Dä FCZ-Fred

Larry der grösste Unterschied war, dass die Bayern-Spieler im Spiel ohne Ball permanent in Bewegung waren (und das sogar auf Sparflamme) und die Zürcher meistens nach der Ballberührung stehenblieben.

Zitat von Larry

Du seisch es!

Gwüssi Spieler händ sich vor denen zwei Spiel wohl usgmalet gha, sie chöned sich da uf de grosse Bühni präsentiere.

Jetzt händs zeiged, dass allesamt (usnahm: Rogriguez) absolut unbruchbar sind für d'Bundesliga oder generell fürs Usland!

Werum de Chermiti, de iibildet Zwerg, nöd häd chöne reüsiere isch wohl jetzt jedem klar.

De Zürcher Sturm e Zwergeversammlig mit so Lüütlis wie Schönbi, Chermiti und Co!

Z'chli, z'langsam (!), technisch underirdisch!

Bim 0:1 häd die gsammt Abwehr nur zueglueged, wie das gaht, und en Gomez bruch halt nur ei oder e halbi Chance für es Goal.

Bayern nöd ei sondern zig Klasse besser, d' Süper Lig isch halt e Schrottliga in Europa, aber das merkt mer halt nöd wänn Not gäge Eländ spielt und mer dänn zweite wird.

Bin gspannt wie de FCZ us dere Krise woner im Momänt isch wieder usechunt, und s'gliiche gilt au für de FC Basel!

Alles anzeigen

technisch und taktisch isch mer durchus uf augehöchi mit de bundesliga, natürli nöd mit so usnahmespiller wie robben und ribéry. aber die chöntet au bi barca spille und das isch dänn definitiv namal 2 klasse über de bundesliga.

bi euis fählts a de intensität. i de buli wird scho im training alles abverlangt, bi euis häsch ja scho als schönbächler quasi e stammplatzgarantie. und während em spiel chasch i de schwiz minutelang überlege, was jetzt mit de chlure afange söllsch. bevor aber gege bayern nur scho afangsch studiere, nimmt der scho eine de bölle weg!

bin au gspannt, wie und ob überhaupt, de fcz zu de krise usefindet. wird nöd eifacher mit de euroleague...

p.s. das woni obe gschribe han, erinneret mich au as schwizer hockey, wämer mit de big 6 natione verglicht!

gruess roli c.

technisch und taktisch isch mer durchus uf augehöchi mit de bundesliga

und während em spiel chasch i de schwiz minutelang überlege, was jetzt mit de chlure afange söllsch. bevor aber gege bayern nur scho afangsch studiere, nimmt der scho eine de bölle weg!

Aso isch mer doch nöd uf Augehöchi. . . . ich find de Unterschied krass. Zum Glück chani bald Hockey luege

Zu de Bricht vom Larry usem FCZ Forum; Intressiert det überhaupt öper de Match oder isches wichtiger zum lüter singe etc ? Chuntmer biz schräg
ine.

Zitat von Larry

Uf Clubniveau (und vo dem redet mer!) uf kein Fall!

Hämmer ja gseh i de CHL und em VC!

Wird interessant zu sehen, wie sich der HCD schlagen wird.

Vergleiche zwischen Fussball und Hockey sind natürlich schwierig bis unsinnig, aber Bayern wäre wohl in der oberen Hälfte der NHL Teams anzusiedeln. Und so grandios wie unser Sieg gegen die Blackhawks war, so ist auch allen klar, dass die Blackhawks damals am Anfang der Vorbereitung stand und es sich für sie um ein Freundschaftsspiel handelte, während es für Bayern um Millionen ging.

Wenn es für ein NHL Team nach Beginn der Saison um etwas ginge, dann dürften die Unterschiede mit einem Schweizer Team ziemlich genau so aussehen, wie der Unterschied zwischen Bayern und FCZ war.

Zitat von Larry

Ich behaupte scho lang dass sich d'Lüüt wo i de SK sind en Scheiss für de Match interessiered!

Mer fiired sich sälber, häd s'Gfühl, mer seg die geilscht Kurve uf de Wält!

Aber ebe: Au das isch e grossi Sälbschtüberschätzig!

Isch nüt nois, das häsch au i andere verein und im ishockey sowieso

Zitat von Draft

Isch nüt nois, das häsch au i andere verein und im ishockey sowieso

richtig. bim fcz isches aber sitt eme ziitli ganz, ganz krass. ich merks au wänni luege.
sehr enttüschend und definitiv nurno uufgeilerei a sich sälber.

bi ois isches definitiv andersch. es wird ufs spiel no immer viel, viel meh iigange. ich
glaube das isch im hockey eigetli allgemein eso, dass meh ufs spiel iigange isch. bi
ois wird nachere chance (oder während) es lied underbroche und es ZSC-ZSC-ZSC
aagschtumme, das isch definitiv eso. au werded immer wieder alti lieder aagschtumme,
das bruuchts eifach und das weiss und will au jede, au in ultra chreise bim zsc. und
das isch völlig ok eso.

ebe, in masse ok, übertriibe sött mer nöd und bim fcz isches wahnsinnig übertribbe im
momänt. aber anschiinend merked die das nöd wo was z'sägge händ.

edit: ah ja, zum spiel no öppis...dä gröscht anti fuessballer vo allne isch dä aegerter, dä
chan jetzt aber gar nix. wahrschinli nöd mal bäächere. totale pseudofuessball, chasch dä
hase gäh.

Zitat von Larry

und en Gomez bruch halt nur ei oder e halbi Chance für es Goal.

Mengisch langedem aber anschinend au 5 riiiesigi Chance nöd...

Zitat von snowcat

technisch und taktisch isch mer durchus uf augehöchi mit de bundesliga, natürli nöd mit so usnahmespiller wie robben und ribéry. aber die chöntet au bi barca spille und das isch dänn definitiv namal 2 klasse über de bundesliga.

Aso taktisch ischmer meilewiit eweg vode Bundesliga!

Zitat von Balz

Wird interessant zu sehen, wie sich der HCD schlagen wird.

Vergleiche zwischen Fussball und Hockey sind natürlich schwierig bis unsinnig, aber Bayern wäre wohl in der oberen Hälfte der NHL Teams anzusiedeln. Und so grandios wie unser Sieg gegen die Blackhawks war, so ist auch allen klar, dass die Blackhawks damals am Anfang der Vorbereitung stand und es sich für sie um ein Freundschaftsspiel handelte, während es für Bayern um Millionen ging.

Wenn es für ein NHL Team nach Beginn der Saison um etwas ginge, dann dürften die Unterschiede mit einem Schweizer Team ziemlich genau so aussehen, wie der Unterschied zwischen Bayern und FCZ war.

momol larry, au uf clubebeni isch es eso!

de vc-sieg hät de balz ja sehr guet erchlärt. ich behaupte sogar, das de unterschied zwüsched eme nhl spitzeteam und eme schwizerverein imene ernstspiel no krasser wär als zwüsched bayern und em fcz! usserdem hät scho menge ch-fuessball-club i fründschaftsspiel engländer, italos, dütschi etc. gschlage. st. galle hät vor 2 jahr als nlb verein gege liverpool 0:0 gspillt. niederhasli hät de summer hertha gschlage und de fcz spillt gege lüdenscheid 1:1...

zu de hockey chl: bi bayern spilled 2 weltstars und no mehreri anderi wo zumindescht zu de top 50 spieler vo de welt ghöred. dertigi gegner häsch nöd gha i de hockey-chl, ganz eifach will fasch alli top spiller i de nhl engagiert sind! hetti de zsc gege alli die mannschafte us schwede, tschechie etc. mit de abtrünnige nhl spiller müesse spille, wärs endi vo de chl öppe zum gliche zitpunkt wie bim fcz cho!

gruess roli c.

Zitat von Simms

Aso taktisch ischmer meilewiit eweg vode Bundesliga!

find ich gar nöd, vor allem nöd vo de dütsche mittelfeld und schwanzclubs. s'einzig was eusne abgaht isch d'schnelligkeit, die im chopf und die körperlich. ich luege vill bundesliga im tv und au öppe live im stadion. dete gsesch ab und zue en match, wo chum meh niveau hät wie züri-xamax vom letschte samschtig. aber ebe, selbscht grotte schlechti kicks händ e vill höcheri intensität.

gruess roli c.

Zitat von snowcat

find ich gar nöd, vor allem nöd vo de dütsche mittelfeld und schwanzclubs. s'einzig was eusne abgaht isch d'schnelligkeit, die im chopf und die körperlich. ich luege vill bundesliga im tv und au öppe live im stadion. dete gsesch ab und zue en match, wo chum meh niveau hät wie züri-xamax vom letschte samschtig. aber ebe, selbscht grotte schlechti kicks händ e vill höcheri intensität.

De Unterschied isch vor allem au, wie das ganze überebracht wird. Wänn in Dütschland e Zämefassig vome Match luegsch, dänn häsch fascht jedesmal s Gfühl, es segi es Super-Niveau, wil halt idene 3 Minute alli spannende Szene und Top-Chance chömed und gseit wird, das de Match halt spannend gsi isch. Bi SF zeigeds dänn halt die 2 Topchance und meischtens no so Seich wie Fählpäss oder schwachi Freistöss und säged denn, dass de Match uf dem Niveau gsi isch... S gliche gilt ja au bide Live-Überträgig, bim Teleclub schlaft der mängisch au bim beschte Match s Gsicht i...

Dezue chunt dänn halt no das e "Stimmig" vo 5000 Zueschauer au andersch überechunt als wänn 40'000 im Stadion sind

Zitat von Larry

Fakt isch, dass d'Schwiizer Hockey Liga um einiges besser isch international als d'Schwiizer Fuessball Liga.

ch-hockey und ch-fuessball stönd uf nationalmannschaftsebeni öppe am gliche ort. im hockey isch d'schwiz, vo öppe 10 länder (vill meh sinds nöd) wo de sport ernsthaft und als breitesport betriebed, je nach jahr zwüsched platz 7-9 platziert. im fuessball isch d'schwiz, vo öppe 40 länder wo de sport ernsthaft betriebed, je nach jahr zwüsched platz 25-35 platziert. i de momentane fifa rangliste isches platz 30.

wenn d'ligene verglichsch, gsehts ähnlich us. sportlich (nöd d'löhn wo zallt werded...) isch ch liga bestefalls d'nummer 7. im fuessball isch d'schwiz uf clubbeni öppe uf platz 13 klassiert. falls d'hockeyliga international es müh besser isch als d'fuessball liga isch das au nume darum, will mer sich im hockey (alterndi) 2. klass- und susch mindeschtens 3. klass usländer chan leischte, während im fuessball selbscht die 3. klassige no z'tüür sind für eusi clübs.

gruess roli c.

dertigi gegner häsch nöd gha i de hockey-chl, ganz eifach will fasch alli top spiller i de nhl engagiert sind! hetti de zsc gege alli die mannschafte us schwede, tschechie etc. mit de abtrünnige nhl spiller müesse spille, wärs endi vo de chl öppe zum gliche zitpunkt wie bim fcz cho!

Rolinek....???

Zitat von Mirko

De Unterschied isch vor allem au, wie das ganze überebracht wird. Wänn in Dütschland e Zämefassig vome Match luegsch, dänn häsch fascht jedesmal s Gfühl, es segi es Super-Niveau, wil halt idene 3 Minute alli spannende Szene und Top-Chance chömed und gseit wird, das de Match halt spannend gsi isch. Bi SF zeigeds dänn halt die 2 Topchance und meischtens no so Seich wie Fählpäss oder schwachi Freistöss und säged denn, dass de Match uf dem Niveau gsi isch... S gliche gilt ja au bide Live-Überträgig, bim Teleclub schlaft der mängisch au bim beschte Match s Gsicht i...

Dezue chunt dänn halt no das e "Stimmig" vo 5000 Zueschauer au andersch überechunt als wänn 40'000 im Stadion sind

Das isch aber "nur" de Underschied im TV & da gib ich dir rächt: sf hät das leider immernonig kapiert, wie mer au en langwielige match chan spannend übere bringe...
git immer wieder so bsp. wo de kommentator nach 30-45min spielziet meint "es langwieiligs spiel, bis uf die chance .... isch nüt meh passiert!
-> und dänn weiss au de hinderletscht, dass sich de Spielstand nüme ändere wird...

i de BL zeigeds jedi no so schwach Chance 3-5 mal, wänns suscht nüt git!

Aber was Taktik/Technik uf em Platz ahbelangt, da müend mir eus sicher nöd versteckä:
oder wieso händ eusi Trainer immer wieder Erfolg i de BL?!?
...und au einzelni Spieler, wo gmerkt händ, dass mer de Finger muen use neh (zum e internationali Karriere mache)

Zitat von snowcat

find ich gar nöd, vor allem nöd vo de dütsche mittelfeld und schwanzclubs. s'einzig was eusne abgaht isch d'schnelligkeit, die im chopf und die körperlich. ich luege vill bundesliga im tv und au öppe live im stadion. dete gsesch ab und zue en match, wo chum meh niveau hät wie züri-xamax vom letschte samschtig. aber ebe, selbscht grotte schlechti kicks händ e vill höcheri intensität.

gruess roli c.

Gsehnich aso ganz anderst. Achte di mal uf d Verteidigungsreihe bimne Buli-Spiel, vo mir us au Mittelfeldteams, und lueg nach es NLA-Spiel. Da sind aso taktisch immerno Welte dezwüsche minere Meinig nah.