Dä FCZ-Fred

Zitat von Champs-de-Mars

Freut mich, dass es no es paar positiv igschtellti git. Da FCZ wird euis wieder Freud mache, öb das jetzt die oder nächschti Saison isch, isch eigentlich nöd eso wichtig. Bi mir längeri Durschtstreckene gwöhnt gsi.

Häsch rächt mit dim Bricht, dä Canepa söll dä Giovi Marti entlah und dänn d'Kommunikation amene Spezialischt gäh. Aber ab dänn söll er dänn würklich sini Zürischnure zue hebä und sich max. 1x pro Monet mälde

de fcz macht mier eigentlich immer freud, eifach wills dä fcz isch! vor allem handlet sich's ja "nur" um sport und nöd um s'läbe, aber halt glich um min absolute herzensverein...

hät natürlich au mit de wahl vo mine lieblingsverein z'tue. nie, aber au gar nie wär ich uf d'idee cho, fan vom beschte verein z'werde, egal i wellem land. ha mich immer für de underdog entschiede und/oder für de verein, wo i de bevölkerig viel meh verwurzlet oder ebe kult (gsi) isch, egal vo de sportliche reputation. wie ebe de fcz in züri.

vo 1982-2006 hämmer ja bim fcz sportlich nur müll erlebt. abgseh vo 1998 mit em churze europacup highlight (fischer goal in glasgow, aber eigentlich hät er ja nur e flangge welle mache...) und em shabani nonda. bis 1996 häts nöd emal e südkurve geh, dänn händ sich boys gründet und alles wieder uflebe lah wo frühener züri egge gheisse hät.

was hani eigentlich welle säge? ah ja, d'mannschaft isch nöd mit mier hei gfloge hüt, die sind direkt uf genf gfloge...hm, nach em cl match in mailand simmer doch au direkt uf bellinzona und händ 3:2 verlore...

aber defür bin ich nebed eme sportredaktor vo sf drs und radio energy gsässe. 2 hardcore fcz fans. die sind es paar trainings go luege und händ au insider infos. und die trainigsbsuech und d'insiderinfos spreched zimli gege de fischer...

und ja: "dä FCZ wird euis wieder Freud mache, öb das jetzt die oder nächschti Saison isch, isch eigentlich nöd eso wichtig. Bi mir längeri Durschtstreckene gwöhnt gsi."

gruess roli c.

Zitat von Larry

De Nachfolger wetti nöd si, bim FCZ wirds wohl en gröbere Umbau geh (müesse)....

im gegteil! es git für en trainer nüt bessers als e mannschaft uf em tüffpunkt z'überneh und bim umbau mitzhälfe. so chasch die eigne idee, die eigni strategie voll umsetze. au i de medie häsch i sonere situation e relativ langi schonfrischt. isch jedefalls bedütend eifacher, als de neui trainer bim fc basel oder bayern münche z'werde...

gruess roli c.

du meinsch so wie de gross bi yb?

chönd ja ihn neh, de wird im winter sicher frei... er brucht nur:
25 lüüt wo über 185 cm gross sind, de rescht isch egal

Zitat von Larry

Chönt ebe no sehr härt werde....wänd ja all weg....

wänd weg wotsch, müestisch aber leischtig zeige suscht nimmt dich niemert.... und sicher nöd zu dem lohn wo bim fcz bechunsch....

einzigi usnahme: rodriguez und mehmedi.... und eventuell de leoni wo sicher nöd schlächt gspielt het, aber de nervt mit sim ewige "ich gang is usland" und blibt doch....

Zitat von Larry

Chönt ebe no sehr härt werde....wänd ja all weg....

wie chunsch jetzt uf die idee?

es werded so 5-8 si, wo dänn au afangs saison 2012/2013 würkli weg sind. und zwar die, wo kän vertrag meh händ...abgseh vom rodriguez. und evt. am tschikahui.

all andere läbed im moment en traum, wo aber mit de realität nüt z'tue hät. stand hüt finded praktisch e kän einzige spiller en club, wo bereit isch e ablösesumme z'zalle und/oder d'spiller zu bessere konditione, als sis bim fcz händ, wird astelle. und sobald au die letschte das realisiert händ, werded si sich wieder sehr schnell mit dem fcz arrangiere und sich au wieder ufs fuessballspille besinne. dänn züri hät trotz allem wo im moment ablauft, immer no eini vo de bessere mannschafte i de schwiz.

allerdings gits e baustell, wo mittlerwile au ich als eini akzeptiere: de urs fischer. was mer die 2 sportredaktore gseit händ, will ebe de eint oder ander tatsächlich wege ihm weg...als vorstand müesst mer en überzüge, dass er "vo sich us" zruggtritt und wieder d'u21 übernimmt. und das natürlich eso kommuniziere, dass es tatsächlich wie en freiwillige schritt vom fischer usgseht. so chöntet alli ihres gsicht wahre.

vermuetli passiert ja scho einiges (überraschends) i de winterpause. mal luege, bin gspannt.

gruess roli c.

Zitat von Larry

Dürfte eine schampar spannende Rückrunde werden

Man kann über Streller/Frei sagen was man will, aber die beiden machen in der CH halt den Unterschied aus.

Die anderen Clubs haben irgendwelche Möchtegernstürmer, die hauptsächlich das Tor nicht treffen, Basel bucht und bucht.

Luzern lässt Yakin ziehen, YB kommt nicht in die Gänge, Sion werden (hoffentlich!) noch massiv Punkte abgezogen, ja wer soll den Basel noch fordern?

Man wünscht sich schon fast die Punkteteilung zurück.....

du häsch scho recht aber lieber echli une dure und nöd zwei so hässlichi Tüpe i de Mannschaft und ich hoffe nöd das Sion Pünkt abzoge werdet, will mir chämted kei über......

Gruss Lolo

Zitat von snowcat

wie chunsch jetzt uf die idee?

es werded so 5-8 si, wo dänn au afangs saison 2012/2013 würkli weg sind. und zwar die, wo kän vertrag meh händ...abgseh vom rodriguez. und evt. am tschikahui.

all andere läbed im moment en traum, wo aber mit de realität nüt z'tue hät. stand hüt finded praktisch e kän einzige spiller en club, wo bereit isch e ablösesumme z'zalle und/oder d'spiller zu bessere konditione, als sis bim fcz händ, wird astelle. und sobald au die letschte das realisiert händ, werded si sich wieder sehr schnell mit dem fcz arrangiere und sich au wieder ufs fuessballspille besinne. dänn züri hät trotz allem wo im moment ablauft, immer no eini vo de bessere mannschafte i de schwiz.

allerdings gits e baustell, wo mittlerwile au ich als eini akzeptiere: de urs fischer. was mer die 2 sportredaktore gseit händ, will ebe de eint oder ander tatsächlich wege ihm weg...als vorstand müesst mer en überzüge, dass er "vo sich us" zruggtritt und wieder d'u21 übernimmt. und das natürlich eso kommuniziere, dass es tatsächlich wie en freiwillige schritt vom fischer usgseht. so chöntet alli ihres gsicht wahre.

vermuetli passiert ja scho einiges (überraschends) i de winterpause. mal luege, bin gspannt.

gruess roli c.

Alles anzeigen

ja das wär e Möglichkeit aber ich befürchte, dass das es Wunschdenke bliebt und bi dene 5-8 Spieler wird au de Schönbi nöd debi si, bin ja gspannt.

Gruss Lolo

P.S. de Tunesier wo im Car gsi isch säg doch au no i de Schwiiz, chann de nöd tschutte?

zum glück isch servette offensiv nix, aber au grad gar nix wert. immerhin scho 20 asprechendi minute und 3 pünkt, e steigerig...!

gruess roli c.

hauptsach 3 pünkt.....

Zitat von Thrash

hauptsach 3 pünkt.....

genau!

Zitat von Reto

er isch geschter glaub au no im Talk täglich gsi...

und morn morge isch er im adventstalk vo radio 24... weniger wär mängisch meh...

dem seitmer den wohl: FAMEBITCH

Zitat von snowcat

zum glück isch servette offensiv nix, aber au grad gar nix wert. immerhin scho 20 asprechendi minute und 3 pünkt, e steigerig...!

gruess roli c.

bi ja erscht am 4i vo lissabon glandet und ha drum nur die letschte 10min gseh... woni igschaltet han, isch grad de zouaghi vom platz gstellt worde

mit schönbächler hat man verlängert?

abdi: warum auch nicht, von mir aus kann der gerne zurück kommen...