Computer-Chauf

Reto

Saletti zäme

Ich glaube, ich tue mir wieder en PC zue, will min Laptop isch scho langsam alt und isch villfach überforderet, bzw. lauft chli heiss ab und zue.

Ich bruche en PC zum bearbeite vo Fotene und zum surfe im Internet. Games schpilli keini, vo dem her bruchi nüt Schpeziells.

Händ ihr Tipps, wo ich en aaschtändige PC mit gnueg Arbetsschpeicher, wo sicher lauft, einigermasse günschtig überchume?

Das wär mal es Biischpiil:

http://www.stegcomputer.ch/shop.asp?prodid=Q-MAXIMO-05

Meinige zu dem?

Danke!
Reto

P.S. Uf Vista bini eigentlich nöd scharf, aber mer chan ja nöd immer wie die alte Seck gäge alles Neue si...

Mushu

Ich han min PC, mis Lap und jetzt no de PC vo dä Muäter bim Steg kauft.

Sie hät öppe de gliich Bedarf agmeldet. Mer händ dänn eine poschtet, wo sogar no e chli günschtiger gsi isch (eifach ohne Betriebssoftware, was dänn halt no mit e chli Arbeit verbunde gsi isch).

Dini Wahl isch sicherlich i.O. Steg find i en ordentlich guete Lade.

Thomi

han min PC au vom Steg (Mac chauftmer besser bim HeinigerAG) und chan nüt schlächts über dä Steg säge.

Ich empfiehl dir eifach chli meh als 2GB Ram wänn Du mit Fotobearbeitigs SW schaffsch!

Prinzipiell wür ich Dir uf Dis Aforderigsprofil zumene Mac rate aber die sind eifach z'tür wänn d'Chole au e Rolle spielt.

Gruess
Thomi

Reto

Gäld schpillt natürlich kei Rolle ;o)

Nei, ich will ebe gar nöd vill usgäh. Han en jetzt scho bschtellt und jetzt bini grad am schtudiere, öbi nöd doch lieber de bschtelle und no en Chrampf drülle, und de ander nöd nimme:

http://www.stegcomputer.ch/details.asp?prodid=hp-cq60-233

De tuet's doch au und brucht weniger Platz.

Mac isch halt no meh zum neu lerne und mer findet au weniger Programm defür usw. au wänn ich weiss, dass die eigentlich besser wäred...

Und wäg em RAM häsch natürlich rächt. Hani scho dezue bschtellt. Chamer die im Laptop acht au no zuesätzlich ine meche???

ZüriBueb

Zitat von Reto

Mac isch halt no meh zum neu lerne und mer findet au weniger Programm defür usw. au wänn ich weiss, dass die eigentlich besser wäred...

D Umstellig isch so guet wie gar e keini. Für öper, wo nöd viel mit Computer und technische Grät im allgemeine z tue hät, respektiv immer lang brucht, bis er alles verstaht, ischs natürlich e Herusforderig, aber wänn mit so sache guet z rächt chunsch, isch es überhaupt e käs Problem. Ich han im Novämber au uf Mac umgstellt und bin sehr zfriede. Das mit de Programm isch für mich keis Problem xi, ich han gar nüt noi gchauft, s "OpenOffice" z.B. chamer ja gratis abelade.

Boe

Zitat von Reto

Und wäg em RAM häsch natürlich rächt. Hani scho dezue bschtellt. Chamer die im Laptop acht au no zuesätzlich ine meche???

Wohl eher nöd

Reto

Nöd die wo ich bschtellt han, aber ich chan en doch uf 4 GB erwiitere. Suscht hät Vista wohl chli Problem...

Boe

Also 4 GB erwiitere chasch scho, aber unter umstände chasch nöd 4 GB nutze

http://tippsblog.ch/2008/02/16/war…t-voll-nutzbar/

Reto

Und was heisst das jetzt? Mer hät glich vill devo wie mit vier oder mer hät 3 oder so?

Boe

Das heisst je nach unterstützig vom motherboard muesch uf en teil vom ram verzichte...

Reto

aber meh wie nur mit zwei GB hät mer demfall.

Boe

jap. meistens ca 3.5 gb

Reto

das langet doch vörig.

Danke mal wieder!

Computer-Chauf

Jetzt mitmachen!

Benutzer online in diesem Thema