Fussball allgemein

Das nenn ich mal noch eine Spielerverabschiedung... geil

http://www.20min.ch/sport/fussball…egende-31399587

Und weiter gehts bei Xamax, Tschagajew entlässt kurz nach dem Abpfiff des Spiels den ganzen Trainerstab: François Ciccolini (Coach), Sonny Anderson (Assistent und Sportdirektor) und Jean-Luc Ettori (Torhüter-Trainer).

einfach nur traurig..

xamax ist echt selber schuld. ich habs schon mal geschrieben: wenn es mit den finanzen nicht klappt ist es besser, sich aus dem profifussball um mindestens eine liga tiefer zurückzuziehen und neu zu beginnen.
aber sicher nicht eine kulturelle wahnsinnstat zu begehen.

Facchinetti wohl bald mit Herzinfarkt....wette?
Wänn ich Xamax Fan würd würd ich wohl bald Amok laufe

Nun wurde auch Xamax Präsident Rudakow entlassen.... Der Nachfolger steht aber schon bereit, es ist Islam Satujew. Rudakow soll aber weiterhin mithelfen, Transfers zu tätigen.

soooo geil isches, hopp xamax!
endlich lauft mal was!

Zitat von Gysino

soooo geil isches, hopp xamax!
endlich lauft mal was!

ändlich mal öpper wo de cc toppet!

das schalamassel wänn sich de tschagajew us neueburg zruggzieht, wett ich ja nöd müess ufrume. vermuetlich chönt die nöd i de 1. liga neu afange sondern müend über die 5. gah...

gruess roli c.

Zitat von snowcat

ändlich mal öpper wo de cc toppet!

das schalamassel wänn sich de tschagajew us neueburg zruggzieht, wett ich ja nöd müess ufrume. vermuetlich chönt die nöd i de 1. liga neu afange sondern müend über die 5. gah...

gruess roli c.

lieber 5. liga als mit somene schafseckel!!

das (lieber 5.liga....) werdet sich wohl die verbliebenä Fans demnächst au säge!

jedi Wett, dass das Stadion bald kei eigni Fans meh drin hät, egal ob er gratis Tickets verteilt oder nöd...

Also, ich oute mich ets mal als Ahänger vo Xamax. Die allermeiste vode Fans würdet mittlerwille sofort lieber unde wieder afange, defür ohni de Bulat. Es sötti aber möglich si, immerhin ide 2. Liga afange, da dete d u-21 spielt, wo losglöst vode AG isch.

Zitat von Simms

Also, ich oute mich ets mal als Ahänger vo Xamax. Die allermeiste vode Fans würdet mittlerwille sofort lieber unde wieder afange, defür ohni de Bulat. Es sötti aber möglich si, immerhin ide 2. Liga afange, da dete d u-21 spielt, wo losglöst vode AG isch.

ahahah...welli Fans? Da ghörsch oder gsehsch ja gar nüt vo de White Tigers oder wer au immer. Kei Gägeaktion, rein gar nüt.
Was lauft in Neuenburg?

Zitat von Draft

ahahah...welli Fans? Da ghörsch oder gsehsch ja gar nüt vo de White Tigers oder wer au immer. Kei Gägeaktion, rein gar nüt.
Was lauft in Neuenburg?

Also es isch lang nüüt gloffe, will nach de Ära Bernasconi eigentlich jede neui Bsitzer willkomme gsi isch. Underem Berna sind zwar d Choschte immer gstiege, mitem Resultat, dass mehr trotzdem e erfolg- und lustlosi Mannschaft gha hät und das über Jahre hinweg. Sprich, mer hät eifach ghofft, dass sich öpis veränderet. Dasses no schlimmer wird, wies ets itroffe isch, het niemert erwartet.

Mittlerwille het d Stimmig aber ziemli kippt. Zerscht het de Bulat welle d Fans "chaufe", indem er de gröschte Fangruppierige Gratissaisonabos gschenkt het, was aber logischerwiis d Fans nöd akkzeptiert händ.
Ets isch gad hüt e Gruppe vo Fans uf Genf abe und hend de Bulat zur Red gstellt. Überraschenderwiis heter sogar es Gspräch akkzeptiert ohni dass allerdings viel debi usecho isch. Er het wieder die alte Versprechige gmacht (er liebi Xamax au, er werdi am Verein Sorg träge (was füren Witz nachdem waser bis ets bote het), er wott morn nomal 2 Usländer verpflichte, dezue no 4 talentierti Schwiizer bis Endi August, es söll en erfahrne Trainer cho, das alles mit de Ballön segi kei Absicht gsi und suschtigs blabla). Ich denke aber, dass d Fans jetzt definitiv d Geduld verlore hend und wenn jetzt wieder alles leeri Wort gsi sind, chasch sicher si, wirds diversi Aktione gäh vo Site vode Fans.

Dasses aber solang gaht bzw. gange isch, liit so wienichs mitübercho han, anere Mischig us de Erwartig "schlimmer, als underem Berna chans nüme werde" und de normale welsche Lethargie.

Luegemer mal wies chunt und hoffed er haut no vorem Winter ab, wasich für sehr wahrschinlich halte. Er wird ets denn wohl merke, dass chum no en guete Spieler zu Xamax cho wird, nachdem was vorgfalle isch. Erscht recht kein Schwiizer Spieler. Und denn vermuet ich, wirdsem schnell verleide. Er het imne Interview auscho akündet, dasser gah wird, wenner merkt, dasser sini Ziel nöd chan erreiche.
Vermuetli wirdme denn aber leider doch ide 2. Liga en Neustart müsse mache, da die finanzielle Problem nach em Bulat wohl riesig si werdet, ellei scho d Salär vom Sanchez und Navarro wird Xamax nöd chöne zahle. Aber immerno besser, als dass de Bulat Xamax ganz kaputt macht.