Infos Tickets Spiel 7 / Public viewing

das isch ja nöd s'problem (mehreri accounts) d'frag isch eher: wie machsch, dass nöd in warteruum chunsch & d'tickets würklich chasch chaufe?

und ebe: wänn mer 10 stk pro person chan poschte, dänn isch logisch chömed nachher jensti uf ricardo...

da verkauft eine uf ricardo grad sis saisonabi und wött sich wohl die ganz saison finanziere oder was?
http://www.ricardo.ch/kaufen/tickets…/v/an676548494/
hoffe es gheit niemert druf ine...

es hät ja au söttig gha, die händ geschter abig scho ihri tickets für euse sektor verchauft. da chamr säge, was mr wett, abr die wo dete schaffed, die chönd doch da vorher scho tickets näh. ich glaube, im internet isch s'maximum 10 tickets gsi, bi mr abr nöd sichr.

weiss eine, wies lüüt technisch usgseht vorem hasta?

"es hegi scho rächt viel lüüt", was natürlich sehr ussagechräftig isch... aber demfall gahn ich nüme go luege:
die 30 wo vo afang ah döt sind, die wännd (glaubs) all je 4 ticket & das isch es seeehr chlises grüppli gsi...

Zitat von larlf

"es hegi scho rächt viel lüüt", was natürlich sehr ussagechräftig isch... aber demfall gahn ich nüme go luege:
die 30 wo vo afang ah döt sind, die wännd (glaubs) all je 4 ticket & das isch es seeehr chlises grüppli gsi...

theoretisch dörftis eifach nöd meh wie 150 lüt ha...
ach egal. gibe für dasmal uf, langet mer eh nöd. vo dem her, luegis halt z züri neumets.

Ja ich gibs glaub au uf, gange demfall au uf züri go luege.. Aber ich ärgere mich immerno über de scheiss ticketcorner...

ich wür: firefox & ormus tool installierä, evtl. gahts ja!

-> vorher häts grad nomal 1 stehplatz im ticketcorner ahzeiged, han en aber nöd übercho... (ormus tool wür da hälfe, falls es funktioniert. aber im büro bi mir gaht das leider nöd)

http://tool.ormus.info/

Zitat von Jea

theoretisch dörftis eifach nöd meh wie 150 lüt ha...
ach egal. gibe für dasmal uf, langet mer eh nöd. vo dem her, luegis halt z züri neumets.

Gfunde, öpe vorere Viertelstund:

Glaub na kei 150

ui chönt sseeehr knapp werde, mit de 150!

wo ich gange bin, sinds a 2 schalter ahgstande & die wo grad no underem dächli sind, händ ca. 30 lüüt ergeh -> man rechne....

mir hend au glück kha und hend nach 2 minute ab 10ni tix bim ticketcorner becho! gmeinsam uf bern für züri
und em zsc!! auf auf

Zitat von virus

für d'zuekunft chamer sich wohl das vormerke:

- s'syschtem vom tickecorner lauft a dä vorverchaufsschalter (wohl mittlerwiile) zimli stabil.

- ticketcorner vorverchaufsstellene gits i jedem kaff, also au d'SBB und d'poscht verchaufed tickets -> http://www.ticketcorner.ch/tickets.html?a…ch/ticketAgency

und da im netz schinbar s'syschtem schnäll überlaschted isch oder mer sich eifach nur i dä warteschlange befindet, chans e sehr gueti lösig si, sich an ticketcorner vorverchaufsstell irgendwo, wos ebe nöd vill lüüt hät, zbegäh zum dette tickets chaufe. ich bin jetzt zweimal a somene ort gsi, bin dä einzig gsi und die beide poschtagstellte händ sich sogar a zwei terminals igloggt und händ sich sehr bemüeht, dass ich zu mine tix chume.

das isch korräkt, aber es muen au no zuegfüegt werde, dass: genau drum meistens nur paar wenigi tickets a sottig vorverchaufsstellenä useglah werde chönd.
d.h. wännd nöd de erscht bisch, dänn chönts au döt schwer werde...

Thomi: guggsch du PN!

Demfall vor de halle genau s gliche wie übers internet?

Kaum, ich glaube scho, dass die (annähernd) 600 tickets gha händ.

Wieviel Schalter händs ufgmacht?
-> 150 ( / anz.schalter) * 4 Tickets, wo scho usdruckt sind & mer chan nur bar zahle, das bringsch i 10' scho dure...

Sind doch froh das die Möglichkeit überhaupt uf beigstellt worde isch vom zsc. Aber nei, immer mötzle

Zitat von Reto

Luschtig find ich amel, wänn d'Lüüt e Schtund versueched, es Ticket über z'cho und wänn's dänn nöd klapped isch's ne au egal und sie lueget's halt irgendwo im TV....

Hoffentlich setzed sich eusi Schpieler morn meh i ;o)

egal isch dä falsch usdruck (falls mich gmeint häsch )
aber ich finde halt, dasses anderi meh verdient händ und ha drum au für anderi glueget... vo dem her