Sooo also.. den ich halt…
Wennt Männer Federball (jaja Badminton my Ass) oder s’ Männer Chegle würsch so hype wie de allgem. Frauesport, hetsch i dene gnennte Sportarte ~900 Zueschauer meh im Schnitt als im Frauehockey oder Frauefuessball.
Es isch so 
aber ja, keine getraut sich, also muess ich wiedermal 
….. (wer den suscht 🙄)
Es isch wie di Blinde gg di Lahme bi de 15 jährige Buebe.
Aktuell gits doch de Werbespot im Fernseh….. pipapo… Hey mir Fraue chönd das auuu… bla bla bla
JAAAA IHR CHÖNDS, ABER EIFACH NÖD GUET!!! (Chunt mir immer Sinn)
M*, ich verstah dich, willsch nöd falsch überecho, Held sie für e Generation/Mädels wo sich alli Müeh gänd und au WÜRKLICH Klasse Leistige bringed! Chapeau au vo minere Siete, würklich, bin stolz uf jedi wo sich 100% is Züg leit! Meh gaht ja nöd! Meh bruchts nöd!
101% söll mer ja zerst mal eine bewiese… gits nöd!!! Aber das isch es anders Thema.
Mini 17 Jährig het ja au grusig Freud am Sport und verzellt wie wild, was für es Tier sie isch! Sie hät ja schliesslich mal n 6 er im Turne gha (ja bitte bitte chlie Applaus!!)
Die druckt grad 2kg, hät nachher n grusige Kuskelmater und meint sie chänt sich bim Lastwagezupfe a de Europameisterschaft ahmälde… (de GrossBrüeder und ich schmunzled, lönd sie natürlich im Glaube, dass kei Hantle git über 2Kg!)
M*, du willschder d Finger nöd verbänne bi dem Thema, (überlass das ruhig mir, ich chan das, ich bin eh unedurre bi dem Thema und hamer scho zigefüfzg mal d Töpe verbrennt )
Aber lukrative Frauesport… im Ernst, mal exgüsi abgseh vo Wältklassesportlerinne ab HF oder Final im Fuessball,Hockey Basketball,Tennis und Stratosphärepingpong (wältklassesportart Hornusse), ischs nöd spannend und nöd guet zum zueluege. Klar, mini Meinig…
Es isch ähnlich, wie wenn eine schriebe würd de Bayer seg de best ZSC Trainer aller Zite gsie will er d CHL und de Meistertitel gholt hät und das nachere Kriese vom alte Trainer. Realy? Ganz falsch isches ja nöd, aber jede weiss….
(übrigens danke CRAW, BEST aller Zite: and all the BEST ❤️)
Natürlich nüt gäge de Übertrainer Siebesiech Bayer, verstaht sich vo sälber, er wird Senf Gerwett zum Seriemeister füehre.. nur er elei, als Übertrainer mit CHL und SM Trainer wieder abschlüsse in Genf 👍🏻 Er bout nach em ZSC au d Genfer zum Hockey Imperium uf. Wür mi also nöd würklich überrasche…
Zrugg zum Thema:
Fraue Sport… wird i de Schwiezer Stadie mMn. NIE lukrativ oder schwarzi Zahle schriebe da legi mi fest. Will mer weiss was theoretisch i dere Sportart leistigsmässig/körperlich machbar wär.
ICH persönlich ghei scho übere wenns immer di chlinst (kennemer vom Pauseplatz im Central oder Steimüürli nur zu guet) mit eme Meter Nünefüfzg in Topf stelled, mit ere Sprungchraft vome Nashorn! Ähnlich wie im Hockey bi de Bambini, sobald de erst höch schüsse chan schüsst er 70-100 Goal pro Saison…Wird natürlich nFirst Draft Pick, gseht mer mit 8jährig scho..
Nenn mich was au immer, gib ihm.. Feel you free… lönds laufe (wie gschriebe bin ja de Buumaa ..)
Ich bin REALIST, Fätsch vonere sportliche ÜBERTOCHTER wo meint mit 3x 10 Sets mit 2Kg Hantle heg sie de Weltrekord GSPRÄNGT! OBERSCHÄNKEL Muskelkater (jaaaa sie häts den i de Oberschänkel, warum au immer!!) hät sie wie n Marathonläufer, so dass ICH sie id Bude fahre muess e Wuche lang, bevor ich den chan go bügle…
Ich lah sie, s isch d Prinzessin und di chlie Königin im Huus… genau wies sie muess, sie hät alles geh, das aber jetzt gross welle vermarkte und allne go verzelle was für e Wältklasseleistig sie voll racht hät.… ich weiss ja nöd…
Geld wird sie chum mit Sport verdiene, sölli sie jetzt uf de Planet abe hole? NO WAY! Die wird chum Milionärin mit ihrne 3 Sets, UND GENAU SO SÖLLS SIE ❤️
ÜBRIGENS: Züritütsch ICH LIEBE DICH, schad stirbsch us!
Ps: eventuell nöd ganz so bös und ernst gmeint wie gschriebe, chan eventuell Spure vo Sarkasmus/Wahrheite oder Erfindige drin ha und nur eis isch 100% sicher, MUSKELKATER HÄT SIE DEFINITIV 3-4x pro Wuche und ich muess sie is Gschäft fahre. 
