Wieder mal Bluewin-TV äh, Swisscom-TV

strange, hett dänkt, dass mer das locker chan ufneh!

wür mal nochli i de forene go läse/fröge...
muen nöd heisse, dass es würklich so isch, wänn das de kudi seit.

die säged au bim internet: sorry, häsch dsl sälber iegrichted, git halt nur 15Mbit/s statt 20, dänn häsch sicher gueti date-qualität.
dänn seisch: ich wett aber 20, date sind mer glich & schwups häsch die voll leischtig...

lol, jaja bi eus i de schuel redet de vo de sbb immer vom "kudi" drum hani de mal müese ahwände

bin leider geschder nüme dezue cho zum forene läse, ich han eifach s'gfühl, dass mer das glich sött chöne ufneh!
logisch sägeds eim dass das nöd möglich isch, schliesslich chömed sie gäld über, wänn öpper de film lueget & wännd nöd, dass mer de ufnimmt & wieter git...

wird am do./fr. mal luege obi was finde, im gschäft werdet all die sietene blockiert

Zitat von Reto

Bi Film würdis ja no knapp verschtah, aber wänn der nöd mal en Match chasch ufnäh zum "bhalte", wänn no 2.50 zahlsch defür, findi das rächt mies und ich han no s'Problem, dassi halt villfach ziitversetzt muess luege, segs nur e Viertelschtund hine dri am Aafang, dänn Pause übergumpe usw. und das wär ja dänn wohl au nöd möglich, ussert ich drucke uf Rec. wänni dihei bin und mache dänn Pause - das wo's jetzt so gross aakündet, wie wänn's e Riese-Senation wär, dass mer de Film wo lauft chan pausiere. Harddisc-Recorder git's ja erscht sit es paar Wuche...

Apropos: Han jetzt lang gschtudiert, wär ächt de Kudi isch ;o)

Reto, Ich han Bluewin-TV und das mit em Ufnäh vo Live-Events isch absolut keis Problem... hans gester extra für dich nomal testet, obwohl i eigentlich scho gwüsst han, das es funktioniert. Also was dä Punkt agaht, chasch di beruige. S einzig wo muesch mache, wänn nöd dihei bisch, muesch evtl. d Box laufe la während däre Zit, aber das isch ja grundsätzlich keis Problem...

S einzig wo muesch mache, isch de event scho im vorus z miete. Das heisst du gasch uf de entsprechendi Sender, gasch uf d Sendig und tuesch si miete.

Gester häts au mit abgstellter Box funktioniert, isch aber nöd immer so gsi. Drum han ich sie amel eifach laufe la, wänn i en match ufgno han wo ich nöd dihei gsi bin... Ganz am Afang, so vor ca. 1 1/2 Jahr häts nöd funktioniert gha, da häts eifach es schwarzes Bild ufgno, obwohl zahlt häsch. Mittlerwil funktionierts bi mir uf jede Fall iwandfrei...

keis Problem!