ZSC - HCD, 11.9.2010

    Zitat von Reto

    brücht wohl en eigene Thread, suscht git's es Ghetto da.

    Bin aber au gschpannt und find's mal wieder luschtig, wänn sich zeiged, dass d'Lüüt zum rauche und nöd zum Hockey luege an Match chömed ;o)

    chunnsch dänn du nume wäg em hockey? oder au um früünde z'gseh oder wäge schtimmig?

    oder wieso nimmsch amigs diini chinde mit? sicher nöd wäg em hockey, oder? ich nimme ah sie verstöhnd nonig so wahnsinnig viel devo. :wink:

    es wird eim eifach immer schwieriger gmacht und überall nochli meh schtei in weg gleit. und wie mer gsehnd funktionierts leider nöd.

    • Offizieller Beitrag
    Zitat von Gysino


    chunnsch dänn du nume wäg em hockey? oder au um früünde z'gseh oder wäge schtimmig?

    Ich chume klar au um die (viele) Fründe z'gseh!

    ZSC Spiel sind für mich Usgang, mer luegt Hockey, mer trifft Kollege, mer nimme eis zäme. Ich hoffe, das mini Kollege jetzt nöd all i de Pause gönd go rauche und nach em Spiel hei, das würd mich schön ahschiisse!

    Mal abwarte!

    Zitat von Larry


    Ich chume klar au um die (viele) Fründe z'gseh!

    ZSC Spiel sind für mich Usgang, mer luegt Hockey, mer trifft Kollege, mer nimme eis zäme. Ich hoffe, das mini Kollege jetzt nöd all i de Pause gönd go rauche und nach em Spiel hei, das würd mich schön ahschiisse!

    Mal abwarte!

    also ich bin am samschtig nöd ume gsi...han aber sehr vieles ghört vo oisne lüüt. anschiinend e grossi katastrophe das raucherkonzept, mer müesi ganz use gah, chämi en zettel über und wird dänn nomal durchsuecht bim inegah. bruucht alles unendlich viel ziit und die ganz gäng usw. seged leer. zudem es gedränge bin ine/usegah.

    vo dem her chan ich nöd verstah, dass immerhin i dä pausene d'notuusgäng nöd uufgmacht werded. irged e lösig wird mer da ja müese finde.

    • Offizieller Beitrag

    Sorry, aber das fehlt jetzt gar nöd!

    Die Type, wo vom Heimclub (!) gstellt worde sind, händ öppe mal falsch druckt, und de Schiri, wo so eine fröged, obs es Goal gsi isch, de söttsch Entmündige!

    Ich han eh immer uf de Schiri glueged, ob er es Goal ahzeiged oder nöd.

    1. Liga und drunter sowie Junioren häds das sowieso nie geh!

    PS: Die rot Lampe chönts au vom Punktrichtertisch us zünde wänds dänn mues si.

    • Offizieller Beitrag
    Zitat von Reto

    brücht wohl en eigene Thread, suscht git's es Ghetto da.

    Bin aber au gschpannt und find's mal wieder luschtig, wänn sich zeiged, dass d'Lüüt zum rauche und nöd zum Hockey luege an Match chömed ;o)

    Hey Reto, du weisch genau, dass vieli Lüüt (i mim Alter und duruf) an Match chömed um 1. Hockey z'gseh und 2. mit de Kollege en schöne Abig z'verbringe. Und grad dänn, wänn's "nöd eso lauft wie gwünscht oder erhofft" isch es doch schön, wänn mer sich mit andere chan ustusche. Mit dem aktuelle Konzept wird eim das aber ziemli verunmöglicht .......
    Und au s'Sicherheitskonzept findi nöd über alli Zwiifel erhabe. Also mich händ's nöd würkli kontrolliert. Wie au? Es händ hinter mir no ca. 2'500 Mensche zum Igang drängt, um de Afang vom 2. Drittel nöd z'verpasse.
    Wird interessant z'gseh si, was passiert wänn d'Halle mal würkli volle isch.

    Zitat von Reto

    Ja, das verschtahni.

    Verschtahne nur nöd, dass mer so en Drang nach ere Zigi chan ha, dass mer ebe druf verzichtet, mit de ach so guete Kollege dine z'höckle und lieber use gaht (im Winter dänn erscht ;o) und sich dänn de Schtress mit em aaschtah mit 2'500 andere aatuet.

    das du das nöd chasch verstah chasch leider au nöd würkli mitrede, sorry gäll. :cool:

    Zitat von Larry

    Ich mues mich bim nächste Spiel mal achte, aber früener isch es ab 1. Liga sowie Juniore eso gsi:

    Es Goal isch gfalle, de Schiri häd Goal ahzeigt und de Zytnehmer häd d'Uhr ahghalte. Somi isch au automatisch die rot Lampe ufglüchtet, halt bi beidne Goal.

    Für das bruchsch eigentlich kein Goalrichter.

    Stimmt so nöd ganz liebe Larry
    Die grüen Lampe chunnt wänn de Zytnehmer d Uhr stoppt oder wänn jewiels es Drittel verbie isch. Di rot hät nume de Torrichter chöne Zünde.

    153 - ROTE UND GRÜNE SIGNALLAMPEN
    Hinter jedem Tor müssen elektrische Lampen angebracht werden, welche folgende
    Situationen signalisieren:
    - Die rote Lampe wird manuell durch den Torrichter betätigt, falls aus seiner Sicht der
    Puck die Torlinie komplett überquert hat.
    - Die grüne Lampe leuchtet automatisch, in Abhängigkeit mit der Spielzeituhr, wenn der
    offizielle Spielzeitnehmer die Spielzeit stoppt, oder sie zeigt das Ende eines Spieldrittels an.

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden