EM 2016

geil, aber wieso schlaht island d'ängländer + mir die v...te pole nöd? :-/
sie fighted geil + händ s'glück wo's brucht für so en sieg, mags ne gönne!

Zitat von larlf

geil, aber wieso schlaht island d'ängländer + mir die v...te pole nöd? :-/
sie fighted geil + händ s'glück wo's brucht für so en sieg, mags ne gönne!

vill glück händs aber nöd brucht! die englisch nati eimal meh - und eigentlich wie immer sit 1966 - konzept- und strategielos. die definiered sich immer no über ihre kampffuessball! söttet emal vom höche ross obe abe cho und vo de trainer und spiller vom kontinent i de premier league lerne. und solang bi einzelne spitzespiel nume 4 engländer uf em platz stönd, wovo 3 devo s'schiritrio isch, wird d'nati au nöd besser!

Gesendet von iPhone mit Tapatalk

lol, ich hoffe, dass sich das irgendwänn ändere wird!
mängisch bruchts halt chli länger, vor allem bi eus, aber möglich sötted so leistige au sie!

snowcat
stimmt scho, aber sie händ gnueg gueti chance gha, zum das spiel nöd verlüre.
aber s'vielä gäld machts em eigne nachwuchs grad no schwerer.
es zeigt aber au wieder, dass fuessball (im normalfall) nur über e gschlossni mannschaftsleistig, mit kampf, liedeschaft + em bitzeli notwändige glück chan zum erfolg füehre; talänt allei bringt eim wiet, aber weder en messi, zlatan, ronaldo, etc chönd es turnier allei gwünne...

Zitat von larlf

stimmt scho, aber sie händ gnueg gueti chance gha, zum das spiel nöd verlüre.
aber s'vielä gäld machts em eigne nachwuchs grad no schwerer.
es zeigt aber au wieder, dass fuessball (im normalfall) nur über e gschlossni mannschaftsleistig, mit kampf, liedeschaft + em bitzeli notwändige glück chan zum erfolg füehre; talänt allei bringt eim wiet, aber weder en messi, zlatan, ronaldo, etc chönd es turnier allei gwünne...

also zitewis isch island nöcher am 1:3 gsi als teebütel am 2:2!

aber wie du seisch: es brucht meh als nume es paar gueti einzelspiller! es git mannschafte a dere em ohni ein einzige überspiller, aber mit eme brillante - uf ihri bescheidene eigeschafte - zuegschnittene taktische konzept. eso chamer bis in 1/4 final cho. dänn isch aber i de regel fertig. will dete wartet mannschafte mit ebe so taktisch usklügletem konzept, aber au no mit überragende einzelspieler. england hät die teilwis au, aber wenn du selbstverständnis häsch sowieso die best fuessballnation vo allne zite uf dem planet zsi und glichzitig en trainer häsch wo das au glaubt und wo scho vor 20 jahr es uslaufmodell gsi isch, chasch nüt anders erwarte, als genau das wo hüt abig passiert isch!

lueg emal zb. d'entwicklig vom dütsche und spanische fuessball ah die letschte 15 jahr und dänn die vo england i de gliche zit! dänn weisch genau was ich meine...

Zitat von Larry

Selbstverständnis haben sie eben keines!

die arroganz zu den besten der welt zu gehören, haben sie sehr wohl. aber genau das tun sie eben schon lange nicht mehr!

Zitat von Larry

Ausserdem hatten sie mit Eriksson und Capello auch schon Ausländer als Trainer - gebracht hat es nichts!

das stimmt allerdings...ich denke aber, dass diese aus dem heutigen spielermaterial bedeutend mehr herausgeholt hätten als hodgson!

Zitat von Larry

PS: Die U17 von England wurde 2010 und 2014 Europameister!

u mannschaften der schweiz wurden auch schon welt- und europameister. ebenfalls hat österreich einem titel irgendwo da u-nten. heisst, dass man einen guten jahrgang an junioren hat, nicht mehr und nicht weniger. und dass england über gute spieler und auch eine gewisse breite an spielermaterial verfügt, bestreite ich ja nicht. aber nach den junioren stagnieren sie. in der nati lässt man sie einfach in ihrem antiquierten konzept rumpeln, so schaffen sie den anschluss an die grossen nationen nie mehr. da kann man gleich als nächsten englischen natitrainer sämi hyypiä engagieren...

herrlich, de sämi chunt sicher fast so guet wie de klinsi, wo momentan grad i de präss isch
ob ächt de brexit hälfe wür? nimm nöd ah, dass dänn meh änglischi jungs i de jewielige start-11 würed stah, aber so e regelig wär sicher förderlich für ihri nati; nur wird das kaum duregsetzt, nimm ich mal ah.
die junge müend halt au uf dem niveau erfahrig sammle + das vor allem a turnier, isch halt nomal chli anders, als "nur" quali.
gaht allne länder so, wo nöd so breit abgstützt sind wie die paar wenige grosse!
aber mer muen dra glaube, laaaang jungi fördere, wo de sprung is usland müend schaffe, döt i ihrne teams leistigsträger werde + erst dänn, wännd 15+ vo sottig spieler i de nati häsch, chasch mal chli wieter füre cho; d'usnahm bestätigt natürlich d'reglä, siehe island, etc

Läck reg ich mich grad wieder über die verpassti Chance uf wo d Schwiz lige lah hät wänn i das Spiel hüt luege. D Spieler werded ihre couch uffrässe wänns das gsehnd...

Zitat von ZSColin

Und Düütschland s'Land, wo no nie es Penalty-Schüsse verlore hät (glaub ich uf jede Fall.

nö!

sie händ (mit geschter) 7 penaltyschüsse gha. die letschte 6 gunnä. aber s'erschte - isch hüt no eis vo de bekannteste penaltyschüsse ever - händs verlore. bekannt au darum will's s'erschte penaltyschüsse überhaupt amene grosse turnier gsi isch und will...

...guckst du:

und zwar isch das im em finale 1976 in belgrad gege tschechoslowakei gsi. tschechoslowakei hät schnell 0:2 gfüehrt, die dütsche i de 90. durch hölzenbein usgliche. verlängerig isch 0:0 usgange.

penalty: die erschte vier tscheche händ troffe, dänn chunt de vierti dütschi, de ulli hoeness und knallt die pille sicher 5 meter über s'goal. und so hät de 5.-i tschechoslowak nu no müesse tüpfe. de antonin panenka isch das gsi. und macht das mit em legendäre panenka heber. hät er det erfunde und heisst hüt no so. de schüssisch genau i d'mitti, aber nöd vollgas, sondern en heber. wenn's glingt gsehts absolut souverän us, wenn en de goalie hebt, bisch de volldepp!

chami no gnau erinnere vor em tv! und de dütsche hass (neudütsch: dütsche bashing) isch damals no derart verbreitet gsi, dass alli welt i de schwiz lieber dem "kommuniste pack" us de tschechoslowakei vo hinderem iserne vorhang ghulfe hät!

de original penalty:

https://youtu.be/ROG4-QPIDgo

da es paar glungni nachahmer:

https://youtu.be/fSxpADdD4zI

da deppe versione:

https://youtu.be/qdu5pweeDiI

Gesendet von iPhone mit Tapatalk

Mit Wales nur 1 Überraschungssieger in den Viertelfinals. DEU-ITA äusserst eng mit Vorteilen für Deutschland und ja, man kann auch mehr als 1 Penalty verhauen und trotzdem weiterkommen. Auffallend auch, wie gut Neuer und Buffon waren bzw. wie oft sie die richtige Seite antizipiert haben. Sommer mag gut sein, aber absolute Topgoalies wie diese Beiden sind hald doch noch ein Stück besser.

Zitat von Larry

Bis jetzt hat mich noch kein Spiel so richtig vom Hocker gehauen.

Wenn es so weiter geht wird die EM 2016 in der Erinnerung keinen Spitzenplatz einnehmen.

https://youtu.be/yKbmQyn5-jE

die erklärung, warum die em so enttäuschend schwach ist. ewald lienen bringts auf den punkt! er war ja schon als spieler einer der intelligenteren. die top spieler sind schlicht ausgelaugt und nicht mehr wirklich motiviert.

an dieser entwicklung sind genau so vereine wie bayern münchen nicht nur mit-, sondern hauptschuldig! mit ihrer gier nach immer mehr geld und titeln. wenn's nicht das triple wird, hat man die ziele verfehlt...natürlich tatkräftig unterstützt von den ebenso gierigen und korrupten machern der uefa/fifa!

früher hatten wir den uefaPOKAL und den europaPOKAL der landesmeister. wie der name schon sagt: pro saison ein paar hin- und rückspiele. nicht künstlich aufgebläht durch gruppenphasen.

das alles mitinitiert von ulli hoeness und seinen kollegen...rummenigge spricht ja bereits von der superliga, ein weiterer schritt in die falsche richtung!

http://m.sport1.de/internationale…lwettbewerb-ein

Gesendet von iPhone mit Tapatalk