Fotobuch

Reto

Wer vo eu macht ab und zue mal es Fotibuech und wänn, wo. bzw, mit welere Software?

Danke für Tipps und Erfahrige.

Caro

Zitat von Reto

Wer vo eu macht ab und zue mal es Fotibuech und wänn, wo. bzw, mit welere Software?
Danke für Tipps und Erfahrige.

ich ha no keis gmacht, hans aber nöchschtens vor (wänni dänn mal dezue chum). und ich wird mis bi ifolor mache lah. det gits neuerdings au es ganz flachs, d.h. au i de mitti.
isch zwar nöd ganz billig, gseht aber gemäss arbetskollegin würkli guet us. häsch eifach mitem hindergrund nöd soviel uswahle wie bi de normale fotibüecher.

Reto

Hintergrund chasch ja es eignigs Bild ine tue, das isch keis Problem.

Was mich bi ifolor sehr schtört isch, dass, wämmer es Bild am obere rächte Rand will chliner mache, s'ganze Bild überall chliiner wird und nöd nur die rächt und die ober Linie verschobe werdet. Kompliziert zum erkläre, aber zum es Bild iipasse u en Seich und leider händ das vill Fotibuech-Softwares eso.

Natürlich isch au s'Ändprodukt entscheidend und das flache hani au gseh. Anderersiits hät mer ja nöd tonnewiis so Panoramabilder im Normalfall.

Simms

Also ich hans scho zweimal mit Ifolor gmacht und bin eigentli ziemli zfriede, klar es isch nöd alles möglich bide Darstellig, aber schlussendli chunt s Buech immer guet Zuestand, gueti Qualität und wienich finde zu faire Priise. Aso für mich stimmts.

Reto

Zitat von Simms

Also ich hans scho zweimal mit Ifolor gmacht und bin eigentli ziemli zfriede, klar es isch nöd alles möglich bide Darstellig, aber schlussendli chunt s Buech immer guet Zuestand, gueti Qualität und wienich finde zu faire Priise. Aso für mich stimmts.

Was isch dänn dete z.b. nöd möglich, wo's bi anderne Aabüüter git? Im Advanced Modus isch mer doch relativ frei.

Simms

Zitat von Reto

Was isch dänn dete z.b. nöd möglich, wo's bi anderne Aabüüter git? Im Advanced Modus isch mer doch relativ frei.

Ja, ich hans gar nie miteme andere Abüter probiert, drum chanis der nöd säge, ich han eifach bim gstalte paarmal s Gfühl gha, schad isch das ets nöd möglich. Isch allerdings au scho öpe Jahr her, muess mal luege, öb die no immer die glich Software händ.

Reto

Dete wo ich's letscht Mal gmacht han (au scho fascht drü Jahr her) händ's mal d'Software gänderet und nachher isch eifach alles schlächter gsi.

Vo de Software her (han es paar rasch abeglade) überzüügt mi bis jetzt bookfactory.ch am meischte.

Schäri

Hi Reto

Dä Test isch grad aktuell, vielleicht hilft er Dir öpis:
http://www.pctipp.ch/testcenter/488…er_im_test.html

Ich han letscht Jahr eis gmacht (bim damalige Testsieger), weiss aber nüme wiä's gheisse hät. Ah han's glaub gfunde: http://www.cewe-fotobuch.ch/download.php

Isch äs schöns Buech worde, han dä Plausch dra. Han jetzt allerdings diä Posts da vo dä Caro und Dir nöd gläse. Weiss also nöd was Dini Wünsch sind;-) Vielleicht chasch ja hüt Abig fröge. Je früehner Du mich triffsch, desto meh Uskunft chan i geh;o)

Reto

Merci.

Cewe-Software hani au rasch inschtalliert, aber hät mer es paar würklich blödi Mackene gha. Die schtöred natürlich nur, wämmer e besseri Software als Alternatve hät, bzw, wämmer weiss, dass es au besser gaht.

Han annere Usschtellig dem vo Fuij (Fuji?), wo de Teschte bim PC-Tipp gwunne hät, d'Problem vo sim Programm zeiged und er hät sälber blöd glueget, dass ihm das no nie ufgfalle isch. Schlussändlich hät er aber no nüt dra chöne ändere i de Zwüscheziit ;o)

Larry

ifolor!

Super isches!

Reto

Zitat von Larry

ifolor!
Super isches!

Es hät leider genau die glich Macke bim Bilder zueschniide. Suscht hani aber au no kei Nachteil gseh.

Larry

D'Bea hätt so ziemlich alles usprobiert und dänn es Buch dört gmacht.

Sie hätt mir au mal zeigt was mer alles chan mache dört.

Ich finds guet und s'Buech isch super und gar nöd tür.

Fotobuch

Jetzt mitmachen!

Benutzer online in diesem Thema