ZSC-Fans EM 2016 Toto

larlf

die wo kei Ahnig händ, sind meist am schlimmschte. will sie resultat tipped, wo kein "normale" wür mache + dänn triffts glich ie...

aber ich gsehn mis mitmache sowieso als: spänd für anderi + spiel spannend mache

Reto

Ja, so lueg ich das au a.
Und luschtig isch ja scho, dass nur scho paar wenigi Franke Iisatz so es Schpiel x-mal schpannender mached.
Bin no dihei am luege, öb mini Jungs mitmached imene familieinterne Tippschpiel mit 5 Schtutz Iisatz. Es wend aber nanig all so vill riskiere ;o)

Thomi

Bringemer da ine würklich känni 10 Nase here für es EM-Toto?
So chömed....mit e chli wette wird jedes Spiel inteteressant, sogar Wales vs. Slowakei !

Reto

Es fähled scho no paar, woni eigentlich dänke dass sie mitmached!

Gesendet von meinem GT-I9195 mit Tapatalk

Blackstar

Bin au debi.

danizsc

Ich bin au debi.... und scho zahlt und registriert

Thomi

Zitat von danizsc

Ich bin au debi.... und scho zahlt und registriert

jetzt fehlt nurno dä snowcat wo gseit hät er well mitmache.....snow wo bisch????

und was isch eigentlich mitem Larry?! het also scho schwer mit ihm grächnet!

lg thomi

Larry

Zitat von Thomi

und was isch eigentlich mitem Larry?! het also scho schwer mit ihm grächnet!

Ja ja.....dänn halt!

Bin nüme so Tipp Spiel Fan, aber mer söll Lüüt wo öppis ahriised understütze!

Thomi

Zitat von Larry

Ja ja.....dänn halt!
Bin nüme so Tipp Spiel Fan, aber mer söll Lüüt wo öppis ahriised understütze!

thats the spirit glaub mir, d'em wird so grad no es bitzli interessanter :-o und danke schomal im vorus für din ateil a mim hauptgwünn

Larry

Registriert, getippt, Kohle kommt dann auch noch.....

Reto

Zeigemer am Thomi mal, dass sin jährliche Gwünn im gschäftsinterne Bundesliga-Tippschpiel nur z'Schtand chunnt, will dete chli komischi Lüüt schaffed.

virus

Bin au debi. Isch aber keis Toto, sondern es Tippschpiil.
Nur das es gseit isch.

Und ja, ei Regle bezüglich Punkteverteilig bi Unentschide isch... naja.

Reto

Ich finde halt allgemein, dass richtigi Tordifferänz nöd müesst meh Pünkt gäh, wie richtige Sieger. Und s'genaue Resultat chan vo mir us ein Punkt meh gäh, wie de richtig Sieger und meh nöd. So Seich mit Tordifferänz und richtigem Resultat macht s'ganze no meh zumene Glücksschpiel.
Bi so villne Schpiel wär ich sogar defür z'ha, es Tippschpiel z'mache, wo's eifach für de richtig Usgang vom Schpiel (richtige Sieger oder unentschiede tipped, wänn unentschiede isch) ein Punkt git.
Aber d'Regle sind halt so, wie de Thomi das will.

Thomi

Genau Reto, no gnauer sind d'Regle so wies Kicktipp vorgseh hät, han extra und ganz bewusst nüt gändered. Glaub mir, frög 10 Lüt und du häsch min. 5 verschiedeni Meinige, wie Pünkt richtig sötet verteilt werde! Fair isches allei scho deshalb, will d'Regle für genau all die Gliiche sind, Kapisch!?

Und Hügli, ich nänn min Fred so wie ich will Wänni dä Titel chönt ändere würen "ZSC-Fans EM 2016 WM" nänne, nur zum Dich ärgere

Reto

wie gseit - de Markerächtsaawalt isch am abkläre, will zscfans.ch genau so gschriebe werde sött und nöd andersch!

Larry

Zitat von Thomi

Wänni dä Titel chönt ändere würen "ZSC-Fans EM 2016 WM" nänne, nur zum Dich ärgere

Söll ich?

Thomi

Und da söll nomal eine schriibe, mir schwiizer hebed ä schlächti zahligsmoral :-o
bis uf zwei händ scho all iizahlt

Bald isches sowiit, ich montier jetzt no schnäll mini zwei schwiizer-siitespiegel-fänli und abem friitig wird spannend tippt und hoffentlich no spannender tschuutet

schöne rest vo dä wuche!

gruess
thomi

Thomi

Und no churz e Info:
Dä FussballPussy98 isch en Arbeitskolleg vo mir. Sin Name hät er will mir es Hockeyforum sind und er am PatentOchsner? (oder wer das gsii isch) sini Tirade gseh hät im letschte Playoff-Final und s'98 isch vo Darmstadt98, sim Herz-Verein.

Aber suma sumarum eifach eine meh wo min Gwünn finanziert

larlf

wännd erste werde würsch, überwies ich dir nomal 10.- als bonus für die gross klappe

Thomi

Zitat von larlf

wännd erste werde würsch, überwies ich dir nomal 10.- als bonus für die gross klappe

hahahah ich han trashtalk scho als Fuessballjunior gliebt!

Weisch ich han kei problem mit dere grosse klappe uf dschnurre zgheie

btw, dä reto hät rächt gha mit dä bundesliga! mir händ die letschte beide saisons tipped....i dä erschte sind mir 3 nase gsii und ich han mit 5 pünkt vorsprung gunne und i dä zweite saison sind mir 5 nase gsii und det hani uf dä zweit 25 pünkt und uf dä letscht (FuessballPussy98) über 50 pünkt vorsprung gha aber ebe, d'wahrschinlichkeit, dass ich grad drüü mal hinderenand so glück han isch eher chlii nimm dir jedoch sälbverständlich am schluss au die zäh stutz gern no ab

Jetzt mitmachen!