zscfans.ch bei "The Voice of Switzerland"

Zitat von snowcat

na ja, ich has sehr guet gfunde. chasch jedefalls besser singe als mänge etablierte "star", zb. au besser als de gölä…

ehrlich, eso guet han ich dich nöd erwartet, obwohl i dere casting show chunsch ersch uf bühne wenn öppis druff häsch. da wirsch nöd verheizt wie bim bohlen. glaubs es hät allne spass gmacht wo dich känned, natürli au de andere...a propos: händ sich groupies scho gmäldet? häsch z'vill, muesch no abgeh...

Isso ..... unfassbar! Sex, Drugs and Rock n'Roll...!! - Und dänn bini ufgwacht.........
Leider kei Groupies in Sicht. Isch au schwierig i dem/mim Alter. Wobi, als Suggar-Daddy chönt ich no duregah.
Aber da mini ganz Familie usgstrahlt worde isch, sind d'Feedbacks eher so "so härzig" usw. Aber sötti sich
unerwartet öppis ergeh, duen ich sie dir gern wiiter leite - Ehresach!

Schoso Reto. Aber in Final, d.h. 2 Persone pro Coach, schaffets dänn würkli die echt guete Lüüt.
Jetzt laufet ja no d'Blindes, und dänn chömed nomal 2 Rundene, alles scho abdreht in Köln.
Hei-ei-ei, ich han no nie so Casting-Sändige ganz glueget - darum bin ich voll bi dir.......

Zitat von Reto

Ich glaube, villi wo wiiter cho sind, sind mit dem Usgang vo de Sändig chli fruschtrierter, als es du gsi bisch, Colin.

Aber au nöd dem Format würdig, dass mer mit drü verschiedene Lieder die Show hät chöne gwünne, wobi wahrschinlich scho gwunne hät, wo "technisch" am beschte isch.

Scho so! Bin mit einige noch ziemli guet in Kontakt. De Gwünner isch quasi scho vor em Final klar gsi. Näbed dem dass er guet singe chan (für mich klar NÖD de bescht Sänger), extrem "Masse-tauglich" und sympathisch isch, hät er au e ganzi PR-Maschinerie hinter sich gha. Und zwar privat UND auf über de Sänder.

De Final isch zwar ziemli übel gsi wie's es gmacht händ, aber da chönd's nöd esoooo viel defür vom TV. Es isch bis 5 Täg vor em Final au nöd klar gsi,

dass alli Kandiate und Kandidatinne überhaupt so mitmache düend. Isch glaub en rächte Kampf gsi.

Was en Joke isch - mer hät nie gseh wer 2., 3. usw. worde isch. Au die "nette Balke-Diagramm" wo's ibländet händ sind zu 99,99% es Fantasie-Gebilde gsi.

De Sieger Remo hät sicher 60% vo allne Stimme gholt, die andere 7 Kandidate es paar Prozentli. Bi Umfrage uf z.B. 20min isch es teilwiis no krasser gsi.

Er isch de einzig Kandidat, wo vom Sender druff vorbereitet worde isch über de youtoube-Kanal quasi "parat" z'sie.

Was ich krass finde, sind die Verträg wo die Lüüt händ "müesse" unterschriebe. Aber das muess jede sälber wüsse.

Für mich isch es so oder so en absolut cooli Erfahrig gsi. Au das Ganze emal hinder de Kulisse chöne 1:1 z'verfolge isch brutal spannend gsi.

Obwohl mer das ja immer irgendwie gwüsst hät, aber es isch scho heftig was älle "Echt" und was alles "zäme-gschnitte" worde isch. Nöd grad

fake, aber mängmal scho chli i die Richtig.......

Bin gspannt, ob mer vom Sieger in Zuekunft no ghöre wird. Er setzt glaub würkli voll uf d'Musik, bzw. hät das scho vorher gmacht mit sine

Schuele und Usbildige woner no dra isch. Normalerwiies ghört mer ja nümme allzu viel vo so Sieger....... we will see/hear.

D'Frag isch halt au, ob's de Gwünner i de CH au würkli will, d.h. au bereit isch chlini Brötli z'backe.

Und no viel wichtiger, ob er's musikalisch au druff hät und nöd nur echli trälleret. Zumindisch das

schient bim Remo ja de Fall z'sie.

Und effektiv nur vo de Musig, bzw. de Uftritt, läbe chönd und wänd nur ganz wenigi. Die aller Meischte

fanget a produziere und song-schriebe für anderi.

Aber i dem alter (18 glaub) wot mer sicher no d'Bühni "erobere".....