• Offizieller Beitrag
    Zitat von Larry

    Reto, es sind sehr wohl Nati-Fans am Spiel, denn Ultra Gruppen wie die Südkurve, etc. gehen nicht an die Nati-Spiele, dann wäre es noch viel schlimmer!

    hör mer doch uf, ich känn au vill fcz fäns, kei "ultras", aber all händ öppis gäge jede schpiler us basel. egal wie guet oder schlächt oder was für en geile siech er isch. wänn eine vo basel uf em platz staht, dänn isch er eifach scheisse für die. das chas scho nöd si.

    dezue chunt, dass dä frei halt captain und übelscht ehrgiizig/egoistisch isch, dass er für keine will platz mache, egal i wellere situation. da er nüme punktet isch das es problem, suscht wür mers akzeptiere.

  • Zitat von Larry

    Hitzfeld hätte das kommen sehen sollen und ihn nicht auswechseln.

    bis uf de Satz bini mit dinere Ussag ieverstande!

    Sorry, chan's ja nöd sie, dass en Trainer en Spieler söll durespiele lah, nur wills suscht Pfiff git!
    Wer Scheisse spielt, de muen demit läbe chöne...

    Isch en Streller geschter au so fescht uspfiffe worde?
    Er isch DE Chancetod gsi bisher & sicher au nöd bi allne viel beliebter als de Frei!
    Aber er git Interviews wo sälbstkritisch & ehrlich sind und chunt halt glich nochli sympathischer übere als en Frei wo immer so verchrampft/verbisse drieluegt.

  • Eigentlich ischs ja meh en Basel-Komplex vo gwüsse Zürcher, Ost- und Innerschwiizer. Ich mein, de Frei hät scho de glich scheiss Charakter gha, woner no im Usland gspielt het und anderi hetmer nach de Leistige vode letschte Mönet genauso guet chöne uspfiffe, wemmer da anen Inler, Ziegler, etc denkt.

    Isch doch öpe so nöd?

  • hät doch nüt mit Bisel z'tue:
    wänn eine Stürmer & Captain isch & e grossi Frässi hät, dänn söll er gfälligscht au das mache, wo er defür da isch: GOAL schüsse!

    Wänn hät er das zum letschte mal gmacht?

    En Segi staht ane & seit: "ich han scheisse gspielt, ich verstahn s'Publikum!"

    En Frei rännt hülend devo....

  • Zitat von virus

    hör mer doch uf, ich känn au vill fcz fäns, kei "ultras", aber all händ öppis gäge jede schpiler us basel. egal wie guet oder schlächt oder was für en geile siech er isch. wänn eine vo basel uf em platz staht, dänn isch er eifach scheisse für die. das chas scho nöd si.


    bim frei gseht das scho echli andersch us! warum? dä frei chunt i de öffentlichkeit eso übere:

    - grossi schnurre
    - extrem arrogant
    - intrigant (dä machtkampf dazumal mit em johann vogel)
    - jammere ohni endi
    - unruheherd
    - egoistisch
    - basler und bim fcb
    - i de öffentlichkeit forderige stelle für en stammplatz, aber kei gegeleischtig defür erbringe. wänn hät de scho mal es entscheidends natigoal gschosse?
    - hät sini trainer fescht im griff. de kuehn rüert de vogel use, da hitzfeld laht en agschlagne, sich user form befindende frei spille gäge honduras, nachdem mer es paar tag vorher ohni de frei gäge spanie gunne hät. de siech mues irgendwo riesige qualitäte ha, dass er grad 2 trainer derart blende chan. welli qualitäte das allerdings sind, blibts ghemnis vom otti und em köbi... :blasen:

    wämer derart in wald rüeft, mues mer sich nöd wundere, wämer sogar im eigene stadion uspfiffe wird!

    ich chan so eim jedefalls nie im mim läbe zujuble. und solang de i de nati isch, interessiert mich das team au nöd! und ja, ich gibs zue, ich hett au pfiffe, wär ich in basel gsi! aber ebe, will er debi isch, han ich mier de gang uf basel und vor de tv erspart!

    am meischte würd er de nati nütze, wäner würd zruggträtte!

    gruess roli c.

    NieUsenandGah

  • Er söll ja under anderem au defür verantwortlich gsi si, dass de Petric vo Dortmund zu Hamburg gwächslet hät. Und mer munklet au, dass de Natientscheid vom Petric damals nöd z letscht mit em A.F. us B. z tue gha heg.

    • Offizieller Beitrag

    Gut gebrüllt Löwe!
    dem gits eigentlich chum meh was azfüege!

  • Zitat

    Bei Frei ist es eine Seelen-Massage. FCB-Trainer Thorsten Fink spricht lange mit dem Nati-Rekordtorschützen (40 Treffer). «Er war sehr deprimiert», erzählt Fink. «Er reisst sich den Arsch auf, immer. Er hätte nach seiner Verletzung eigentlich nicht zur WM fahren dürfen, wollte aber unbedingt für sein Land spielen. Das sagt alles über seine Einstellung und seinen Ehrgeiz.»

    Er hät ois also quasi wissentlich gschadet. Das isch pure Egoismus. Schön das sin Trainer das so offe uusspricht.

  • Zitat von Larry

    Wo er bim Jürgen Klopp uf Granit bisse hät, häd er i de Buli grad resigniert und isch hei zum Mami uf Basel.

    Au das en Punkt wo jede Fan i de Schwiiz nur de Chopf gschüttled häd, usserd die in Basel.

    Nei sorry: Alex Frei, 100% sälber Schuld!

    Jungs. Zieht mal eure Club- und FCZ-Brillen aus. Einiges mag stimmen was seine Art etc. angbetrifft. Und Petric ist selber die grösste Susi und ein elender Verräter. Wohl etwas das schlechteste Beispiel.
    Aber es ist genau so klar, dass wenn er nicht beim FCB sondern beim FCZ spielen würde.. es ganz anders tönen würde.

    Siehe Yakin damals. Als er beim FCB spielte wurde er mehrheitlich ausgebuht in der Nati (nicht ganz so krass wie bei Frei). Heute ist er DER grosse Glücksbringer. Und alle schreien nach ihm...

  • Zitat von larlf

    hät doch nüt mit Bisel z'tue:
    wänn eine Stürmer & Captain isch & e grossi Frässi hät, dänn söll er gfälligscht au das mache, wo er defür da isch: GOAL schüsse!

    Wänn hät er das zum letschte mal gmacht?

    En Segi staht ane & seit: "ich han scheisse gspielt, ich verstahn s'Publikum!"

    En Frei rännt hülend devo....

    Ach komm. In der ersten Saison in der Segi Captain war. .wurde er auch hier im Board massivst kritisiert. Kein Führungspieler, würde den Mund nicht aufmachen, keine Leistung, sofort absetzen etc. etc.

  • Zitat von Larry

    Wer isch jetzt 2006, 2007, 2009 Meischter worde?
    :cool:
    Komplex? :rofl:

    Komplex ist das falsche Wort. Nennen wir es alte Rivialität. Leider schaffen
    es nur wenige Fans, diese bei Natispielen abzulegen.
    Aber auch wenn Frei nicht spielt.. wird der Platz immer noch durch keinen FCZ-ler gefüllt... :roll:

    • Offizieller Beitrag
    Zitat von snowcat

    ...de siech mues irgendwo riesige qualitäte ha,...


    gseht scho so us. bi dir schafft ers sogar, dass du dich nöd für d'nati interessiersch.. wow, nur ei person im team und scho isch es für dich tabu.


    Zitat von snowcat

    wämer derart in wald rüeft, mues mer sich nöd wundere, wämer sogar im eigene stadion uspfiffe wird!


    was sell eigentlich das immer? ok, in gänf wirds wahrschindli amene nati match ehner weniger fäns us züri, dä oschtschwiiz, dä innerschwiiz usw. ha, aber amene nati match in basel häts nöd mehrheitlich lüüt wo in basel läbed. verstahn gar nöd was das immer sell!?

    amene ishockey nati match i dä halle häts au nöd nur oder mehrheitlich z-fans... nei, würklich nöd!!

    übrigens, ich verteidige dä frei nöd. ich bin schwizer nati fän und nöd vomene einzelne schpiler. ich interessier mich nöd defür us wellem kanton eine chunt und bi wellem klub er schpilt oder gschpilt hät.

  • Zitat von Blackstar

    Jungs. Zieht mal eure Club- und FCZ-Brillen aus. Einiges mag stimmen was seine Art etc. angbetrifft. Und Petric ist selber die grösste Susi und ein elender Verräter. Wohl etwas das schlechteste Beispiel.
    Aber es ist genau so klar, dass wenn er nicht beim FCB sondern beim FCZ spielen würde.. es ganz anders tönen würde.

    Siehe Yakin damals. Als er beim FCB spielte wurde er mehrheitlich ausgebuht in der Nati (nicht ganz so krass wie bei Frei). Heute ist er DER grosse Glücksbringer. Und alle schreien nach ihm...

    würde frei beim fcz spielen, hätte ich meine saisonkarte zurückgegeben...!

    gruess roli c.

    NieUsenandGah

    • Offizieller Beitrag
    Zitat von virus


    übrigens, ich verteidige dä frei nöd. ich bin schwizer nati fän und nöd vomene einzelne schpiler. ich interessier mich nöd defür us wellem kanton eine chunt und bi wellem klub er schpilt oder gschpilt hät.

    Du und de Reto sind ebe typischi Nati Fans, will heisse: Kei Club Fans, höchstens Sympathisante.

    Eis isch klar: De Frei polarisiert!

    Quasi de Blocher vom Fuessball :rofl:

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!