Fussball allgemein

hmmm, also im blick staht: "Basel entschied sich daraufhin auch für diese Praxis, so wie inzwischen alle Super-League-Klubs."
und wenns im blick steht, dann muss es doch stimmen

aber ist logisch, dass es Klubs mit regelmässig ausverkauftem Haus nicht nötig haben (oder hätten).

de isch sicher au geil: http://www.tagesanzeiger.ch/schweiz/standa…/story/11303597

Fuessballer hends au dütlich strenger als CEO's. Verstan scho, dassmer die nöd als Abzocker bezeichnet

Zitat von Reto

De Unterschied isch für mich aber scho au, dass de Lohn vom Fuessballer de Märt hergit. Bi gwüsse Manager, hät mer ehner s'Gfühl, dass mer sich eifach gägesiitig vill Chohle zueschiebt i de obere Etagene vo gwüsse Firmene.

De Märt gits ja eigentli nöd her, wemmer gseht, wieviel Fuessballclubs verschuldet sind. Isch zwar nöd s Problem vode Fuessballer, aber genauso isches nöd verwunderlich, wenn d Manager sehr viel nehmed, wenns ihne d Verwaltigsrät
das abüted.

Zitat von Mushu

Wobi d'Fuessballer nöd i de Vorschtänd vo de andere Verein sitzed; bi de Manager ist das nöd so suber teilt; sprich der Manager 1 sitzt im Verwaltigsrat vo de Firma 2, usw. usw. ....

spannendi diskussion.

im sport gahts drum z günne, drum bruchts die beschte spieler uf em platz. egal wases choschtet. d emotione wo de sport mit sich bringt laht de märt völlig usem rueder laufe. in amerika gits drum salary caps, etc. wo inhaltlich enre 1:12 initiative ähnlich sind.

i de wirtschaft gahts au um de gwünn. nur argumentiered d manager, dass sie älei für de erwirtschafteti gwünn verantwortlich sind (wie d spieler ufem platz) und drum ihre lohn marktgerecht isch. minre meinig nah wird de wert bzw. gwünn inre firma aber nöd zu hundert prozent dur d gschäftsleitig generiert (wie in barcelona dur die 11 spieler ufem platz), sondern dur die 1000ige vo mitarbeiter.

d argumentation dass oisi nette herr manager so viel verantwortig träged, dass zum biespiel en jimenez bi de novartis im 2012 266 mal (!) so viel verdient wie de am schlechteste bezahlti mitarbeiter isch drum eifach nöd nachvollziehbar und macht s fuessvolk au zu rächt hässig.

und wenns denn binre firma mal hine use gaht isches ja nöd mal so daes für ihri fehler gross müend une dure wie en fuessballer wo im CL final en penalty schüsst oder um usgang mal e nutte hei nimmt...

wenn d wirtschaft und d politik nöd gnueg früeh verwached und die initiative nöd ernscht nämed chöntis ganz bös use cho.... ich bin ja au völlig gäge die überrissne salär aber e 1:12 initiative chönti zimli viel schade arichte für de wirtschaftsplatz schwiiz.

Chapeaux Basel was die au hüt wieder zeiged. Bin kein Basel Fan, im Gegeteil, aber das isch grosses Kino...

Edit: bis uf die letschte 5 Minute

Zitat von Eggi

Chapeaux Basel was die au hüt wieder zeiged. Bin kein Basel Fan, im Gegeteil, aber das isch grosses Kino...

Edit: bis uf die letschte 5 Minute

würklich erstunlich! au nach em 2:2 usglich spilleds munter witer. basel isch nöcher am 3:2 als d'spurs...

Zitat von Mushu

Trotzdem sollte Frei sein Abschiedsspiel verlieren ...

Zitat von Mushu

Geht mit gleich; international imposant, und das nicht nur über 1-2 Spiele. Erstaunlich und zu anerkennen ...

Trotzdem sollte Frei sein Abschiedsspiel verlieren ...

Es müsste schon Weihnachten und Ostern zusammenfallen, dass wir Basel beim Frei Abschied schlagen würden. Basel ist zur Zeit eine Klasse für sich, da hat aber gar niemand in der CH viel Brot.

alpestäg macht wohl langsam aber sicher am cc de platz a de sunne strietig (bild häts sogar au scho gmerkt):
http://www.bild.de/sport/fussball…81452.bild.html

Zitat von Larry

In Bern dürfte Flugwetter herrschen und Luzern steht noch zwei Punkte vor dem Abstiegsplatz!

Hoffe Servette überholt die Innerschweizer. A. Frei würde als Sportchef in der Nati B beginnen

Zitat von Reto

Ha ha. Fuessball chan doch au ganz luschtig si.
Als BVB-Fan isch mer hüt sicher grad chli im Delirium, aber wie chamer als Schiri das Offside bim 1:2 nöd gseh???!!! Da langet die sächs Satzzeiche eigentlich nöd und es brücht no es paar für de SRF-Moderator und s'schlaue Team us Züri, wo s'Goal äxtra no hät müesse analysiere, zum säge, dass es wohl Offside gsi isch. Manno.

Bim 3:2 chönnt mer wohl au diskutiere, wobi no schwierig isch zum säge, wo genau de Goalie gsi isch im entscheidende Momänt. Egal. Das pfiift keine meh ab und wär au dopplet bitter gsi.

Es ist scho bi dä Flanke offside gsi.

Zitat von Reto

Ha ha. Fuessball chan doch au ganz luschtig si.
Als BVB-Fan isch mer hüt sicher grad chli im Delirium, aber wie chamer als Schiri das Offside bim 1:2 nöd gseh???!!! Da langet die sächs Satzzeiche eigentlich nöd und es brücht no es paar für de SRF-Moderator und s'schlaue Team us Züri, wo s'Goal äxtra no hät müesse analysiere, zum säge, dass es wohl Offside gsi isch. Manno.

Bim 3:2 chönnt mer wohl au diskutiere, wobi no schwierig isch zum säge, wo genau de Goalie gsi isch im entscheidende Momänt. Egal. Das pfiift keine meh ab und wär au dopplet bitter gsi.

s 3-2 chönt mer genau so diskutiere, bin i glicher Meinig. De Santana chunt de Bölle vom Dortmunder zrugg über bevor er ihn über d Linie schiebt. Und de Santana staht zwüsched Goali und letschtem Verteidiger minere Meinig na und somit eigentlich im Offside. Isch chli klinlich agluegt, aber rein regeltechnisch wärs wohl scho offside. Isch mer au klar das mer das erstens sehr schwer gseh chan und zweitens wohl i de seltenschte Moment pfifft. Wobi d Reaktion vom Goali und em letschte Verteidiger scho genau s gliche vermuete lönd, sie händs def. au so gseh.