Wieder mal Bluewin-TV äh, Swisscom-TV

Saletti zäme

Gibt's hier jemanden, der Provision bekommt für einen neuen Abschluss?

Mit dem neuen Trio-Package der Swisscom bekäme ich das Plus-Angebot für 19.-- im Monat dazu und auch wenn ich eigentlich drauf verzichten kann, sind es die Fernprogrammierung und die WM 2010 in HD zu schauen, die mich nun doch etwas reizen.

Eine kurze Frage: Gibt's z.B. Die Bundesligakonferenz, ohne dafür einzeln zu zahlen? Was kostet ein ZSC-Match? Auch 2.50? Habe mal gedacht, es sei nur ein Schtutz?

Danke!
Reto

http://www.swisscom.ch/NR/exeres/7E77…ess.htm?lang=de

OK, neu isch 2.50, was ich jetzt no gnueg finde, ehrlich gseit.

Wird's aber wohl trotzdem näh und es bliibt no d'Frag offe, öb öpper öppis devo hät, wänn ich's über ihn / sie bschtelle.

Falls mer no öpper will mit guete Gründ abrate, losi au gern zue.

So, no ei wiiteri Frag i mim Sälbschtgschprächs-Thread:

Chamer Mätch, wo mer muess freischalte au ufnäh / programmiere oder git's da irgendwelchi Iischränkige?

Isch halt villes nur oberflächlich beschriebe i dene Werbige. Au uf de Homepage. Mer gseht nöd mal offesichtlich, weli Sänder im Grundpaket sind und für weli, dass mer muess druf zahle.

Mittlerwiilie dänki, dass mer für d'Konferänz au CHF 2.50 zahlt, wobi ich lieber e Sändig het, wo z.B. am Sunntigabig würd d'Zämefassige vo de BuLi vor em elfi z'Nacht bringe und uf d'Konferänz chani, ussert am Saisonändi, eigentlich guet verzichte.

Konferänz find ich drum en Seich, will mer d'Goal nur immer i de Wiederholig gseht und es wird chum je de Match verfolgt, wo mer sälber grad würd wähle.

Devo usgah tuen ich mit em ufnäh au, aber so Mätch sind ja nöd unverschlüssled, bzw. bruched en PIN zum freigäh und dänn isch ebe d'Frag, öb's chasch ufnäh, wänn nöd dihei bisch. Weiss das öpper definitiv?

Hät öpper vo eu da wo Bluewin TV hät, das via D-Lan aaghänkt? Internet über Schtrom? Gaht das vo de Überträgigsrate her für HD?

OK, merci.

Wireless wär ja d'Lösig, aber das bruchi eigentlich nöd Tag und Nacht. Dänn nimm ich mal a, dass das sött klappe.

De Nachber (Signalschtärchi bi mir im Huus 24 Schtund am Tag uf 23%) hät's via W-Lan und das lauft anschiinend beschtens.

Ha ha. Gueti Rolleverteilig bi eu. Sie gletted und du luegsch Fernseh ;o)

Hoffe mal, das klapperet bi eus. S'Huus isch knapp 15 Jahr alt, das müesst scho möglich si.

Warte immer no uf eine, wo e Provision will kassiere für mini Aamäldig, aber irgendwie will niemer.

Das wär dänn de Ziitpunkt, zum churzfrischtig uf Wireless umschalte. D'Swisscom-Router händ das ja mit debi.

s'Thema schiint sich für mich grad erlediget z'ha:

Sehr geehrter Herr Reto

Vielen Dank für Ihr Interesse an TV plus.

Leider können Sie die Kostenpflichtigen Sendungen (Live- Events und Video on Demand) nicht aufzeichnen.

Für den Anschluss von Fernseher mit dem TV- Signal das durch die Telefonleitung über Ihr Modem/ Router an die TV Box weitergegeben wird, können Sie entweder ein Kabel (15m sind inklusive) verwenden oder eine W-Lan- Lösung mit einem drahtlos Verbindungs- Kit à CHF 169.-

Das TV- Signal hat Priorität. Wenn Sie also TV schauen und gleichzeitig die Internetleitung belegen, wird bei zu wenig
Leistung die Internetverbindung langsamer.

Wenn Sie zum Infinity noch das TV plus abonnieren, können Sie von unserem neuen Angebot Casa Trio profitieren.

Für weitere Fragen oder andere Anliegen sind wir gerne für Sie da.

Freundliche Grüsse

M. Müller

************

Und das, obwohl mir jetzt scho paar gseit händ, dass mer d'Mätch chan ufnäh!???

Bringt's nöd, will mer kei Kabel händ dihei und dänn müessti ja Bluewin TV näh und de Teleclub obe druf. Sinnlosi Gäldverschwändig, aber danke.