Fuessball-WM 2010 in Südafrika

Für dä Priis mach ich locker 2 x 2 Wuche NHL Feriä mit ca 10 NHL Spiel plus Auto, Hotel, Flug, Tickets und allem drum und drah.

Aber sie werdet wohl gnueg finde wo das zahled

du Larry, 7 Mill für 2 Spiel. Und wenn ellei im Zimmer bisch, grad namal 2'200 druf. Hangebliebe? So Aläss söttisch eigentlich gar nöd understütze. Ei Chohlemacherei. Da lob ich mir die letschtjährig Championsleague. Guet, hät alles mitenand au öppe en 10'er koschtet, bin defür aber 4 x gsi!
Und d'Emotione: UNBEZAHLBAR!

lol bueched doch eifach ellei und spaared d'hälfti.

also mängisch frögt mich sich ja scho i dem forum...

Zitat von Larry

USA 94, EM 96 und EM 04 hätts je öppe 10'000 Schwiizer gha.

WM 06 in D isch kein Massstab gsi.

Ich dänke, 6 - 8'000 werded trotz allem abe gah, chan mich aber au tüüsche.

Ich gang sicher nöd!

Südafrika hät dänn eh Winter, dänke id USA sind au na viel Fans gange, um echli na öpis vom Land gseh, isch dänn ja au Sommer und prima Wätter gsi.

Also ich bliebe sicher au dihei, würd au nid gah wenn Südafrika im Tessin wär....

Zitat von Reto

Vill wird da nöd use z'hole si

lol

aber total egal.

Zitat von Thomi

hehe, touché....

ja, da hät ers mier aber gäh!

guet, villicht han ich halt eifach au meh reiseerfahrig um das z'wüsse.

das gseh ich ähnlich. mier gahts nume drum, dass d'priise übertriibe sind. wie immer bi pauschalreise. das muess inzwüsche ja au am naivschte klar sii.

zudem werded d'billet wohl keis problem sii...in durban hätts ja 70'000 plätz und spanier gönd sicher nöd viel abe.

D Hotelbette (glaubs 80%) sind scho vorreserviert, wänns aber vo Mannschafte und Staff nöd abgrüeft werded, wirds aber nah bis nah wider freigäh werde.

Und wie de Gysino scho gseit het, nie e Pauschalreis bueche. En Kolleg het bereits mit eme andere e Reis individuell buechet fürs Spanie-Spiel, Flug für 2000 Franke und es Hotel für öppe en 1000er (DZ für beidi) für 3 Nächt, also scho nöd so tür...

Zitat von Cybi

Klar sött me nöd söttigi Pauschalagebot bueche. Individuell chunnts wahrschinlich scho günstiger. Ich dänke, das wird temperaturmässig (ca. 5°) die chältischti WM sii, well ja döte denn Winter isch. Und vo de Kriminalität wämmer gar nöd erst rede...

S wird wärmer si als 5 grad. In Kapstadt z.B. isches im Juni/Juli zwüsched 8 und 18 grad. In Durban sogar no bitz wärmer. Da muemer sich also nöd so Sorge mache, bi eus isches ähnlich warm abgseh vode paar Summermönet.
D Kriminalität isch zwar höch, aber mer muess eifach wüsse womer nöd sötti anegah, abgseh defo werdet die wohl es Rieseufgebot a Sicherheitslüüt inklusiv Militär ha, die wänd ja au nöd zwingend schlechti Press über ihres Land.

Zitat von Cybi

Isch es eigentlich korrekt eso, dass die südafrikanischi Aspill-Ziite (2 x 16:00 Uhr und 1 x 20:30 Uhr) au de Schwiizer-Ziit entspricht? Mir sind glaubs scho i de glichige Ziitzone.

richtig.

Zitat von Cybi

Wie wiit chömmet d'Schwiizer? Wie sind euri Prognose? S'Achtelfinale sött scho drin ligge, aber spätischtens im Viertelfinale isch Endstation...

Vo de Stimmig (i de Schwiiz, pubic viewing points etc...) her: Ich glaube nöd, dass die WM bsunders interessant wird und trotz schwiizer Beteiligung vill Euphorie da sii wird.

Ich denke d Euphorie etc. hanged ganz vom Verlauf vode WM ab, söttis würkli z.b. bis id Viertelfinal gah, wird d Euphorie automatisch cho, da bini ziemli sicher. Ich denke aber, dasses scho ide Gruppephase sötti fertig si, aber ja wer weiss, wer weiss...