Beiträge von Reto

Ja, so lueg ich das au a.
Und luschtig isch ja scho, dass nur scho paar wenigi Franke Iisatz so es Schpiel x-mal schpannender mached.
Bin no dihei am luege, öb mini Jungs mitmached imene familieinterne Tippschpiel mit 5 Schtutz Iisatz. Es wend aber nanig all so vill riskiere ;o)

So wie ich ghört han, sind dini Arbetskollege öppe so guet im tippe, wie ich. Vo dem her söll er ruhig au iizahle ;o)

Ja. Das git's no günschtiger. Isch aber e Schiss-Version, wänn mich frägsch. Für euse Zwäck würd's ja aber lange.
Suscht fangemer im September a mit em 16ni, das git's dänn au für 15.--

Es schöns Biischpiel, wo zeigt, dass mer nöd alles därf glaube, wo irgendwo schtaht:

http://www.blick.ch/news/schweiz/m…-id5098878.html

Wahrschinlich trifft das ebe no uf vill meh Sache zue, als mir eus vorschtelle chönd!

Gib doch eifach de Link dure, Thomi.

Nei, ächt jetzt?
Das isch mir NO NIE ufgfalle und das hät mir no nie öpper gseit.

Han nur im Juniorealter chli tschuttet (bis es mir verleidet isch, will all andere i de Mannschaft nur italienisch mitenand gredet händ) und au jetzt bi de Jungs wird das nanig so gmacht oder erklärt. Isch ja demfall jetzt au keis Thema meh.

Gopf. Ich weiss doch nöd alles über Fuessball ;o)
Ah doch - jetzt ja scho.

ääääh...

Bis vorgeschter hetti gseit nei, aber ich han wieder mal NHL 16 gschpillt und irgendwie hät's mit gar nüme so packt. Isch irgendwie e schwerfälligi Sach worde.
Wird natürlich vo Match zu Match besser und flüssiger, aber villicht wär chli meh "Arcade" schtatt "Simulation" glich luschtiger mängisch.

De Knäbel - ich weiss nöd.

De Erich Vogel hät am Sunntig bim Schawinski gmeint, dass es gar kei schlaui Schportchefs uf em Märt gäb.
Defür bildet er jetzt Schportschefs us. I drü vier Jahr git's demfall villicht de eint oder ander und i de Challenge League seg's ja lässig, wie all schriibed, vo dem her...

Bin grad am grüble, öb das ernscht isch oder nöd:

http://www.focus.de/sport/fussball…id_5578084.html

De eint oder ander Punkte macht ja durchus Sinn, aber Punkt 2 zum Biischpiel isch en Witz (wänn's au wünschenswert wär - aber isch halt es Turner und mer muess sini Chräft iiteile und wie will mer das ahnde???).

Punkt 3 macht durchus Sinn und Punkt 4 tschäggi nöd.

Wämmer Änderige macht, dänn vo mir us gern no paar anderi Sache (Schwalbe härter beschtrafe z.B.).
Es isch au z'wenig übertriebe gschriebe, dass es en Witz sött si, aber so Sache wie das mit de Unterhose (?????)
Und es isch 1. Juni und nöd 1. April.

Also. Merked eu die neue Regle ;o)

Haha.
Bi paypal würd's ja no Sinn mache, die paar Prozänt zuesätzlich überwiise, suscht gaht's ja vo mim Gwünn weg. Suscht isch es natürlich en Witz gsi. Das merkt doch jede. Fascht jede.

Hani grad gseh mit em Name. Gueti Sach. Dänn muessi doch nöd Hotschsen heisse.
Und a all andere: Würklich bitte schpäteschtens am 9. Juni de Chohle überwiise. Paypal, Twintch oder wie de Seich heisst usw. wär doch au nöd öppis. Eifach wie üblich, inkl. Gebühr vo CHF 3.50 ;o)
Suscht tipped die einte s'erschte Wuchenänd schlächter als ich und händ dänn scho kei Bock meh, zum iizahle.

Leider ja.
Und es isch nöd emal nur wäg de Schpieler. Chönnted au all andersch heisse und ich glaube nöd, dass d'Euphorie no da wär.
Aber wer weiss, wänn mini Jungs paar Jährli elter sind. Qatar oder so würd mi scho grausam reize dänn ;o)

Chasch mer de Link schicke, dänn mäldi mi a. Han ja scho en Username, wie vill da ine wohl au scho (evt. mit em richtige Nickname wo passt).
Ich zahles aber nöd i, chasch mer dänn vo de Uszahlig abzieh.

Zitat von Larry

He Reto aka Hotschsen, #1 Swiss Team Fan, gasch au? :razz:

Hani au vor churzem dänkt, dass es fascht truurig isch, dassi kei Sekunde gschtudiert han, öb ich chönnt gah...

Tippschpiel bini au debi, Thomi.
Häsch scho eröffnet?
Wie machsch d'Punktevertilig? ;o)

Ja, das isch definitiv de Fall. Han eigentlich nur wele säge, dass ich vom Elvedi au kei Glanzleischtige erwarte.

Würklich überzüügt hät er mich aber (i de BL-Zämefassige) au nöd.

???

Sind ihr all no am fiire und isch drum da so ruhig?

Hüt isch bi mir de Entscheid gfalle, dass ich mir kei Müeh wird gäh, dass mini Jungs mal FCZ-Fans werdet.
- nöd, will Züri die ganz Saison schlächt gschpillt hät
- nöd will de Letzi es Scheiss-Schtadion isch
- nöd will de Canepa villes versaut händ

sondern ganz eifach, will sich a dene Mätch z'vill Vollidiote umetriibed.

So öppis Unwürdigs wie die Cupfiir han ich im Fuessball no nie gseh und find's en riesige Schämer. Klar zahled die all Iitritt und reised ihrere Mannschaft nah. Aber wänn dänn jede SK-Fan i Köppel-Manier meint, er seg jetzt de Chef vo jedem einzelne Schpieler, müesst mer die ganz Kurve dete villicht scho mal überdänke.

Für mich isch Schport öppis, wo mer sich bi de Positive Sache söll drüber freue und bi de Negative ufrege (aber das im Rahme). Emotione halt! Und vor allem öppis, wo eim fascht nur de Schport chan gäh, bzw. wämmer würklich Fan isch vonnere Mannschaft.

Für d'Südkurve isch es definitiv eifach d'Inszenierig vo sich sälber und sich sälber chli ufe z'juble. Das säged es paar da ine ja scho lang, aber hüt hät sich das für mich definitiv beschtätiged.
Au als langjährige ZSC-Fan wo au gern mal chli "mittendrin schtatt nur dabei" gsi isch ( wänn au nume als Beobachter), hani hüt trotzdem definitiv s'Gfühl übercho, dass das nöd es Umfäld isch, wo ich mini Chind muess dra here füehre.

De Elvedi isch aber au nur e Notlösig gsi bi Gladbach, so wie ich das gsehne. De Senderos hät bim 1:1 allerdings würklich nöd grad glänzt.

Find ich au, aber lueg mal, wänn de Champions League Final isch. Dete chönnt theoretisch au de eint oder ander Nationalschpieler no am schpile si.