- Offizieller Beitrag
Schweinegrippe!
Und moll moll, ich han volls Vertraue i oises Drittwältland:
http://www.tagesanzeiger.ch/wissen/dossier…/story/16628269
Es wird massiv übertiebe....
Unwort des Jahres
-
- Offizieller Beitrag
Sehr massiv sogar!
Es muess ja au rächt e gfürchigi Sach si, wämmer's eim nöd mal aamerkt und er drum hei gschickt wird.
-
- Offizieller Beitrag
Immerhin kurblet's d'Wirtschaft chli a, au wänn ehner die profitiered, wo's suscht scho nöd nötig händ.
Aber scho unglaublich, wie gwüssi Lüüt in Panik chönd grate und wie d'Medie so Sache übertriibe chönd.
-
Findes ja au völlig übertribe, vorallem die wo ets scho vorrät (ah nahrigsmittel und tamflu) chaufed, aber früener oder später wirds ja wohl scho mal zunere weltwiite epidemie cho. erstens werdet d vire immer "besser", wills dur d medikament sich entwicklet, zweitens wird dur die globalisierti welt en virus schnell i die ganz welt verteilt, währends früener relativ langsam gange isch und drittens wärs au eifach wieder mal ziit, wemer lueg, wie d abständ zwüsched epidemie bis ets so gsi sind.
trotz allem isch die panikmache vode medie völlig übertribe, wie gseit, es gseht alles anderi als denach us, als wärs dasmal würkli schlimm, es gseht ener denach us, als wärs die nägsti sars, vogelgripp-medie-hysterie.
-
- Offizieller Beitrag
Schlimm findi vor allem d'Medie. Dass d'Behörde im Hintergrund handlet, isch ja z'erwarte und au guet so - suscht heisst's nachher wieder, sie hegeds verhängt.
Und ich schtell jetzt dänn de Radio ab, das nervt gwaltig!
-
- Offizieller Beitrag
Zitat von RetoImmerhin kurblet's d'Wirtschaft chli a, au wänn ehner die profitiered, wo's suscht scho nöd nötig händ.
Aber scho unglaublich, wie gwüssi Lüüt in Panik chönd grate und wie d'Medie so Sache übertriibe chönd.
Und Krankekasse:
+ 2 % mache die Schweinegrippe us. Alles chauft Tamiflu, lagerts im Medizinschränkli und du und ich beteiliget sich mit de Chrankekasseprämie dra ..
Mir sind scho blöd! (Nöd mir wo zahled, mir wo laufend chaufed ohni zbruche ...)
-
- Offizieller Beitrag
Zitat von MushuUnd Krankekasse:
+ 2 % mache die Schweinegrippe us. Alles chauft Tamiflu, lagerts im Medizinschränkli und du und ich beteiliget sich mit de Chrankekasseprämie dra ..
Mir sind scho blöd! (Nöd mir wo zahled, mir wo laufend chaufed ohni zbruche ...)
jetzt hani doch vorher im tagi gläse, dass tamiflu nöd chasch dä chrankekasse aagäh. uf jede fall jetzt nöd und au wänns dänn ufgno wird, chasch es nöd rückwürkend. also momentan choschteds dich und mich no gar nüt.
-
- Offizieller Beitrag
Blöde Nickname, Föhn!
Edit: Im Radio hani grad ghört dass d' Hockey WM nöd abgseit wird und d'Schuele offe bliibed. Sie chönted das alles mache will d' WHO jetzt uf Defcon 5 isch....!
Mann........!!!
-
- Offizieller Beitrag
Isch halt scho so. Es sötted nur no die Natione därfe mitmache, wo nöd mit em Flüüger da here greist sind. Chli konsequänt müesst mer scho si.
-
- Offizieller Beitrag
Zitat von virusjetzt hani doch vorher im tagi gläse, dass tamiflu nöd chasch dä chrankekasse aagäh. uf jede fall jetzt nöd und au wänns dänn ufgno wird, chasch es nöd rückwürkend. also momentan choschteds dich und mich no gar nüt.
Das mit de 2 % isch im Radio cho. Öbs am Medi liit händ allerdings nöd gseit, das han ich agnoh (a was sölls suscht ligge ....)
-
- Offizieller Beitrag
D'Radios wend eifach chli öppis verzelle vo de Schweinegripp de ganz Tag.
Wahrschinlich seckled jetzt jede mit eme chline Hueschte oder ere Chrot im Hals zum Dokter, drum choschted's eus.
-
guet es chosted natürli au, will im moment, jede wo e gripp het, gad zum arzt rennt, statt mal gmüetlich paar neocitran schlucke, tee trinke und abwarte.
-
De Erfinder vo dem Uusdruck isch sicher en Bayer gsi:
Mench i hob a schweine Grippn....
-
Zitat von Reto
Immerhin kurblet's d'Wirtschaft chli a, au wänn ehner die profitiered, wo's suscht scho nöd nötig händ.
d'pharma-branche sicher, aber sött sichs jetzt würkli verschlimmere, stönd es paar branchene vermuetli nöd bsunders guet da.
aber ebe, so wit ischs ja momentan nonig, resp. nur teilwis (wil bi eus bispielwis vo mexiko- und usa-reise abgrate wird - nöd nur gschäftlich). -
So kei Seich jetzt, mir flüged i 2,5 Wuche nach New York. Muess ich ächt d'Schuma mitneh?
-
- Offizieller Beitrag
es paar Päckli vo dene Maskene langet sicher.
-
Ich hoffe, regelmässige Schnapskonsum langet au
-
- Offizieller Beitrag
_____________________________________________
Von: xxx
Gesendet: Mittwoch, 6. Mai 2009 19:49
An: xxx
Betreff: AW: xxxeGuten Tag Herr "virus"
Ich war in Mexico und holte mir eine Grippe. Der Doktor lässt mich aber morgen wieder auf Mitmenschen los. Ich hoffe es reicht noch, wenn ich mich am Freitag bei ihnen melde.
Freundlicher Gruss
xxx
weiss gar nöd, öb ich jetzt unbedingt wett bespreche mit dem, wo ich ebe no sett. -
- Offizieller Beitrag
geile Siech!
Jetzt mitmachen!
Du hast noch kein Benutzerkonto auf unserer Seite? Registriere dich kostenlos und nimm an unserer Community teil!