Forumsnachwuchs-Fred

1. offizieller Beitrag

    äähm, isch halt nöd so es thema wie suscht, aber ghört (für mich) irgendwie no am ehnschte da ine:
    vom läse her weiss ich, dass es da ine viel vätere ha muen, wo entweder sälber gspielt händ oder juniore händ wo spieled (oder beides).

    chönd ihr mir en tipp geh, ab wänn mer mit de chline ufs iis chan?

    d'tochter wird i 2 wuche 3 jahr alt und mir würed gern mal go schlittschueh fahre probiere.
    d'frag isch: isch das no z'früeh und chan sie scho mit normale usprobiere oder währed no d'rutscherli ahgseit?

    -> hälfe chömmer scho bim fahre lerne, das isch nöd s'problem (zumindest für die erschte schritt) und zudem gits ja au no kürs & d'pinguine zum umeschiebe...

    thx im vorus!

    • Offizieller Beitrag

    In Kanada stönds mit 3 oft scho uf de Schlittschueh!

    De Nolan isch en Spätzünder gsi, ich glaub mir häds gseh...

    Ich han min Sohn vo Ahfang ah näbed em Hockeyclub no privat i Lektione gschickt, und zwar da:

    http://www.powerskating.ch/kursleitung.htm

    D' Gabi isch im Powerskating i de USA usbildet worde, git nüt bessers!

    Ich chan Dir das nur wärmstens empfehle!!!!!

    PS: De mit em Pinguin umeschiebe isch au sehr guet, dört macheds nähmlich die richtige Bewegige! Rutscherli chasch vergässe! Wie gseit: Scho am Ahfang ev. paar Stunde neh!

    Gruess und have Fun, dis Läbe wird sich ab jetzt für die nächste 15-20 Jahr i de Ishallene vo de Schwiiz abspiele..... :razz:

    Ah Tochter häsch ja gseit, aber das macht hüt kein Underschied meh us!

    cool, vielä dank!
    vor allem de tipp de rutscherli (oder ebe nöd) findi guet:
    han au gmeint, dass mir gschieder mit de richtige schueh afanged, als mit de rutscherli & das häsch du mir ("zum glück") bestätigt.

    naja, mal luege für was sie sich spöter dänn würklich begeistere wird: es hät glaubs gnueg zur uswahl (wo sie sich druf freut ;)

    rössli (pony riete) sind scho aktuell, ski fahre & schlittschueh probiere mer i dem winter und dänn gits sicher no paar sache im nöchste summer...

    btw. was mich scho lang interessiert:
    chasch in usa eigentlich über sat d'ch sänder au luege? (d.h. müesst ja eigentlich möglich sie, falls du d'sat-charte häsch & de sat. ahvisiert werde chan...)

    • Offizieller Beitrag
    Zitat von larlf


    btw. was mich scho lang interessiert:
    chasch in usa eigentlich über sat d'ch sänder au luege? (d.h. müesst ja eigentlich möglich sie, falls du d'sat-charte häsch & de sat. ahvisiert werde chan...)

    Nei, d Schwiizer werded nöd über die Satelite usgstahled.

    Tütschi Sänder wered möglich, aber wer will das scho luege.... :razz:

    Mir langed s Videoportal vo SF völlig!!!!

    Ich meine, i ch bin da in Florida und beschäftige mich vor allem mit dem was da lauft, wänn ich wieder i de CH bin isch es dänn umgekehrt!

    Gruess us em ewige Summer! :cool:

    ic, i dem sinn häsch ja rächt: wen interessiered scho ski ränne, wänn mer im shirt chan am strand umelaufe?

    enjoy it & gruess us em (scho fascht) winter..., es sött ja bald mal ändlich au i de undere regione go schneie!

    • Offizieller Beitrag
    Zitat von larlf

    äähm, isch halt nöd so es thema wie suscht, aber ghört (für mich) irgendwie no am ehnschte da ine:
    vom läse her weiss ich, dass es da ine viel vätere ha muen, wo entweder sälber gspielt händ oder juniore händ wo spieled (oder beides).

    chönd ihr mir en tipp geh, ab wänn mer mit de chline ufs iis chan?

    d'tochter wird i 2 wuche 3 jahr alt und mir würed gern mal go schlittschueh fahre probiere.
    d'frag isch: isch das no z'früeh und chan sie scho mit normale usprobiere oder währed no d'rutscherli ahgseit?

    -> hälfe chömmer scho bim fahre lerne, das isch nöd s'problem (zumindest für die erschte schritt) und zudem gits ja au no kürs & d'pinguine zum umeschiebe...

    thx im vorus!

    Gange emal davo us, dass nöd grad die nächscht Denis Bielmann willsch züchte, sondern eifach nur e chli öppis neus mit de Tochter mache. De mit de Rutscherli isch so, vergiss die. Glöön und Pinguine sind da vill besser. Si chönt sich drah hebe, und du chasch es e chli ziäh.

    Erwart eifach nöd zvill, und hör uf, wännd merksch, dass es no zfrüeh isch. Sie verlüürt suscht jegliche Luscht a dem Seich.

    Mit drüü häts bie eus nöd würklich klappt. Mer händs dänn jedes Jahr 1-2 x wider probiert und mit föifi isch es scho rächt guet gange. Aber ebe; nöd mit de Zielsetzig, dass i d'NHL chömed, aber sie händ de Plausch dra.

    D'Chälti dörfsch nöd vergässe. Si beweged sich nöd e so vill und frühred dementsprächend. Eusne häts mit 4eri und 5i im Glattzentrum am Meischte de Spass gmacht. Frühre isch det nöd agseit gsi.

    Vill Vergnüege!

    • Offizieller Beitrag
    Zitat von sandro_sf


    Das würdi aber ersch mache, wenns würki richtig Ishockey gaht. Dänn defür uf jede Fall. Ned ganz günschtig, aber mit enorme Vorteil für spöter verbunde.

    Richtig!

    :nick:

    larlf: Ich han bi Dim Posting das mit de Tochter überläse, und bi scho devo usgange, Du wellisch in
    Hockeyclub (déformation professionnelle... :roll:) .

    Nur dänn macht das mit em Powerskating Sinn!

    Und de Mushu häd rächt: Ich han Söhn gseh vo ex Hockeyspieler wo bim erschte Versuech bzw. bi de erschte Versüech immer nur brüeled hän, die häsch dän im nächste Jahr wieder gseh......und hüt spieleds irgendwo i de ZLE Organisation....

    Chauf (oder miet) Schlittschue (git au so Börsene, müend ja nöd noi si) und probiers us!

    Zitat von Mushu


    Gange emal davo us, dass nöd grad die nächscht Denis Bielmann willsch züchte, sondern eifach nur e chli öppis neus mit de Tochter mache. De mit de Rutscherli isch so, vergiss die. Glöön und Pinguine sind da vill besser. Si chönt sich drah hebe, und du chasch es e chli ziäh.

    Erwart eifach nöd zvill, und hör uf, wännd merksch, dass es no zfrüeh isch. Sie verlüürt suscht jegliche Luscht a dem Seich.

    Mit drüü häts bie eus nöd würklich klappt. Mer händs dänn jedes Jahr 1-2 x wider probiert und mit föifi isch es scho rächt guet gange. Aber ebe; nöd mit de Zielsetzig, dass i d'NHL chömed, aber sie händ de Plausch dra.

    D'Chälti dörfsch nöd vergässe. Si beweged sich nöd e so vill und frühred dementsprächend. Eusne häts mit 4eri und 5i im Glattzentrum am Meischte de Spass gmacht. Frühre isch det nöd agseit gsi.

    Vill Vergnüege!

    vielä dank für din bericht!
    neinei, sie hät ja de vorteil, dass sie es meitli isch & mich somit (oder mit em sport) chum chan zum millionär mache :?:

    ähm, spass verbie (han de ironie button nonig gfunde):
    han z.bsp. bim adi noventa gseh, wie er sin damals 2-3 jährige sohn hät welle zum profi züchte & jede frei namittag mit ihm am trainiere gsi isch :spinneli:

    ich sälber han früener sooo viel freud am sport gha, dass mich niemer dezue hät müese überrede:
    wänn das bi ihre au so isch, dänn isch umso besser & au suscht dörf/söll sie das mache, wo ihre gfallt.
    (isch ihres läbe, nöd mis, ich begleite sie nur... )

    Min chline spillt bi de Piccolo, ich bin Trainer und spille au Seniorehockey. Drum meh oder weniger jede Tag uf em Ihs.. Aber mini chlie 3jährig Tochter het e Icefobie oder so öppis hehe :spinneli: hehe Sie isch 2 mal 10min uf em is gstande und het den aber recht Tee geh hehe. S' einzige wo sie no recht cool findt, sind die noie Stüehl zum drufhocke und de Alt oder de Brüeder schiebed sie 10min ume.. Ende Gelende!!
    Bi mir ide Trainingsgruppe hani aber au es Meitli die isch no vergifteter als all Bube.. Nur nöd mit em kopf dur dwand den chunts wies mues..

    Wenn mal paar sache bruchsch gisch mer Bscheid..
    Gruess

    Russki standart!!

    Sbornaja:
    thx, wür mi gern mälde! de Tipp mit em Glatt hani au nöd schlächt gfunde, döt gseht sie viel anderi Chind und es isch warm gnueg, für en erschte Versuech.
    Ich Tippe au druf, dass mir sie am Afang mehrheitlich "müend umeschiebe", das macht sicher viel Spass! (für die wo gschobe werdet)

    Min Chline hani mit drü ufs Iis gstellt, am Afang hät er's nöd so luschtig gfunde, mir sind eifach regelmässig ufs Iis, immer solang wie er hät welle, aber mindestens e halb Stund. Und irgendwenn wo er's im Griff gha hät hät er's so cool gfunde und isch dänn stundelang ufem Iis umeturnt, ich has dänn nüme so luschtig gfunde und bi dänn amel is Kafi :cool: . Hüt spillt er liideschaftlich Iishockey, natürli bim richtige Club :nick:

    ich lahn mi dänn überrasche, mir händ jetzt mal ski gholt & warted uf de schnee, aber i 2 wuche werdet mir sicher mal beides zum erschte mal (ski & iis) usprobiere.
    wahrschienlich isch es scho no bitz früeh, aber sie freut sich scho mega druf! (geschter isch mal de erscht "test-lauf" i de wohnig gsi: mit skischueh & stöck :)

    findi no fair: für glaubs total 88.- hämmer für sie ski, skischueh & stöck e ganzi saison lang (in züri) gmietet.

    Zitat von larlf

    tschuldigung, wird bestimmt nüme vor cho!!!

    hät doch nüt mit däm ztue. aber wänns um kinderhobbies gaht (wogäge ja au nüt izwände isch), chamers doch würkli in smalltalk-bereich tue :roll:

    Zitat von Caro

    hät doch nüt mit däm ztue. aber wänns um kinderhobbies gaht (wogäge ja au nüt izwände isch), chamers doch würkli in smalltalk-bereich tue :roll:

    Und i wellem Fred lahtmer Bölle use ? :floet:

    Zitat von Caro

    hät doch nüt mit däm ztue. aber wänns um kinderhobbies gaht (wogäge ja au nüt izwände isch), chamers doch würkli in smalltalk-bereich tue :roll:

    logisch: häsch ja au rächt.

    (ich han am afang (vo de chinderhobbies) ja au en fred gsuecht, wo's wür inepasse, aber nüt gschieders gfunde...)

    Zitat von virus

    ich glaub dä caro gahts nur drum, dass sie bi dem fred gar nöd wür ineklicke, well sie weiss, dass es sie nöd interessiert. so klicked ebe all dri.
    di einte läsed alles, die andere nur das wo sie interessiert.

    ich klick z.b. immer i dä fcz oder dä nhl fred ine, obwohl ich mich en scheiss defür interessiere... isch wohl e sucht. ;)

    also a) isch s'thema würkli mal i richtig smalltalk (nöd-hockeybereich) gange und b) häts ja gnueg familievätere da ine, wo sich det chöntet über (chli)-chind-theme ustusche und c) isch es nöd sooooo schwer, en fred z'erröffne :floet:

    p.s. d) ich wür dänn definitiv nöd gross driklicke :wink: :mrgreen:

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden