Fussball allgemein

Zitat von snowcat

absolut hammer gsi!

"tausche charakter gegen geld"

das ischs beschte plakat gsi, wos iblendet händ!

gruess roli c.

Wenn er keinen Charakter hätte, dann wäre er anderst gegangen.

Zitat von Larry

Du meinsch wies Bundesgricht, wo er scho abegheit isch?

Nei, nei, de Mah häd nöd rächt!

Nöd vergässe: Alles basiert uf de Transfer Sperri vo de FIFA, und die isch ebe vom Bundesgricht bestätigt worde! Alles andere isch nachher cho und drum, echli simpel gseit, irrelevant!

ebe nöd!

de mah hät vermutlich nöd recht , dass stimmt, aber us folgende gründ wird er trotzdem recht übercho:

- s'bundesgricht hät d'fifa sperri - vo wege 2 jahr kei transfer mache - bestätigt, das isch korrekt. de cc hät die sperri nach em urteil au akzeptiert. so wit so guet.

- aber de schlaui cc behauptet jetzt, die sperre segi nöd für 2 jahr, sondern für 2 transferperiode, gültig. d.h. mitti das jahr, hät er nach sinere asicht wieder chöne neu kaufti spiller isetze, will s'zweite transferfenschter dure gsi isch. mit dere gwüssheit sind die 6 neue spiller (nöd de fc sion oder de cc...) vors bezirksgericht in martigny goge d'swiss football league go iklage wege bruefsverbot. und das gricht hät e superprovisorischi qualifikation für die spiller verfüegt. somit sind die spiller, zumindescht während dem die superprovisorischi verfüegig lauft, isatzberechtiget. und über das chas sich keis sportgricht stelle!

- de fc sion hät uf grund vo dem urteil, vor em waadtländer kantonsgricht, e superprovisorischi wiederigliederig id europa league erlangt. ergo: sion dörf, zumindescht während dem die superprovisorischi verfüegig lauft, im uefa cup spille. au über die verfüegig hät sich d'uefa hinweggsetzt! cha si nöd mache! selbscht wenn im nachhinein vo allne gricht entschiede wird, das sion z'früeh transfers tätiged hät.

fazit: selbscht wänn also im nachhinein au zivilgricht im sinn vo de uefe/fifa entscheided und finded, dass sion bschisse hät, müends klar zum schluss cho, dass die spiller während de zit vo de superprovisorische verfüegig isatzberechtiget gsi sind. sgliche gilt natürli auf für de fc sion im uefacup. und drum wird d'uefa au zalle müesse!

genau die lucke hät de cc gnutzt und üsserscht gschickt en nebeschusplatz kreirt. er hät nämlich ganz klassisch s'opfer zum täter gmacht! mittlerwili gahts nämli nur no i 2. linie drum, ob er scho transfers hetti dörfe mache oder nöd. in 1. linie gahts jetzt darum, dass sich d'uefa und d'fifa über superprovisorische verfüegige vo zivilgricht hinweggsetzt händ. obwohls i de sach vermuetlich recht händ, dass gaht nöd! die spiller händ zum igsetzte zitpunkt, ebe dank dene superprovisorische verfüegige, igsetzt werde dörfe! genau eso hetti sion zum jetzige zitpunkt s'recht i de europa liga z'tschutte. genau so lang bis es gricht öppis anders entscheided und die superprovisorischi verfüegige somit ufhebt. über so verfüegige chamer sich aber imene rechtsstaat nöd eifach hinwegsetze, selbscht wämer i de sach recht hät und das im nachhinein bestätiged wird!

es isch natürlich absolut widerlich, wänn en mensch en rechtsstaat derart usreizt und missbrucht, aber leider möglich.

gruess roli c.

Zitat von Mushu

Und es wär so eifach. De CC (und teilweise Sion) hät (widerholt) d'Statue vo SFV verletzt, er hät d'Statute vo de UEFA verletzt und er hät d'Statute vo de FIFA verletzt. SFV, UEFA und FIFA händ d'Rächtsform vonem Verein.

Möglichkeit a: CC ausschliessen, bzw. lebenslang für jegliche Funktionärstätigkeit im Fussball sperren.
Möglichkeit b: Sion als Verein ausschliessen.

et voilà ...

und scho wür er wieder vor gricht gha und wieder en juristsiche chrampf drehe und prompt wieder recht übercho...eso mensche funktioniered halt eifach eso. dumm isch nume, dass euses rechtssystem so öppis überhaupt zuelaht.

gruess roli c.

Zitat von snowcat

und scho wür er wieder vor gricht gha und wieder en juristsiche chrampf drehe und prompt wieder recht übercho...eso mensche funktioniered halt eifach eso. dumm isch nume, dass euses rechtssystem so öppis überhaupt zuelaht.

gruess roli c.

bis zu derä ussag hani dir öppe chöne biestimmä, aber wieso söll er dänn wieder vor gricht rächt übercho?
sfv, etc sind doch "freiwilligi verbänd" -> entweder öpper wett mitmache & dänn halted er sich dra, oder er wett ebä nöd mitmache...
was bringts sion, wänns gäld über chömed & nüme dörfed mitspiele? (bezieht sich mal i 1. linie uf de sfv, nöd euro league)

-> wasi meine: de sfv muen doch nöd jedä mitspielä lah (wo sich nöd a d'reglä halted) oder scho?
dänn chönted doch die "läbeslang gsperrte" spieler & funktionär sicher au a d'gricht wände & wieder mitspielä.... (so fäll, wo zbsp en schiri abeghackt händ oder ähnlichi kacke "verbroche" händ)

Zitat von larlf

bis zu derä ussag hani dir öppe chöne biestimmä, aber wieso söll er dänn wieder vor gricht rächt übercho?
sfv, etc sind doch "freiwilligi verbänd" -> entweder öpper wett mitmache & dänn halted er sich dra, oder er wett ebä nöd mitmache...
was bringts sion, wänns gäld über chömed & nüme dörfed mitspiele? (bezieht sich mal i 1. linie uf de sfv, nöd euro league)

-> wasi meine: de sfv muen doch nöd jedä mitspielä lah (wo sich nöd a d'reglä halted) oder scho?
dänn chönted doch die "läbeslang gsperrte" spieler & funktionär sicher au a d'gricht wände & wieder mitspielä.... (so fäll, wo zbsp en schiri abeghackt händ oder ähnlichi kacke "verbroche" händ)

Doch, das muss de SFV, er hät nämli im Fuessball e Monopolstellig, so dass er mit some Usschluss diversi Gsetz bricht (je nach Würdigung vom Gricht). Das fangt aa mit de persönliche Freiheit und gaht witer mit em Bruefsverbot und s gäbt evtl na meh. De SFV chan nur verlange, dass Statute und so ighalte werded. Aber nöd, dass d Mitglieder sich nöd am rächtswäg dörfed bediene.

wieso dörfeds dänn spieler "läbenslang" sperrä? (i de amateurlige)
-> sion chan ja i de alternativ liga mitspielä!

de cc verdient ja sie's gäld nöd mit em fuessball: dänn dörfeds ihn doch au sperrä

was ich nöd würklich kapierä: wo isch de underschied vom sfv zu de sogenannte "gschlossene" lige?
-> suscht chönt ich doch sicher über de teich flüge & döt d'eneitschel verklage, will sie mich nöd mitspielä lönd...

ich weiss scho, warum ich nöd jurischt worde bin... (obwohls sicher mega interessanti gebiet gäbti)

das macht mich no stutziger (au wänn ich verstahn, dass mer hützutag niemerem dörf es "bruefsverbot" uf erleggä, au wänn de sicher en andere job chönt mache)

http://www.football.ch/sfl/cm/Statuten_d%2006-09.pdf (ok, isch us em 2008, evtl. gäbts no neueri?)

Artikel 13 – Pflichten der Mitglieder
Die Mitglieder haben insbesondere folgende Pflichten:
a) die Treuepflicht gegenüber der SFL, was namentlich bedeutet, dass sie jegliches
Verhalten vermeiden müssen, welches den Interessen der SFL schadet;
b) mittels internen Reglementen oder durch Vertrag dafür zu sorgen, dass ihre Mitglieder,
Spieler, Trainer und alle Personen, die eine Funktion im Klub ausüben,
sich den Statuten, Reglementen und Entscheiden der zuständigen Organe der
FIFA, der UEFA, des SFV und der SFL unterwerfen; Sie sind ebenfalls verpflichtet,
an den von der SFL, des SFV und der UEFA organisierten Wettbewerben teilzunehmen.
c) in ihre Statuten eine Bestimmung aufzunehmen, die vorsieht, dass alle schiedsgerichtsfähigen
Streitigkeiten, die aus der Anwendung der Statuten, Reglemente
oder Entscheide der FIFA, der UEFA, des SFV und der SFL, die mit der SFL oder
zwischen Klubs der SFL entstehen, einem zu diesem Zweck bestellten Schiedsgericht
unterbreitet werden müssen

ach ja, de findi geil:
f) ein permanentes Sekretariat mit Telefax-Gerät zu unterhalten sowie ein Postfach einzurichten, dessen tägliche Leerung jeweils von Montag bis Samstag zu gewährleisten ist;

Zitat von larlf

wieso dörfeds dänn spieler "läbenslang" sperrä? (i de amateurlige)
-> sion chan ja i de alternativ liga mitspielä!

de cc verdient ja sie's gäld nöd mit em fuessball: dänn dörfeds ihn doch au sperrä

was ich nöd würklich kapierä: wo isch de underschied vom sfv zu de sogenannte "gschlossene" lige?
-> suscht chönt ich doch sicher über de teich flüge & döt d'eneitschel verklage, will sie mich nöd mitspielä lönd...

ich weiss scho, warum ich nöd jurischt worde bin... (obwohls sicher mega interessanti gebiet gäbti)

Amateurspieler: Will die sich nöd degäge wehred! Da muss mer ja zerscht prozessiere und das beinhaltet es choschterisiko. Und s chunt wohl au na drufa, was sie gmacht händ. je schlimmer s vergehe, desto eher isch de igriff grächtfertigt. De CC hät aber nüt illegals gmacht, er dörf sich am Rächtswäg bediene. Das wäred ja suscht zueständ, wämmer Gäld investiert und dänn macht de SFV was er wet? (isch jetzt vereifacht usdruckt, aber weisch, wasi meine)

klar gits grundsätzlich d vereinsfreiheit, aber die hät det ihri gränze, wo en verband es monopol hät.

gschlosseni liige: de gröscht unterschied isch wohl s unterschiedliche rächtssystem, wo anderi möglichkeite git.

Zitat von Larry

Das meinsch jetzt aber nöd im Ernscht?

Mol. Ich weiss, dass es schräg tönt. Aber das isch i mine Auge s verwirrende wämmer na dra dänkt, dass es mit ihm ja au vorher scho oft Problem geh hät.

Ich habe gemeint, dass sie gegen Bern probleme mit dem zeugs hatten & drum nur bar bezahlt werden konnte... (bin aber ned 100% sicher)
Meine Saisonkarte konnte ich auch mit Karte bezahlen (an der Siewerdtstrasse)