Beiträge von zuercher_sc

  • Spielerbasar

    Zitat von Larry

    Peter Mueller ( :razz: ) hat mir letzte Saison bei den Panthers recht gut gefallen, hat aber trotzdem keinen Vertrag gekriegt.

    Das wird seine Gründe haben, aber nur solche Spieler kommen in die Schweiz.

    here you go...

    1/12/2012 Missed 41 games (concussion)
    4/10/2011 Missed all 82 games of the regular season (concussion)
    4/24/2010 Missed the last 4 games of the regular season and 6 playoff games (concussion)
    2/13/2009 Missed 7 games (concussion)

    https://twitter.com/thomasroost/status/376044965387722752

  • Spielerbasar

    Zitat von domibe

    Die Kloten Flyers verpflichten Peter Mueller und Jim Vandermeer

    de mueller chönt de jackpot si für chlote. d fragezeiche sind die läuferische defizit ufem grosse iis, psyche und concussions. erinneret mi bitz an versuech mitem brule.

  • Der NHL-Fred

    Zitat von larlf

    cool, danke für d'lehrstund!

    ich han natürlich gmeint, als was er ächt iiplant isch: d.h. wänn er sich im camp zeiged & au nachher leistig bringt (und nöd grad verletzt).
    du häsch mir das aber herrlich beschriebä, dass sin draft bi de wilds i dem sinn gar nüt meh wert isch, im gägesatz wänn er bi de islanders bliebä wär...

    au s'argumänt vom "gm isch quasi i sinere schuld" (nur scho zum de nr.5 draft z'rächtfertige) findi au interessant.
    vo dem her gseh macht d'aktion vom rüefi würklich nöd soo viel sinn; so wie ich's interpretierä, hett er au nöchst jahr no chöne zumne andere verein gah (wänn er sich, us wellne gründ au immer, bi de islanders nöd duregsetzt hett).

    genau. wenn er nächst jahr nach emne guete camp namal id ahl gschickt worde wär, heti de trade request jede verstande.

    iceman: s problem isch, das de nino ide saison 11/12 wohl nur wäg sim höche cap hit im nhl team gsi isch. das hät nüt mit disziplinierigsmassnahm z tue... mer chan entry level contracts so mit prämie (wo zimli sicher nöd erreicht werded) verwässere, das de cap hit viel höcher isch als de tatsächlich lohn. so sparsch als owner gäld und s spare isch uf long island ide letschte jahr leider immer wichtiger gsi als de sportlich erfolg. dur die aktion het de nino es jahr i de juniore verlore wo wichtig gsi wär für d entwicklig. aber er het ide ahl die richtig antwort druf geh und d isles wered imo nöd um in ume cho die saison. er hetti charakter und biss zeigt was so wichtig isch det äne. ez het er mal de ruef vomne spieler wo bi wiederstand lieber devosecklet...

  • Der NHL-Fred

    Zitat von larlf

    thx, isch genau das, wo mit interessiert hät...

    wie isch dänn d'prognose, i wellere linie er zum iesatz cho wird?
    ich hoff mal uf die 2., känn d'linie vo de wilds no viel weniger als anderi...
    (nhl.com hät mir grad zeiged, dass es döt ja paar näme hät, wo sogar ich no vo früener känne)

    ja guet wos ane gaht chasch natürli nöd säge. im beste fall schlaht er voll i, im schlimmste fall verletzt er sich und verbringt d saison wider ide ahl.

    was mich ufregt isch die dummheit überhaupt i sone situation z cho... i wellere wärsch du lieber?

    entweder:

    5th overall pick bi de islanders. de GM weiss genau daser di im 11/12 bitz verarscht het. er isch überhaupt nöd dra interessiert das du kei gueti karriere machsch well er ja dich als 5th overall usgsuecht het. wenn du verseisch het au er verseit. denn hesch im 12/13 e super ahl saison gha und ade wm selbstvertraue tankt. mit emne guete camp hesch d möglichkeit näb eim vo de beschte 5 (wänn nöd 3) stümer vo de nhl z spiele ab de nächste saison.

    oder:

    fangsch mit 20gi während dinre erschte ahl saison a umebrüele weld nöd id nhl ufe dörfsch obwohl i 63 nhl spiel genau 3 pünkt gmacht hesch. denn machsch als rookie en trade request wo immerhin de klaus zaugg e gueti idee findet. nacher wirsch geg en höchst durchschnittliche spieler und en 3rd round pick vo long island nach minnesota tradet. du chunsch mit de obe erwähnte stats und emne cap hit vo 2.8mio. is team mit em höchste gsamt cap und muesch dich det duresetzte.

    au wenn das ez vilicht gad bitz d schwarz/wiis optik isch, us minre sicht eifach unnötig und dumm!

  • Der NHL-Fred

    de nino hät e gueti saison ide ahl gha und het wohl d chance neb em tavares becho nächst jahr... für jede prospect öppe s bescht wo chan passiere.

    sin status als 1st round pick vo de isles zellt ez bi de wild gar nüt me. geduld chaner nüm erwarte und wener ez nöd lieferet ischer weg vom fenschter.

    de ruefener het d karriere vom nino nöd gretted sondern fahrlässig ufs spielt gsetzt. sind klient muen ez mit unnötigem zuesätzlichem druck umgah und het en ruef ide liga wo als junge spieler chan zum karrierekiller werde.

    trotzdem: er het d tools zum en top six forward z werde und ich hoff er packts bi de wild. sin agent seter vor d tür stelle...

  • Der NHL-Fred

    Cal Clutterbuck + 3rd Round pick (#70) for Nino Niederreiter.

    extrem schlechte return für d islanders imo.

    de jones fallt bis zu de predators wo eigentli eher en stürmer brucht hetted. aber de jones mit em 4te pick isch nöd schlächt.

    rächti defense hend die binenand.

    au no spannend: d russe hends nüm so eifach. da hend wohl viel teams angscht das sich die spieler fürs geld ide khl entscheidet. Nitschuschkin wär mit emne andere pass sicher ide top 5 gange.

  • Der NHL-Fred

    Zitat von Benny

    Habe genau dasselbe gedacht, als ich von seinem Vertrag gehört habe. Einesteils ehrt ihn dieser Deal, denn scheinbar seckelt er (oder sein Manager) nicht einfach der Kohle nach. Das ist sympathisch. Und wahrscheinlich passt es ihm ja auch in Nashville (obwohl er scheinbar nicht auf Country Music steht). Aber er hätte in der NHL einen kürzeren und um einige Mio besseren Deal abschliessen können, da bin ich sicher. Kommt dazu, dass er bei den Predators in den folgenden 7 Jahren vielleicht einmal, maximal zweimal zum Playoff spielen kommen wird. Klar, nach Vertragserfüllung wird er erst 30 sein, und wenn alles gut geht, er gesund bleibt, kommt dann nochmals ein Riesenvertrag. Wegen der Hirnerschütterung-Vergangenheit: Das kann natürlich in jedem Match abosolut jeden treffen. Nenn mir Hockeyspieler, die noch nie eine Hirnerschütterung hatten. Letztes Beispiel eines grossen in der NHL, an welches ich mich erinnere, war Claude Giroux von den Flyers, den sie lange Zeit nicht mehr aufs Eis zurück liessen. Aber seit dem ersten Einsatz nach dem Vorfall, und dies bis heute, bzw. Ende Saison 2103, war er wieder der alte. Denke nicht, das eine Concussion-Vergangenheit negative Auswirkungen haben muss, weder auf die Spielweise, noch auf Verträge.

    Bin gespannt, wie die Geschichte bei Brunner weitergeht.

    ich hoffe eigentli das d preds en schritt vorwärts chömed und einigermasse regelmässig chönd um d playoffs mitspiele ide zuekunft. i de defensive hends mit rinne, weber, josi ez mal für längeri ziit top lüt. vorne gits au paar gueti prospects (forsberg, wilson) und hoffentli ziends mit ihrem pick de barkov. de het mit 17ni i de SM-liiga fascht ein punkt pro spiel gmacht die saison. chönt ganz en grosse werde.

    bezüglich hirnerschütterige isches natürlich so, dases jede chan treffe und au immer me spieler problem hend. nur het de josi leider scho recht viel gha für sis alter und isch au sust eher verletzigsafällig… da die entsprechende bricht:

    http://www.nzz.ch/aktuell/sport/…fett-1.18097212

    «Das gibt mir Sicherheit. Immerhin hatte ich in meiner Karriere schon einige Hirnerschütterungen. Man weiss nie»

    http://www.tagesanzeiger.ch/sport/hockey/J…/story/17964613

    "Darum ist es gut, dass Romans neuer Vertrag so lange läuft, denn seine latente Verletzungsanfälligkeit ist eine der wenigen Schwächen von Josi."

    ich glaub aber au nöd das er ez en schlechtere vertrag het weg dem, er het halt eifach mit de 7 jahr die für ihn sicheri variante gwählt. eifachs bispil: het er für 5 jahr x 4 mio. unterzeichnet het er im worst case (karriereendi) 8 mio. verlore. im best case het er wohl nach ablauf vom vertrag max. 8 mio. pro jahr verdient und so i dene zwei jahr total ca. 8 mio. meh verdient wie ez. also en reine gamble und ich denke scho daser die richtig wahl troffe het. wie du richtig seisch chan er au no mit 30gi richtig absahne falls er sich so entwicklet wie mer momentan devo dörf usgah.

    bim brunner bini eigentli zimli sicher daser bide red wings blibt. sie werded em wohl um di 3 - 3.5 pro jahr abüte und au da wird die gross frag d vertragsdur si. ich tippe uf 3 jahr x 3 mio.

    aber isch scho super wie sich oisi jungs langsam aber sicher au ide nhl en name mached! wer het das denkt vor 10 jahr :applaus:

  • Der NHL-Fred

    Zitat von Simms

    Wow, wenn er weiter solche Fortschritte macht, dann ist dieser Vertrag ein ziemlicher Steal der Preds!

    gsehn ich genau so. ich han mit 4 jahr grechnet und denn payday mit 27gi.

    wobi er halt scho au e concussion vergangeheit het. da nimsch so viel jahr wied bechunsch.

  • Der NHL-Fred

    Zitat von Iceman

    ....am Tag, nachdem Tavares definitiv nach New York zurückkehrte, fanden die SCB-Spieler am Whiteboard in der Garderobe die Notiz "get the cup, boys!" von J.T. vor. Bis Ende Saison wurden scheints die grossen "Schlachtpläne" auf dieser Tafel stets um den Abschiedsgruss von Tavares herum gezeichnet, wahrscheinlich steht die Notiz heute noch dort...

    Habe zwar nie ein Training mitverfolgen können, aber es sei eindrücklich gewesen, wie ein Star wie Tavares in den Trainings geackert und zigmal Kleinigkeiten für sich geübt habe. Andernorts wird von den NHL-Grössen ähnliches berichtet. Bleibt zu hoffen, dass die Schweizer-Spieler in den verschiedenen Klubs sich dies ganz genau eingeprägt bzw. gemerkt haben, dass es auch bei phänomenal viel Talent nicht geht ohne den totalen Einsatz in jedem Training und in jedem Spiel.

    Es wäre Tavares zu gönnen, wenn er in seiner Karriere den Stanley-Cup auch mal gewinnen dürfte. Mir fehlen zwar die Einsichten in die NHL, aber bei den Isles dürfte dies - aussergewöhnliche Entwicklungen mal ausgenommen - wohl kaum möglich sein. Gibt es Gerüchte / Spekulationen über einen Klubwechsel, oder hat sich Tavares dazu mal geäussert?

    ich glaub die ussergwöhnlich entwicklig passiert ez gad uf long island. d verbannig vom di pietro het wunder gwürkt.

    sie hend en sehr breite prospect pool und ihri schlüsselspieler - wo ez endlich au spieled wie schlüsselspieler - zu ziemlich niedrige beträg sehr lang chöne binde. bispielswis okposo, grabner und nielsen für die nächste vier jahr für under 3 mio. pro spieler. de tavares spielt die nächste 6 jahr für en cap hit vo 5.5 mio. und isch lohnmässig nöd mal ide top 50 vo de nhl. er isch als MVP vo de liga nominiert und sini mitkonkurrente um die trophy verdiened 9.5 (ovechkin) bzw. 8.7 (crosby) pro jahr.

    was es i dere offseason imo ez mal brucht:

    - en neue goali. min favorit wer de bernier vo LA wenn d kings nöd z viel verlanged
    - de boyes mit emne richtige scoring winger für de tavares ersetze
    - en center für die zweit linie
    - de streit nur für de richtig priis resigne
    - bi de rfas priorität uf hamonic und bailey setze

    mal luege ob die offne positione dur prospects (strome, nelson, niederreiter) bsetzt werded. au ide defense sind paar jungi spieler parat, de nächst schrittt z mache. trotzdem würd de eint oder ander veteran dem team guet tue. de ufa markt isch zimli dünn aber evlt. chönds au no vo anderne teams profitiere wo dur de cap zwunge sind spieler abzgeh.

    d usgangslag für d isles isch mit em tüüfe cap hit, em breite prospect pool, em guete junge chern und mit em move nach brooklyn optimal. mer muen im nachhinein wohl säge, das vor allem de GM us de möglichkeite s beschte usegholt het. ez muen nur no de owner s portemonnaie ufmache und denn isches nöd mal so unrealistisch das de tavares bi de islanders d chance bechunt ide nächste 6 jahr ernschthaft um de cup mitzspiele.

  • Fussball allgemein

    Zitat von Mushu

    Wobi d'Fuessballer nöd i de Vorschtänd vo de andere Verein sitzed; bi de Manager ist das nöd so suber teilt; sprich der Manager 1 sitzt im Verwaltigsrat vo de Firma 2, usw. usw. ....

    spannendi diskussion.

    im sport gahts drum z günne, drum bruchts die beschte spieler uf em platz. egal wases choschtet. d emotione wo de sport mit sich bringt laht de märt völlig usem rueder laufe. in amerika gits drum salary caps, etc. wo inhaltlich enre 1:12 initiative ähnlich sind.

    i de wirtschaft gahts au um de gwünn. nur argumentiered d manager, dass sie älei für de erwirtschafteti gwünn verantwortlich sind (wie d spieler ufem platz) und drum ihre lohn marktgerecht isch. minre meinig nah wird de wert bzw. gwünn inre firma aber nöd zu hundert prozent dur d gschäftsleitig generiert (wie in barcelona dur die 11 spieler ufem platz), sondern dur die 1000ige vo mitarbeiter.

    d argumentation dass oisi nette herr manager so viel verantwortig träged, dass zum biespiel en jimenez bi de novartis im 2012 266 mal (!) so viel verdient wie de am schlechteste bezahlti mitarbeiter isch drum eifach nöd nachvollziehbar und macht s fuessvolk au zu rächt hässig.

    und wenns denn binre firma mal hine use gaht isches ja nöd mal so daes für ihri fehler gross müend une dure wie en fuessballer wo im CL final en penalty schüsst oder um usgang mal e nutte hei nimmt...

    wenn d wirtschaft und d politik nöd gnueg früeh verwached und die initiative nöd ernscht nämed chöntis ganz bös use cho.... ich bin ja au völlig gäge die überrissne salär aber e 1:12 initiative chönti zimli viel schade arichte für de wirtschaftsplatz schwiiz.

  • Spiel 5: Gotteron - ZSC 28.3.2013

    Zitat von roger

    Wenn das der Massstab ist, müsste man in der NHL pro Spieltag 20 Spieler sperren. Der Check war hart, aber absolut korrekt. Abplanalp muss in dieser Situation halt einfach auf einen Check gefasst sein. Steinmann hat sich offensichtlich davon leiten lassen, dass sich Abplanalp verletzt hat (obwohl er zum grössten Teil selber dran schuld ist).

    Ich frage mich, wieso der Einzelrichter hier überhaupt dreinpfuschen kann. Die beiden Schiris haben die Aktion gut gesehen und haben den Check als fair beurteilt. Das ist doch eigentlich ein Tatsachenentscheid. Wieso kann dann der Einzelrichter diesen Entscheid quasi umstossen? Dadurch wird irgendwie auch die Autorität der Schiris massiv untergraben. Ich finde dieses System einen Riesenwitz (nicht erst seit dem Urteil heute).

    und vor allem selleds endlich emal demit afange ihri entscheid nahvollziehbar z begründe... und de nächst einzerichter sell gfälligscht en ehemalige spieler mit entsprechender erfahrig si.

    biispiel us de nhl: http://video.nhl.com/videocenter/co…avid=nhl-search

  • Ein Wort zum Management

    d performance vom management vomne sportclub anre momentufnahm z mässe isch sowieso falsch. de simon schenk isch nach de völlig missratne erschte saison im neue hallestadion gschickt worde. aber d transfers vo blindebacher, forster, wichser sind nacher massiv wichtig gsi für de titel zwei jahr spöter. d resultat us de letschte jahr spreched bänd. ide letschte 14 jahr hets 4 teams geh wo meischter worde sind: 5x d idiote us de berge, 4x zsc, 3x lugano, 2x bern. all andere clubs hend gar nix z melde gha.

    davos: s sportliche erfolgsrezept isch en härte chärn um de von arx ume, s abwerbe vo talent vo anderne organisatione und de diktator arno. finanziell isch mer dur de spänglercup zimli guet abgsicheret und het sich marketingtechnisch als familiefründliche bergbetrieb für de durchschnittlich bünzli chöne etabliere. de arno schaffts sini spieler so izschwöre, das sie ihm au würded glaube, das d erde e schibe isch. für mich chrankhaft. aber de erfolg git ihm recht. s nimmt mi wunder, wie de zauberer arno die altersbedingt wachablösig wird gstalte.

    lugano: sit 2006 so was vo nix me z mälde. muen mer am klaus mal recht geh: http://www.20min.ch/sport/eishocke…onnaie-22643792

    bern: neb em zsc us minre sicht die profesionellsti organisation im schwizer hockey. marketingtechnisch en selbstläufer. finanziell weg de restaurantionsbetrieb zimli unabhängig und s wird nur das geld usgeh wo mer het. sportlich staht mer trotzdem "nur" mit zwei titel da und au de leueberger isch scho s eint oder ander mal zum abnehmer vo genfer reschtpöschte worde.

    zug: mit dene finazielle mittel und em neue stadion hetis eigentli scho mal müesse zumne titel lange. die hend aber glücklicherwis nonig begriffe, das d meischterschaft ide playoffs und nöd ide quali gunne wird. hoffe dass das jahr de pittis nöd no zumne faktor wird. de junge weiss wie mer e meischterschaft holt und het no e rechnig z begliche.

    fribourg: es wird viel geld für viel talent usgeh. vilicht langets für en titel aber obs nachhaltig chönd erfolgrich si mag ich bezwifle. s gröschte potential für e sammelaktion weg emne drohende konkurs ide nächste jahr.

    genf: de mcsorley isch im gliche spital chrank wie de arno. aber au er het us em nüt en club ufbaut wo funktioniert. schlaue typ, viel het nöd gfehlt zum titel.

    chlote: falls de gaydoul s portemonnaie ufmacht, chönted die mittelfrischtig leider au wieder es wörtli mitrede

    und ez zum zsc:

    neb de vier titel chömed die internationale erfolg dezue. die vom blick dazumals belächleti schenk-pyramide isch hüt eini vo de beschte junioreabteilige in europa. mer het als erschti organisation i de schwiz es farmsystem ufbaut. d grundstei für die erfolg sind aber vor de ära zahner/salis gleit worde. mini gedanke zu zahner/salis:

    + Titel 2012: nach de softies muller/gustavson de richtig coach verpflichtet und a ihm feschtghalte
    + de coach ufs 2013 sehr guet ersetzt
    + eis vo de jüngschte teams ide liga wo chan um de titel mitspiele zämegstellt
    + d personalie sulander / flüeler mit nachsicht und trotz teilwis heftiger kritik guet gmeischteret
    + es eignigs stadion in ussicht wo hoffentlich au zunre nachhaltigere finanzstruktur füehrt
    + CH transfers ambüehl, wick, trachsler, maurer (vor allem de maurer het mi positiv überrascht)
    - kommunikation: de zahner isch souverän , de salis miserabel
    - usländer: unglücklichi saison gsi. aber mit tambellini, mccarthy, shannon au immer widr gueti gfunde
    - lockout: bin nach wie vor de meinig, dass sich d verpflichtig vo eim lockoutspieler vo afang a glohnt heti
    - verpflichtig vo alte kollege (ziegler, kamber)
    - verpflichtig vom mcsorley reschtposte gobbi

    wenn us alte fehler glernt wird, dörf mer mit em aktuelle management zfriede si. und ez no kezerisch: i de letschte 15 jahr hets s management sogar gschaft, us öppisem vo zsc druf staht gc z mache. de zsc isch en sterile millionario club mit ehemalige chlote spieler, LED choreos und gsponsorte fahne worde. trotzdem han ich s gfühl, das irgendwo no de zsc drin isch. mines erachtens die gröschti leischtig vom management :floet:

  • Der NHL-Fred

    Zitat von Iceman

    Nichts gegen etwas "Charakterbildung" durch tiefere Ligen und dem "sich durchbeissen müssen". Hat man Niederreiter überhaupt eine ernsthafte Chance in einer besseren Linie gegeben? Wenn es dort nicht läuft, wäre die Rückversetzung nach "unten" eher verständlich. Ein Goon, den man für die 4e Linie holt, macht in der 1en Sturmreihe vermutlich auch keine gute Figur. Umgekehrt gilt das Gleiche.

    nei, die het mer em nöd geh. er het katastrophali mitspieler gha letscht jahr.

    und d isles sind im momentane zuestand gad mal en schlechte witz vo dere franchise wos mal gsi sind. de owner steckt kein stutz meh is team wie er mues. drum werded d draft picks mit höche entry level contracts ide nhl verbränt. denn het mer en goalie, wo so viel verletzt isch, daser sich während em lockout nöd mal ide zweite dütsche liga het chöne dure setze. und de sitzt uf emne 15-jahres, $67.5 millione contract wo viel z tür isch zum uschaufe. und au das s team ez gad mit billige waiver pick ups ufgfüllt worde isch spricht bänd.

    churz: en schlechte coach, en schlechte GM und en giizige owner. nöd würkli gueti vorussetzige für es erfolgrichs sportunternehme

    ABER

    it's not Nino's business. wenn du als junge spieler vonre organisation a 5te stell zoge wirsch, denn machsch du das wo die dir säged. en john tavares wo vo de isles als nummere 1 zoge worde isch, unterzeichnet ohni not en 6 jahresvertrag zimli under market value und betont wie dankbar er de isles fürs vertraue isch, ihn als erschte spieler im draft zoge z ha. obwohl wohl jedes team ihn als erschte spieler zoge het.

    de niederreiter isch en guete prospect mit miserable nhl stats wo ez e gueti ahl saison spielt. er wer garantiert de erschti spieler gsi, wo en call-up becho het. und nach ere starche ahl saison wered d isles spötischtens im nächste herbst nüm um ihn ume cho. und falls doch het mer immerno denn chöne reagiere. mit de jetzige reaktion het de agent am niederreiter genau de ruef ibrockt, wod als rookie in NA am wenigschte wotsch. attitude issues, whiner, etc. etc.

    und wenn er denn de schritt id nhl schafft, muener die "grossi schnurre" denn au mit leischtig bestätige. er het sich ohni not en zimliche druck ufbaut.

    ich bin überzoge, das de niederreiter e gueti nhl karriere wird ha, aber das isch en rise bock vo sim agent!

  • Spielerbasar

    de job vom management isch nöd abgäng z verhindere wo gar nöd verhinderbar sind. de job vom management isch, sottig abgäng früehzitig z antizipiere und druf z reagiere.

    de erfolg us de letschte jahr git zahner / salis recht. ob die zwei aber imne club erfolg hetted, wo nöd jede fählentscheid vomne riiche onkel walti kompensiert wird isch e anderi frag.

    ez stönd es paar herusforderige a. d abgäng müend uf nächst jahr hi kompensiert werde. und mich nimmt vor allem wunder, wie dene herre ihre plan für die nächste wuche usgseht, wenns sich d frage bezüglich em lockout kläred.