• das zielfoto heute in der zeitung zeigt eigentlich das gegenteil, sollte die brust als entscheidender teil gewertet werden, oder was zählt beim triatlon.
    war schon gestern geschockt und dachte, spirig hätte noch verloren, weil sie sich nicht nach vorne warf

  • Zitat von Reto

    Ist es nicht die Schulter, die zählt?
    Brust wäre bei den Damen je nachdem vielleicht etwas unfair.

    die händ doch eh kei bölle :wink:

    also uf de verschiedene fotofinishs (au die, wos geschter i de liechtathletik bracht händ) ischs glaub scho de oberkörper und nöd d'bruscht...

  • Ich hett au no öpis ganz anders...

    Euse gross Junior chunt i zwei Wuche i d'Oberstufe und mir wänd ihm äs Handy poschte. Ja, er hät bis jetzt tatsächlich no keis;-) Natürlich het er am liebschte äs iPhone, aber ich bin ja nöd dä Pestalozzi..., scho gar nöd nach dä zrugg liegende 3 Wuche USA;-) Hät öper scho Erfahrige gmacht? Prepaid vs. Abo? Äs vernünftigs Touchscreen Handy?

    Merci im vorus...

  • Zitat von Schäri

    Ich hett au no öpis ganz anders...

    Euse gross Junior chunt i zwei Wuche i d'Oberstufe und mir wänd ihm äs Handy poschte. Ja, er hät bis jetzt tatsächlich no keis;-) Natürlich het er am liebschte äs iPhone, aber ich bin ja nöd dä Pestalozzi..., scho gar nöd nach dä zrugg liegende 3 Wuche USA;-) Hät öper scho Erfahrige gmacht? Prepaid vs. Abo? Äs vernünftigs Touchscreen Handy?

    Merci im vorus...


    ...betr. de chöschte findi das no e gueti siite zum luege/usrächne
    http://www.dschungelkompass.ch

    • Offizieller Beitrag

    Für mich gäbt's für d'Chind nur Prepaid und mit em Aagebot vo de Swisscom mit de 100MB für 10.-- fahrsch sicher guet, wänn en richtig erziehsch ;o) und wänn's das Aagebot überhaupt no git. Irgendwie mached's verschtändlicherwiis nöd vill Werbig defür, will's ebe würklich die choschtegünschtigst Variante isch zum sörfe unterwägs. Eifach nöd zum Film luege und all mp3s us de Cloud z'lose, was ich eh schwachsinnig finde. Für was hät mer dänn Schpeicherplatz uf somene Grät und mit em Telefon Musig lose, wo de Akku sowieso knapp en Tag hebed, ohni Musig lose, isch no s'nächschte...

    • Offizieller Beitrag

    Eifach gseit, wänn die gröschte Chind erscht sächsi sind, aber als Eltere muess mer eifach luege, dass mer d'Chind so ane bringt, dass nöd de ganz Scheiss müend mitmache.

    Ich han bi dem Thema e extrem altmodischi Meinig und schtosse uf vill Chopfschüttle, aber das wird eini vo de wichtige Ufgabe vo Eltere, in Zuekunft z'tschägge, was mit de neue Technik möglich isch und was wie muess sinnvoll und im Mass benützt werde.

    Die Generation wo jetzt Teenager hät, hät's schwer momentan, will villi devo rein gar nüt i dem Schtil i de eigene Jugend sälber miterläbt händ.

  • Wänn mir scho bim Thema Natel-Abo sind: ich finde die neue Swisscom Natel Abo's irgendwie chrank, was de Grundpries betrifft!

    Mini durchschnittsrächnig lieht momentan bi 60.- / Monet -> für das gits neu grad mal s'langsamschte Abo.
    Verstahni irgendwie nöd...

    Hani öppis überseh oder wieso sind die Dinger so Schweineteuer?

  • Zitat von Reto

    Eifach gseit, wänn die gröschte Chind erscht sächsi sind, aber als Eltere muess mer eifach luege, dass mer d'Chind so ane bringt, dass nöd de ganz Scheiss müend mitmache.

    Ich han bi dem Thema e extrem altmodischi Meinig und schtosse uf vill Chopfschüttle, aber das wird eini vo de wichtige Ufgabe vo Eltere, in Zuekunft z'tschägge, was mit de neue Technik möglich isch und was wie muess sinnvoll und im Mass benützt werde.

    Die Generation wo jetzt Teenager hät, hät's schwer momentan, will villi devo rein gar nüt i dem Schtil i de eigene Jugend sälber miterläbt händ.

    Wenigstens bin ich nöd de einzig, wo die aktuelle "Mödeli" vo gwüssne Elterä nöd verstaht :mrgreen:

    Klar gits de Gruppedruck etc., aber bin immerno de Meinig, dass mer sich i de Jugend mit andere Sache chan beschäftige als nur mit em Telefon.
    Aber das lieht minere Meinig nah halt nöd nur a de Chind, sondern ebe au a de Elterä, ob & wie sie sich drum kümmered...

    Naja, egal: ich hol jetzt mini 3 jährig Tochter vom änglische Früehchindsgi ab & bring sie in Mandarin Unterricht und wänn sie nachher nonig ruhig isch, dänn chan sie ja nochli s'ipad neh, nöd dass ich mich no mit ihre muen beschäftige. schliesslich muen ich mich ja no um mini karrierä & hobbys kümmere :spinneli:

  • früeh-englisch findi jetzt aber 100mal gschider, als de goofe scho vorem 1. schueltag es iphone oder ipad in arsch zschiebe.
    nie lernsch (und verlernsch) eso schnäll e sprach, wie als chind. ich bi mine eltere jedefalls dankbar, dass ich zweisprachig ufgwachse bin - au wänns damals nüt mit früeh-schuelige ztue gha hät, sondern rein geographischer natur.

  • ach, gäge früehänglisch allei hani au nüt:
    han mängisch eifach s'gfühl jedä wett de ander übertrumpfe & drum ghörsch dänn so komischi sache, wie "mandarin im chindsgi-alter lerne" und diversi anderi karriere-förderndi sache... :spinneli:
    schliesslich muen ja jedes chind en nobelpriisträger werde!

  • s'läbe isch gföhrlich & ändet immer mit em tod: klar häts wahrheitsgetreui sache i dem artikel, aber mer chan's au übertriebe... (ich vermuete mal, dass de autor sini chind im chäller iesperrt, wills dusse so viel gfahre & strahle hät!)

    mini meinig: de chind (im jewielige alter) de richtig umgang demit biebringe isch viel besser, als eifach alles verbüte & schlächt redä.

  • de mit de "digitale demenz" würi au underschriebe: wieso öppis merke, wänn mer's ja eh im google chan go sueche?

    bim andere artikel hani mit sine empfehlige bitz müeh:

    Hier einige Empfehlungen dazu:
    - wenn sie telefonieren (oder surfen oder sms versenden) müssen, entfernen Sie sich von Ihrem Kind mindestens 5 Meter, besser 10.
    - geben Sie das Handy Ihren Kindern nicht zum Spielen und erst recht nicht zum Telefonieren!
    Mein Sohn hat noch nie, keine Sekunde, mit meinem Handy telefoniert, egal wer am anderen Ende war und ihn unbedingt sprechen wollte.

    klar isch es schädlich, aber dänn muesch au:
    - am beschte en bunker baue, zum all strahle vo usse abwehrä
    - dine kei wlan, babyfon, funk telefon, mikrowälle, etc ha
    - dine bliebe & nöd i d'sunne ga
    -> die lischte chasch wohl unändlich erwietere...

    • Offizieller Beitrag

    Häsch dänn dis WLAN Tag und Nacht a? Gahsch ohni Sunneschutz i d'Sunne mit em Chliine?

    Und ja, mer chan die Lischte unändlich erwiitere, aber bi villne vo dene Sache, wo dänn würsch ufzelle, sind d'Folge erforscht. Bim Handy nöd und mir werdet's villicht i 20 Jahr wüsse, öb's Folge hät oder nöd. D'Induschtrie wo a eim vo de gröschte Märt wo's momentan git, sich e goldigi Nase verdient, wird sicher nöd vill defür gäh, entschprächendi Schtudie z'finanziere.

    Wir bi de meischte Sache, sött mer's au da nöd übertriibe, aber es gwüsses Mass isch sicher nöd fähl am Platz und öb so es Handy jetzt schtrahlt oder nöd, hät's mit oder ohni Schtrahlig eigentlich nüt i de Händ vomene Chliichind verlore, will mer suscht nöd weiss, wie mer sin Goof söll ruhig schtelle, wämmer irgendwo unterwägs isch.

Jetzt mitmachen!

Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!