Der NHL-Fred

    Zitat von Benny


    No es Wort zum Corey Schneider: Ich ha nen weder bi Ambri no im Spengler-Cup bi Fribourg en guete Goalie gfunde. In Vancouver hätt er's während de Saison nöd so schlächt gmacht und sie händ ihn em Luongo meischtens vorzoge. Aber i de PO hett er d'Möglichkeite gha, öppis z'riisse. Aber Fehlazeig! Wetti de nie und nimmer i mim Team. Und jetzt händ en d'N.J. Devils gholt. Ob das ächt guet chunnt? Für mich Kopfschüttel......!

    De Schneider wird eine vo dä Beschte. Grandiose Trade vom Lou....eimal meh.

    Zitat von Larry

    In der ersten Runde gezogen:

    CAN 17 (plus #1)
    USA 4
    FIN, SWE, RUS, AUT 2
    CH 1

    AUT? Austria? Sicher nöd. Wahrschinli im ganze Draft kein einzige...

    Zitat von Larry

    Das meine de Chlaus, viel Substanz häd de Artikel aber nöd..... :roll:


    thx, hät er würklich nöd: eher en standard chlaus.... (guet gwüssi Schlagwörter fehled komischerwiis)

    mich wür interessiere ob er döt ächt e chance überchunt sich z'zeige, mit entsprächend iisziet?

    was wänn er sich döt nöd duresetze chan: isch dänn sis "nhl abentür" scho wieder verbie oder git ihm nachher nomal öpper e chance?

    Zu den Schweizern: Niederreiter kriegt eine zweite Chance, wo ist eigentlich sekundär. Nun liegt es an ihm, manchmal ist das die beste Lösung.

    Mirco Müller: wie erwartet. Spielte je eine Saison bei Kloten Novizen und Elite A. Bis er 15 war spielte er in Winterthur und ist Winterthurer

    Sven Andrighetto: ein ex-ZSC Junior, durchlief die Juniorenabteilungen von GCK/ZSC. Round 3. Wir werden ihn wohl bei Servette anschauen in dieser Saison.

    Corey Schneider ("Schweizer": Kann mir auch kaum vorstellen, dass er in die Fussstapfen von Brodeur treten kann, aber für mich Wayne. Luongo war einfach zu teuer zum traden oder auch als Buyout.

    de nino hät e gueti saison ide ahl gha und het wohl d chance neb em tavares becho nächst jahr... für jede prospect öppe s bescht wo chan passiere.

    sin status als 1st round pick vo de isles zellt ez bi de wild gar nüt me. geduld chaner nüm erwarte und wener ez nöd lieferet ischer weg vom fenschter.

    de ruefener het d karriere vom nino nöd gretted sondern fahrlässig ufs spielt gsetzt. sind klient muen ez mit unnötigem zuesätzlichem druck umgah und het en ruef ide liga wo als junge spieler chan zum karrierekiller werde.

    trotzdem: er het d tools zum en top six forward z werde und ich hoff er packts bi de wild. sin agent seter vor d tür stelle...

    • Offizieller Beitrag

    Juniore wo früeh übere gönd, was ich befürworte, händ sälber kei Ahnig und sind viel z jung.

    D Eltere händ zu 99% au kei Ahnig, sälber erläbt.

    Also bliibt de Agent, und da chunt en Schwiizer natürli wie grufenert! :razz:

    Usserdem schiint er sich intensiv um sini Schwiizer Kliente z kümmere, was mer so liest.

    Profis wie de Streit händ eine vo däne, wo d NHL us em ff kännt.

    Sicher besser, vor allem us Sicht vom NHL Club!

    Aber wie gseit, für Eltere vo eme junge Spieler isch es halt eifacher, zerscht mal Kontakt zumene Schwiizer z knüpfe.

    Zitat von zuercher_sc

    sin status als 1st round pick vo de isles zellt ez bi de wild gar nüt me. geduld chaner nüm erwarte und wener ez nöd lieferet ischer weg vom fenschter.

    thx, isch genau das, wo mit interessiert hät...

    wie isch dänn d'prognose, i wellere linie er zum iesatz cho wird?
    ich hoff mal uf die 2., känn d'linie vo de wilds no viel weniger als anderi...
    (nhl.com hät mir grad zeiged, dass es döt ja paar näme hät, wo sogar ich no vo früener känne)

    Zitat von larlf

    thx, isch genau das, wo mit interessiert hät...

    wie isch dänn d'prognose, i wellere linie er zum iesatz cho wird?
    ich hoff mal uf die 2., känn d'linie vo de wilds no viel weniger als anderi...
    (nhl.com hät mir grad zeiged, dass es döt ja paar näme hät, wo sogar ich no vo früener känne)

    ja guet wos ane gaht chasch natürli nöd säge. im beste fall schlaht er voll i, im schlimmste fall verletzt er sich und verbringt d saison wider ide ahl.

    was mich ufregt isch die dummheit überhaupt i sone situation z cho... i wellere wärsch du lieber?

    entweder:

    5th overall pick bi de islanders. de GM weiss genau daser di im 11/12 bitz verarscht het. er isch überhaupt nöd dra interessiert das du kei gueti karriere machsch well er ja dich als 5th overall usgsuecht het. wenn du verseisch het au er verseit. denn hesch im 12/13 e super ahl saison gha und ade wm selbstvertraue tankt. mit emne guete camp hesch d möglichkeit näb eim vo de beschte 5 (wänn nöd 3) stümer vo de nhl z spiele ab de nächste saison.

    oder:

    fangsch mit 20gi während dinre erschte ahl saison a umebrüele weld nöd id nhl ufe dörfsch obwohl i 63 nhl spiel genau 3 pünkt gmacht hesch. denn machsch als rookie en trade request wo immerhin de klaus zaugg e gueti idee findet. nacher wirsch geg en höchst durchschnittliche spieler und en 3rd round pick vo long island nach minnesota tradet. du chunsch mit de obe erwähnte stats und emne cap hit vo 2.8mio. is team mit em höchste gsamt cap und muesch dich det duresetzte.

    au wenn das ez vilicht gad bitz d schwarz/wiis optik isch, us minre sicht eifach unnötig und dumm!

    Was den Trade anbelangt, kann man geteilter Meinung sein, mindestens wenn man davon ausgeht, dass N. in NY diesmal tatsächlich eine gute Chance bekommen hätte.

    Andererseits kann man auch das Verhalten der Islanders hinterfragen. Ihn ab und an in der 3en + 4en Linie einsetzen und daneben mehrheitlich auf der Bank schmoren lassen ist schon eine etwas eigenwillige Methode, einen Offensivspieler zu fördern. Allenfalls vertritt man dort die Theorie, dass so ein Bürschlein aus der Schweiz zuerst Holz + Eis fressen und ganz tief unten sein muss, bevor er solcherart geläutert dann als würdig befunden wird. Wäre ja noch schöner, wenn da jeder einfach so in die NHL hereinspazieren könnte!

    We'll see...

    cool, danke für d'lehrstund!

    ich han natürlich gmeint, als was er ächt iiplant isch: d.h. wänn er sich im camp zeiged & au nachher leistig bringt (und nöd grad verletzt).
    du häsch mir das aber herrlich beschriebä, dass sin draft bi de wilds i dem sinn gar nüt meh wert isch, im gägesatz wänn er bi de islanders bliebä wär...

    au s'argumänt vom "gm isch quasi i sinere schuld" (nur scho zum de nr.5 draft z'rächtfertige) findi au interessant.
    vo dem her gseh macht d'aktion vom rüefi würklich nöd soo viel sinn; so wie ich's interpretierä, hett er au nöchst jahr no chöne zumne andere verein gah (wänn er sich, us wellne gründ au immer, bi de islanders nöd duregsetzt hett).

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden