenig Emotione und Fanatismus wie scho lang nümme. Gahts nur mir so?
Liegts a mim Alter (28)?
Liegts dara, dass es eifach wichtigeri (privati) Sache git im Läbe?
Liegts dara, dass d'Wält i so enem schlächte Zuestand isch wie scho lang nümme? EU- und Euro-Krise, Erdbebe, Überschwämmige, Ölkatastrophene, Krieg, Terrorismus, sehr müehsami Schwiizer Politik, vieli Unsicherheite (nahe Oste, Korea, etc.). Villicht gsen ich eifach znegativ, aber es git siit öppe 2 Jahr viel Weltgeschehe, wo halt eifach wichtiger sind als Fuessball? Fuessball isch nur es Spiil und in es paar Mönet redet kei Sau meh devoo.
Liegts am exotische Ustragigsort? Spielziite sind für eus ja sehr guet zum aktiv mitverfolge, aber Stimmig? Schwiizer Fans vor Ort?
Liegts a de schlächte Schiedsrichter-Leischtige? Schiris us Saudi-Arabie, Usbekistan und anderne exotische Länder sind zum Teil eifach zu extrem pingelig.
Liegts a de zu viele Überraschige und dass es kein so grosse Unterschied meh git zwüschet de Natione? Frankriich und anderi grossi Fuessball-Natione sind d'usse. Viel europäischi Spieler sind nach zum Teil 80 Isätz (Liga, Cup, europäische Wettbewerb, x-Länderspiel) eifach zu kaputt, zum no gnueg Energie ha für die WM.
Liegts dara, dass die Spiiil eifach nur no es tüüfs Niveau und Unterhaltigswert händ? Zwänig offensive Fuessball? Diesbezüglich positiv ufgfalle sind bis jetzt eigentlich nur Brasilie, Portugal und Chile.
Liegts dara, dass es i de Schwiizer Nati zvill Veränderige geh hätt und kei würklichi Persönlichkeite meh ume sind? Alain Sutter, Adrian Knup, Kubilay Türkyilmaz, Chapuisat... so Spieler hämmer eigentlich nümme...
Gruess
Cybi
Wo ane gönder das Jahr go reise? Und generell: Wo hätts eu bis jetzt sehr guet gfalle und was chönder gar nöd empfehle? Verzellet mal echli euri Reiseerfahrig und -berichte
Sehr guet:
- Sri Lanka
- Sharm el Sheik
- Gran Canaria
- Amsterdam
- Prag
Ganz OK, aber einmal langet:
- Berlin
- Hamburg
Muess nöd unbedingt sii (me verpasst nüt):
- Kanada (Toronto, Montreal, Ottawa)
Gar nöd guet:
- Hurghada
Was mich bsunders wunder nimmt: Was haltet ihr vo Chrüzfahrte?
Voll geil.
Klar sött me nöd söttigi Pauschalagebot bueche. Individuell chunnts wahrschinlich scho günstiger. Ich dänke, das wird temperaturmässig (ca. 5°) die chältischti WM sii, well ja döte denn Winter isch. Und vo de Kriminalität wämmer gar nöd erst rede...
Isch es eigentlich korrekt eso, dass die südafrikanischi Aspill-Ziite (2 x 16:00 Uhr und 1 x 20:30 Uhr) au de Schwiizer-Ziit entspricht? Mir sind glaubs scho i de glichige Ziitzone.
Wie wiit chömmet d'Schwiizer? Wie sind euri Prognose? S'Achtelfinale sött scho drin ligge, aber spätischtens im Viertelfinale isch Endstation...
Vo de Stimmig (i de Schwiiz, pubic viewing points etc...) her: Ich glaube nöd, dass die WM bsunders interessant wird und trotz schwiizer Beteiligung vill Euphorie da sii wird.
Schwiizer Spielplan:
Mi. 16. Juni 2010 um 16.00h
Schweiz – Spanien
Durban (Moses Mobhida Stadium)
Mo. 21. Juni 2010 um 16.00h
Schweiz – Chile
Port Elizabeth (Nelson Mandela Bay Stadium)
Fr. 25. Juni 2010 um 20.30h
Schweiz – Honduras
Bloemfontein (Free State Stadion)
Fan-Reiseangebote:
z.B. TUI
Reise 1 (erste zwei Spiele, inkl. Flug, Hotel und Tickets)
Pauschalpreis pro Person im Doppelzimmer CHF 7‘790.–
Einzelzimmerzuschlag CHF 2‘200.–
Reise 2 (alle drei Spiele, inkl. Flug, Hotel und Tickets)
Pauschalpreis pro Person im Doppelzimmer CHF 9‘990.–
Einzelzimmerzuschlag CHF 3‘400.–
Gnueg tüür! Und mit Ferie mache näbetbii wie z.B. in Portugal gsehts glaubs au nöd so guet us.
Cha mer nöd vorstelle, dass allzuviel Lüüt/Fans die Reis uf Südafrika mache werdet... mal luege!
E Fuessball-WM mit langärmelige T-Shirts und bi Temperature unter 10 Grad. Wer isch eigentlich live vor Ort nächstes Jahr?
In Ambri wär das nicht passiert!