Schweizer "Fankultur" - zum Kotzen und drauf Scheissen!!!!
-
-
Quote from Larry
Alles vo eim und demselben Anlass.....
Obergääääähn!
Usserdem: Es isch in Kanada passiert! Kanada nicht gleich USA!
WAS LOL, dä gliichi aalass?
ich chan da dä ganz tag videos us dä United States of America poste mit Fan Fights
wännt wettsch. Keis Problem. -
- Official Post
Und ich chan 30 Jahr däne go Mätsch luege und mir passiert das nöd!
I de Schwiiz mues ich nur jede FCZ Matsch go luege und innerhalb vo einere Saison hani es Problem!
-
Quote from Larry
Und ich chan 30 Jahr däne go Mätsch luege und mir passiert das nöd!
I de Schwiiz mues ich nur jede FCZ Matsch go luege und innerhalb vo einere Saison hani es Problem!
Defür chani in Amerika dur Detroit, St.Louis oder Buffalo laufe und muess
jederziit demit rächne aagschosse z'werde.Da lahni lieber mal e Petarde im Stadion als das.
Und als Disclaimer wetti villicht no sägge, dass ich sehr gern id USA gange, au
scho NBA, NHL College B-Ball und MLB bin go luege und NIE es problem gha han. -
- Official Post
Quote from GysinoWAS LOL, dä gliichi aalass?
ich chan da dä ganz tag videos us dä United States of America poste mit Fan Fights
wännt wettsch. Keis Problem.Händ mir Problem, wänd die erkänne und öppis dagäge mache;
Oder akzeptiered mer das (oder findets gar geil ..), wies isch, wies a andere Ort au nöd besser isch? -
Quote from Mushu
Händ mir Problem, wänd die erkänne und öppis dagäge mache;
Oder akzeptiered mer das (oder findets gar geil ..), wies isch, wies a andere Ort au nöd besser isch?die problem bestöhnd global. sogar in japan chessleds amigs a fuessball mätsch.
ich finde nur das mit em finger uf d'schwiiz zeige ziemli falsch. wie wänn das es
schwiiz only phänomen wär.no schlimmer wänn journalischte so züüg schriibed und d'lüüt dene das sogar no
glaubed.was mit dä problem genau passiert oder gmacht werde söll lieht nöd i mim
ermässe. -
- Official Post
Quote from Gysino
Defür chani in Amerika dur Detroit, St.Louis oder Buffalo laufe und muess
jederziit demit rächne aagschosse z'werde.D'Chance a de Langstrass ahgschosse oder abestoche werde isch grösser!
Ich bin i praktisch jedere Grossstadt i de USA gsi, am Tag, z'Nacht, i üble Gägende, aber ich han nöd emal en Gangsta vo wiitem gseh.
In St. Louis hämmer ois z'Nacht vomene Taxi in es Viertel bringe lah wos mir weiss Gott nöd wohl gsi isch, will mit ihn gfröged händ wos es geils Lokal mit Live Music gitt. Die hämmer dänn au gha, open air i de "Gartewirtschaft" näb de Gleis....aber ebe....nöd miis Viertel gsi. Passiert isch natürli nix.
-
- Official Post
Quote from Gysino
ich finde nur das mit em finger uf d'schwiiz zeige ziemli falsch. wie wänn das es
schwiiz only phänomen wär.Du als ex Capo vo de SU weisch aber genau dass es i de Schwiiz i dere Beziehig ziemli im Arge isch.
Ich säg jetzt nöd dass das gwüsse Gruppierige no so Rächt isch....
Im Verglich mit de Bundesliga oder England simmer Jahre im Rückstand.
-
Quote from Larry
D'Chance a de Langstrass ahgschosse oder abestoche werde isch grösser!
Ich bin i praktisch jedere Grossstadt i de USA gsi, am Tag, z'Nacht, i üble Gägende, aber ich han nöd emal en Gangsta vo wiitem gseh.
In St. Louis hämmer ois z'Nacht vomene Taxi in es Viertel bringe lah wos mir weiss Gott nöd wohl gsi isch, will mit ihn gfröged händ wos es geils Lokal mit Live Music gitt. Die hämmer dänn au gha, open air i de "Gartewirtschaft" näb de Gleis....aber ebe....nöd miis Viertel gsi. Passiert isch natürli nix.
ja, ebe! Du bisch au scho 32482347 mal im Hallestadion gsi und häsch nie Problem gha, nöd?
Das chamer ja au sägge!
Ich bin au scho in Miami vo dä Dadeland Mall mit dä Metro zrugg id Innestadt gfahre und 3
Type händ vor mier mit em Klappmesser umegwedlet...dier sicher nie passiert, mier aber scho.
Und trotzdem würdi sofort wieder nach Florida gah!
-
aber au du gysino, muesch igseh, dass mier öisi problem - wenn überhaupt - nur mit meh repression in griff überchömed!
es seit ja niemer das es luschtig isch dänn. au chömed dänn ab und zue es paar unschuldigi under d'justizreder. aber es gaht nöd andersch! die bsherige rezept händ jedefalls komplett verseit!
gruess roli c.
-
Quote from snowcat
aber au du gysino, muesch igseh, dass mier öisi problem - wenn überhaupt - nur mit meh repression in griff überchömed!
es seit ja niemer das es luschtig isch dänn. au chömed dänn ab und zue es paar unschuldigi under d'justizreder. aber es gaht nöd andersch! die bsherige rezept händ jedefalls komplett verseit!
gruess roli c.
weisch, ich bin halt kein fan vo repression. ich finds z.B. geil wänn mer nach em meischtertitel s'iis stürme
chönnd und e zigarre rauche chönnd I DÄ halle.in amerika chunnsch wohl grad 3 jahr id chischte.
-
- Official Post
Mini schlimmschte Erläbnis hani all i de Schwiiz gha!
Mir sälber isch nie öppis passiert, aber i de 70er Jahr simmer am Central vonere Italo Gang mal dra cho, min Kolleg händs zämegschlage, er isch grad KO gange.
Natürli häd ois niemert ghulfe....
In Chloote (ja!) und in Bern bini uf de Tribüne scho übelst ahgmacht worde.
Wänn elei bisch chasch nur d'Schnurre hebe und/oder gah.
Au dört hilft dir niemert, im Gägeteil!
Vo de Zürcher Veloterroriste wo der as Auto hämmered, ginged, etc. gar nöd z'rede.
-
Quote from Larry
Vo de Zürcher Veloterroriste wo der as Auto hämmered, ginged, etc. gar nöd z'rede.
ja, das isch rächt härt.
suscht, siehe mis posting obe...es hät au siini guete siite.
-
Quote from Gysino
weisch, ich bin halt kein fan vo repression. ich finds z.B. geil wänn mer nach em meischtertitel s'iis stürme
chönnd und e zigarre rauche chönnd I DÄ halle.in amerika chunnsch wohl grad 3 jahr id chischte.
meinsch ich bin fan vo repression?!?! die bruchts ja au nume, will sich mittlerwile vill z'vill lüt nüme a die elementarschte regle vom zämelebe halted!
ich stürme au gärn s'is oder de rase nacheme titel. ich verzichte aber uf die freiheite, wänns defür susch echli ruhiger zue und her gaht i euesem umfeld!
gruess roli c.
-
- Official Post
Mir werded da jetzt kei Lösig finde, aber es mues sich öppis ändere.
Ich bin halt no nie en Kurvegänger gsi, nöd im Letzi, nöd i de Halle.
Mit 21 hani i de Halle scho e Saisoncharte im 1. Rang gha.
Hockey isch mir immer wichtiger gsi als Stimmig.
Bim FCZ simmer au scho früe usswärts immer uf Tribüne, häsch chöne hocke und häsch es besser gseh.
Usserdem häd de FCZ früener usswärts es paar Nase hinderem Goal gah, nöd meh.
Bim ZSC bini usswärts au immer uf de Sitzplätz gsi wänns gange isch.
Ich bruuch kei Kurve, ich bruch kei Stimmig, ich bruch nur Hockey und Fuessball!
Es chunt au niemert wäg de Stimmig, susch wär s'Hallestadion leer!
Und im Letzi chömed d'Lüt sofort nüme wänn d'Leischtig uf em Rase nöd stimmt.
Wäg de Südkurve chunt nur d'Südkurve sälber!
-
Quote from Larry
Alles vo eim und demselben Anlass.....
Obergääääähn!
Usserdem: Es isch in Kanada passiert! Kanada nicht gleich USA!
De Gysino wills nöd verstah, um was es i de CH würkli gaht. Ha gester doch scho die glich Disskusion gha....
Chas nöd navollzieh, wie mer nach somene Vorfall cha säge, dass es wichtig isch, dass de SK verantwortlich isch, und GC 3 Pünkt söll übercho....
Es gaht umd d'Sach. Hüt en Zürcher, morn en Basler, übermorn en Hopper...who cares! Zueständ wo eifach sötted nachdenklich mache.
Und: es isch im Usland alles schlimmer......ja das bringt eus au nöd witer. Aber ebe.....
-
- Official Post
De Gysino verstaht das sehr genau, aber er wott halt echli provoziere.
Und ich weiss au sehr genau dass i de Staate nöd alles besser isch (eigentlich nüt!), aber mir gfallt s'Land und ich han meh Freiheite.
Usserdem kännt de Ami de Niid nöd, das isch en sehr sympatische Zug!
Ich find US Sport geil, wie er organisiert isch und alles drum und drah.
Die wo säged: Kei Stimmig, denen mues ich säge: Mir doch gliich!
Ich finds zig mal geiler als bi ois.
Aber bim ZSC und bim FCZ hani halt meh Emotione als weni Tampa gang go luege, isch ja klar.
-
Quote from Larry
Du weisch genau dass Clubs/Verband bi ois nüt im Griff händ.....
s'problem lieht ebe nur zumene chline teil bim verband/clubs, es lieht wie im steilpassblog une richtig beschriebe bi de politik:
"Der einzige Weg, solche Vorkommnisse zu verhindern, ist, den Chaoten die Sicherheit zu nehmen, ungeschoren davonzukommen. Viel gefordert wird der Internet-Pranger: Fotos der Täter sollen zur Identifizierung öffentlich gemacht werden, was wiederum dem Datenschutzbeauftragten missfällt. Darüber hinaus will die Polizei nicht im Stadion präsent sein. Kurz: Die Vereine werden mit ihren Problemen ziemlich alleine gelassen. Ja, es werden ihnen gar Steine in den Weg gelegt, und doch werden sie für solche Vorfälle verantwortlich gemacht."
gruess roli c.
Participate now!
Don’t have an account yet? Register yourself now and be a part of our community!