Infos Tickets Spiel 7 / Public viewing

Zitat von cm8

Falls mer als Meischter zruggchömed wird die huere Züschpahalle ganz eifach gstürmt, was händs eigentli gsfühl.......

Ja ich ha au sgfühl, das chönds eifach nöd machä. Schliesslich wot/möcht jede mit de Mannschaft fiirä!

Zitat von Draft

Säged das mal de Stadt! Wo wottsch so auf die Schnelle öppis geignets her näh?
Es isch eifach immer de grösser Ärger, dass mir keis eignigs Stadion händ. Mittlerwiile isch mir scheissegal, wo das staht, hauptsach es chunnt.

Zudem, händ die wo da motzed wohl null Ahnig, was für en Ufwand das isch, innerhalb chürzischter Ziit so öppis uf Bei z'stelle.
Sind doch eifach mal z'friede!

nei, isch nöd scheissegal, altstette wär mega!!!

p.s. dänn nimm sogar ich wieder ä saisoncharte...

gruess roli c.

Zitat von Draft

Säged das mal de Stadt! Wo wottsch so auf die Schnelle öppis geignets her näh?
Es isch eifach immer de grösser Ärger, dass mir keis eignigs Stadion händ. Mittlerwiile isch mir scheissegal, wo das staht, hauptsach es chunnt.

Zudem, händ die wo da motzed wohl null Ahnig, was für en Ufwand das isch, innerhalb chürzischter Ziit so öppis uf Bei z'stelle.
Sind doch eifach mal z'friede!

Ja logo isches en grosse Ufwand so öppis z'organisiere, aber ich wett doch bitteschön eusi Manne nach de Rückkehr gseh verdammt nomal. In Bern chömer ja chum ufs Iis...

Villicht müends das au eifach säge us füürpolizeiliche Gründ und schlussendlich sind d'türe eifach offe wänn dänn am 12i all ide Züschpa Halle achömed.

ich ha gmeint spätischtens Mittwuchmittag

Was meinen die Experten? Macht es Sinn, dass ich für ein Ticket Public Viewing anreise oder soll ich mir von Anfang an eine Alternative überlegen? Und welche Bars in der Nähe wären eine gute Alternative??

Zitat von Draft

Zudem, händ die wo da motzed wohl null Ahnig, was für en Ufwand das isch, innerhalb chürzischter Ziit so öppis uf Bei z'stelle.
Sind doch eifach mal z'friede!

han zwar glaubs nöd öffentlich gmotzt, aber da fragt sich der laie: wieso isch es dänn gäge lugaNO gange?
bis d'mannschaft in züri isch, isch d'halle sicher leer & drum: bim tittel uuuufmache & go fiire!!!

und bim worst case:
d'liechene eifach us de chline halle userolle & d'mannschaft inelah, damit mir sie glich no chönd verabschiede (ich hoffe mal, dass sie sowieso no verbie chömed, egal wie's usgaht!)

Wer isch dänn hüt alles in Oerlike am Start? Ich hoffe scho, mer kännt s'eine oder andere Nervebündel (oder lernt's känne);-)

ich bi am start .. aberschosicher

Yep, mit Junior.

Nei, d'Juniore lahn ich dihei hüt, s'chönt ja spöter werde. Han gseh min erschte Zug würd 05:19 fahre;-)

min zug fahrt scho am 4i: ab gahts uf bern

Zitat von Schäri

Nei, d'Juniore lahn ich dihei hüt, s'chönt ja spöter werde. Han gseh min erschte Zug würd 05:19 fahre;-)

Bisch würkli hei gloffe?

chammer das Spiel irgendwo nomal online luege?

Teleclub hüt Namitag. Viellicht kennsch ja öper, wo Teleclub het und s der chan ufnäh...

Zitat von gringo

Bisch würkli hei gloffe?

Ich bin gwillt gsi, aber s'isch spontan andersch cho. Ich han's andernorts so beschriebe:

Als sich die Spieler wieder zurück zogen, suchte ich vergeblich meine Kollegen und kam zum Schluss, dass für mich des Guten genug war. Anstatt mit dem ganzen Tross ins Cheyenne Pub nach Oerlikon zu dislozieren, machte ich mich zu Fuss mit zwei Bier als Proviant auf den Heimweg. Vor der Messehalle Zürich warteten viele Fans geduldig auf ein Taxi und ich überlegte mir kurz, ob ich mich nicht auch in die Kolonne stellen sollte. Ich lief dann aber schliesslich weiter und wenige hundert Meter später kam mir ein Taxi entgegen. Ich winkte ihm zu und er stoppte prompt neben mir. Er liess mich einsteigen, wendete seinen Wagen und fuhr mich nach Hause. Ihr könnt euch sicher vorstellen, wie die Meute hinter uns getobt hat;-)

aso nei au: mir isch es öppe ähnlich gange, aber ich bin wohl fascht d'helfti vo mim heiweg gloffe!
will's vo 2h laufe, aber fast 1h lang grägnet hät, bini dänn auno uf taxi & öv umgstiege... (bin aber vorher scho vom hb uf oerlike gloffe)

Schäri
falls i de region pfannestiel wohnsch, mäld di: dänn hani bim nöchste titel ja villicht öpper, wo mit mir lauft

das isch mini meisterroute gsi: http://ralf.li/index.php/zsc-meister-2012/meister