Dä FCZ-Fred

Zitat von larlf

mängisch han ich s'Gfühl, dass ihr es riesä Problem mit de Vergangeheit händ, was euä Klub betrifft.

komplett falsches gfühl, es isch nämli genau umgekehrt! drum jetzt e chlini gschichtslektion für dich und alli andere unwüssende:

mier händ nämli es problem mit de vergangeheit vo EUIEM verein! und zwar mit dere vergangeheit, wo’s entscheidende kriterium für e ufnahm bi gcn hauptsächlich de soziali status und/oder d’herkunft vo öpperem gsi isch. i de 80-er jahr häts emal en interessante artikel im tagi magazin gha über gcn. det sind zürcher interviewt worde, wo no i de 50-er jahr (damals gcn ganz klar d’nr. 1 in züri!) händ welle zu gcn go tschutte. da nur 2 bispiel wo ich us dem tagimagi artikel no in erinnerig han:

uf d’frag vo de gcn verantwortliche was dänn de vater schaffet – d’antwort vom gcn-bewerber isch folgendi gsi: trämler… - häts gheisse: „mier händ leider kein platz für dich, aber ennet de gleis isch din verein, probiers doch dete…“ s’gliche händs amene bewerber gseit, dem sin vater murer gsi isch.

unter dem idruck hät sich de fcz sit de 60-er jahr au zum volksclub und somit zum stadtclub entwicklet. eigentlich logisch. und he, isch eifach so, isch nöd mini erfindig…cha würkli nüt defür!

eso isch übrigens au de mythos vom nobelverein gcn und em arbeiterclub fcz entstande. so nebebi: häsch gwüsst, dass gcn i de 30-er jahr - also mit em ufstieg und machtübernahm vo de nazis – es jude ufnahmeverbot i d‘statute gschribe hät? de gschichtlichi irrtum händs ersch i de 70-er jahr korrigiert. keis wunder, sind d’zürcher jude au hüt no usnahmslos fcz fan…

es sind zwar würkli alles alti gschichte, isch mier scho bewusst. aber selbst no vor ca. 15 jahr hät de peter widmer (gcn präsi vo 1999-2003) imene interview uf d’frag nach de spärliche zueschauerzahle bi gcn (tja, das isch ebe scho immer eso gsi und hät nur bedingt mit em letzi z’tue…) gseit: mier chönd au ohni zueschauer überlebe. mier händ gnueg solventi lüt und sponsore im rugge…!“ sovill zum thema volksnah und/oder arroganz…drum isch euis das au sehr schief inecho, wo de fetscherin mit gcn eine hät welle uf „volksclub vo züri“ mache vor 2 jahr mit sinere xxxl libli aktion in züri!

natürli isch euis allne bewusst, dass gcn hüt wie die meischte andere verein funktioniert. vom status nobelverein, isch würkli nur no d’erinnerig übrig blibe. aber mer dörf die (ehemalig, historisch bedingti) rivalität au ruhig hüt no es bizzli uslebe…au celtic glasgow wird nüme vo de protestantische engländer unterdrückt (aber au celtic glasgow en verein wo vo afang ah protestante händ dörfe mittschutte, im gegesatz zu de rangers wo langi jahr kei katholike mitspille lah händ!), au barca wird nüme vom königliche spanie im allgemeine und vo madrid im spezielle prüglet. trotzdem hät de hass vo celtic glasgow gegeüber de englisch prägte rangers und de hass vo de katalane gegeüber em königliche spanie, speziell real madrid, bis hüt überlebt…

Zitat von larlf

Worah lieht das? Sind da die wenige Erfolg dra Schuld?

zum thema „wenigi“ erfolg: vo mitti 60-er jahr bis afang 80-er jahr, also dänn wo ich chind und jugendliche gsi bin, häts in züri nur ein verein geh wo würkli erfolg gha hät: de fcz! i dere zit hät de fcz folgendes erreicht:

meister: 1963, 1966, 1968, 1974, 1975, 1976, 1981
cupsieger: 1966, 1970, 1972, 1973, 1976.

und das alles hauptsächlich abwechsligswis mit em fc basel! gcn hät i dere zit genau 2 meischtertitel gholt: 1971 und 1978. und kän einzige cupsieg! ich ha das alles bewusst ab 1974 miterlebt. ha also über d'helfti vo de 12 fcz meischtertitel direkt miterläbt! min vater isch übrigens afang vo de 60-er jahr uf züri cho. us em rätoromanische bündnerland. sportinteressiert zwar, aber fuessballmässig völlig unbelaschtet. gcn z’understütze isch für ihn, us de obe erwähnte gründ, aber würkli nie in frag cho. er isch vo afang ah fcz fan gsi. im hockey isch er übrigens nie für de hcd, sondern immer für arosa gsi. spricht au nöd gege ihn…

also de mit em fehlende erfolg vom fcz chasch vergesse. es gaht vill meh um ideologie, wie ebe zb in glasgow oder barcelona. und ja ich weiss, wie scho erwähnt, isch alles gschicht und hüt nüme gültig, aber ebe glich immer no es thema, vor allem bi de ältere fcz fans! und de schadefreud gegeüber gcn natürli nöd würkli hinderlich…!

aber ich gib dir insofern recht, dass die jüngere fcz fans chum begründe chönt warum sie gcn hasset! isch halt de stadtrival, de hasst meh eifach…dürfti umgekehrt nöd andersch si.

Zitat von larlf

Jajaaa, ihr sind im 06, 07 und no im 09 Meister worde: all andere Meistertitel werdet wohl 90% vo da ine nöd live miterläbt ha...
Ihr säged dem wohl "die goldene Jahr" (nimm ich mal ah) und all andere säged dem wohl eifach "Usriesser nach obe, wägemne guete Trainer / Sportchef".

als die goldige jahr werded bim fcz übrigens d’jahr zwüsched de jahr 1960-1981 gnännt. de schwizer rekord vo am meischte spiel innere meischterschaft ungschlage hinderenand halted immer no de fcz us de zit vo 1974-1976. es sind 36 spiel gsi, also e hütigi meisterschaft. d'nummere 2 i dem rekordspiel isch übrigens au de fcz under em favre i de jahr 2006-2007 mit 33 spiel ungschlage in serie. und d'krönig im 77-gi isch de meischtercup halbfinal gege liverpool gsi. sither sind au nöd wenigi fcz-ler liverpool fan, au ich. damals bin ich im stadion gsi. i de südkurve, dänn hät sie allerdings no „züri egge“ gheisse. de meischtercuphalbfinal hät de fcz übrigens au scho 1964 gege real madrid erreicht. no e randbemerkig da dezue: am edi nägeli (für alli junge da inne: fcz präsi vo 1957– bis zu sim tod 1979) händ die wisse dress vo real madrid eso guet gfalle, dass de fcz sither au komplett in wiss atritt, mit usnahme, das jahr isch es – zum glück - wieder eso!

dur de status, dass bim fcz jede wo hät welle dörfe go tschutte, isch de fcz au bi medie schaffende, theater- und film lüt etc. klar de favorit gsi. logisch, die sind au politisch i de regel eher im lingge spektrum dihei. isch aber au hüt no eso bi dene lüt, dass sie eher de fcz als gcn unterstützed!

namal öppis, hät zwar nur bedingt mit erfolg z’tue, aber vor allem mit clubverbundeheit/clubliebi! es gaht nöd nur drum sis gschäftliche netzwerk z'erwitere und de nöchschti gschäftsabschluss z'tätige...: de fcz hät sit 1957 genau 5 präsis gha, drum chan ich mich au no a alli erinnere und ufzelle. chasch du das vo dim verein...?

ihr händ en dosé gha, en bekennende fcb fan...en linsi, en bekennende fcz fan...die händs wegem geld gmacht, nüt club liebi oder gar loyalität!

fcz präsis sit 1957:

• 1957–1979 Edwin Nägeli
• 1979–1984 Alfred Zweidler
• 1984–1986 Hans Stanek
• 1986–2006 Sven Hotz
• 2006–xxxx Ancillo Canepa

gcn präsis i dere ziit: 20 a de zahl!

das min bescheidene versuech vonere erchlärig warum d’schadefreud bi de meischte fcz-ler hüt no sehr gross isch, bi gcn misserfolg!

danke roli: aber jetzt mueni doch nochli schaffe, nach dinere gschichtsstund

mich interessiered (im sport) halt die alte gschichte nöd gross & erst rächt nöd, wänn ich's nöd sälber miterläbt han.
aber da zeigt sich eimal meh: wie überalteret euses forum isch und ich mich mit knapp 40i scho fast zu de junge zehlä chan

Das isch jetzt wüki vom feinschte gsii, merci. Han zwar au s einte oder andere no gwüsst aber grad so tüüf jetzt nöd. Mitem Jahr hani dänn amig so mini Müeh. Chan mir das eifach nöd merke ;-)) Aber vo dene Presis hani also au 3 kännt und ich glaub im Züriegge bini do au gsii.

Gruess
Denise

Zitat von larlf

mich interessiered (im sport) halt die alte gschichte nöd gross & erst rächt nöd, wänn ich's nöd sälber miterläbt han.
aber da zeigt sich eimal meh: wie überalteret euses forum isch und ich mich mit knapp 40i scho fast zu de junge zehlä chan

so würd ich au argumentiere wenn ich fan vo somene verein wär...blibt eim ja fasch nüt meh anders übrig, selbscht wämer nöd würkli eso tänkt!

wer sich für gschicht nöd interessiert, cha gegewart nöd verstah! gilt für jede bereich im lebe!

falsch: sport isch sport und döt zellt für mich einzig & allei die aktuelle resultat & die erfolg/titel, wo ich sälber miterläbt han.

sorry, wayne interessiert, ob en früenere tubel mal gwüssi lüüt us em klub usgschlosse hät?
das gaht i d'richtig, dass sich all DE müend s'läbe lang rächtfertige, will dazumal en chranke a de macht gsi isch...

mit dem argumänt dörftisch wohl nöd en einzige BL klub supporte.

siehe bsp: http://mobil.stern.de/sport/fussball…ste-539131.html

wie gseit: das trifft wohl uf 90% vo de BL Verein zue; Bisch jetzt ab hüt nüme S04 fan?

hehehe: das isch nur gsi zum s'Summerloch fülle und natürlich au zum zeige, dass die andere Tuble nöd ruhig bliebed, nur will ihr jetzt wieder mal en guete Start verwütscht händ

Zitat von Larry

aber ... häsch Narrefreiheit!

neinei hoff's mal nöd. das isch ja s'schöne a dem Forum (wie de Reto scho gschriebe hät):
mer chan enand chli "ahseiche" und probiere us de Reservä locke, aber im Normalfall bliebts ahständig und (meh oder weniger) sachlich. Es sei denn, d'Fanbrüle überwiegt wiedermal und genau drum freu ich mich uf d'Antwort (+ d'Kopie vo sim S04-Ustrittsschriebe, zum zeige, dass er konsequänt isch) vom Roli

Zitat von larlf

falsch: sport isch sport und döt zellt für mich einzig & allei die aktuelle resultat & die erfolg/titel, wo ich sälber miterläbt han.

sorry, wayne interessiert, ob en früenere tubel mal gwüssi lüüt us em klub usgschlosse hät?
das gaht i d'richtig, dass sich all DE müend s'läbe lang rächtfertige, will dazumal en chranke a de macht gsi isch...

mit dem argumänt dörftisch wohl nöd en einzige BL klub supporte.

siehe bsp: http://mobil.stern.de/sport/fussball…ste-539131.html

wie gseit: das trifft wohl uf 90% vo de BL Verein zue; Bisch jetzt ab hüt nüme S04 fan?

zersch emal @bitli: bitte isch gern gscheh, freu mich immer wänn ich dich unterhalte dörf...

@larf: du häsch gmeint, mier hassed eui, will mier kei erfolg gha händ. drum ha ich dier nume z'erchläre versuchet, warum d’fczler WÜRKLI (vor allem die ältere) gcn uf de tod nöd usstah chönd und jedi niederlag vo gcn fascht eso fiiret wie en fcz meischtertitel. schinbar häsch du au einiges devo nöd gwüsst und bisch grad eso schocket gsi, dass du nur no mit "alte gschichte" wo sowieso nüme interessiered häsch chöna argumentiere… wenn die gschichte niemer meh interessiert: warum erwähned ihr dänn gebetsmühleartig immer de rekordmeischter? sind alles alti gschichte, sehr alti sogar! aber kei angscht, allzu lang müender au das nüme, basel fehled nu no 12 titel oder ca. 15 jahr...aber selbscht d'spiller sind schinbar nöd gfeit devor. "das isch im fall d'superleague vom rekordmeischter, respekt!":

https://www.youtube.com/watch?v=1-92sSM4D_I"

aber scho klar, im lebe nebem fuessball hät bi mier au jede e 2. chance verdient und ich lah d’vergangeheit irgendwänn au vergangeheit sie. USSER ebe im fuessball… und dete ganz speziell bi mine fründe us niederhasli! det gits kei 2. chance! warum au?

also: vergiss mis utrittsschribe uf schalke, das wird’s nöd geh!

p.s. aber e gueti aktion gsi vo dier zum sommerloch z’fülle! mier häts gfalle!

damit mir das langsam chönd abschlüsse und mit andere Themene afange (ihr werdet da ine morn eh wieder es anders Thema ha):

Du häsch scho rächt, häsch paar Sache verzellt wo ich nöd gwüsst han.
Aber das hät mich weder gschockt, no isch mis Argument en "Lückefüller" gsi, will ich nöd wieter gwüsst han: es isch eifach das, wo mini Meinig isch.
Es isch zTeil truurig was früener passiert isch, aber ich chan nüt defür (oder degäge) und drum fühl ich mich au nöd Verantwortlich defür.

Klar muen mer d'Gschicht känne, zum nöd all Fehler nomal mache, aber ich (probier) halt sowieso immer Sport und de Rest z'tränne. (Usser wänn ich anderi muen Chützle

Sport söll en Usglich sie, e Ablänkig, öppis wo Spass macht: im Gägesatz zu andere Bereich im Läbe.
Aber leider wird de Sport i diverse Arte vo de dümmschte Vollidiote missbrucht, zum ihri Chrankheit usz'läbe (damit mein ich jetzt nöd en FCZ Fan, sondern: Politik, (früeneri) Präsidänte/Spieler, Hooligans, etc)

wäg de 2. Chance mueni jetzt glich no nahfröge: wer isch eui aktuell gröscht Hoffnig und woher chunt er scho wieder?
Als Tipp: Ich meine öpper wo nöd uf em Fäld staht und us em Chick en Leader kützled hät

tja, willkomme i de realität! basel isch em rescht vo de schwiz enteilt...isch eifach eso...!

eine niederlage und schon alles klar?

klar sind sie der grosse favorit, aber gegessen ist noch gar nichts.

Zitat von Mitsch 2006

eine niederlage und schon alles klar?

klar sind sie der grosse favorit, aber gegessen ist noch gar nichts.

na ja, wenn ich deren kader und die finanziellen möglichkeiten zu allfälligen korrekturen anschaue, ist wirklich schon alles gegessen...leider!

Das war leider eine desolate, penible Vorstellung. Das Tüpfchen auf dem I, jedoch die Notbremse im Zug beim Bahnhof Pratteln und Pöbeleien. Ich selber war am Spiel dabei und hab nachher im Pub die ganze Story am Bahnhof live miterlebt. Schade hat es da keinen der sog. Hooligans erwischt, als der Gegenzug anbrauste. Solche Idioten braucht der FCZ keineswegs. Uebrigens, der Zug sei begleitet worden von sog. Fanbeauftragten etc.,
FCB Anhänger waren keine vor Ort......

Zitat von Larry

"Die Frage ist: Wer kann diese zirkusartige inszenierte Vorstellung in dieser Saison stören? Der FC Zürich jedenfalls nicht."

10 Punkte Vorsprung? Ich denke eher 20!

Die langweiligste Meisterschaft der Welt ist wieder entschieden, es geht noch um Platz 2.

Fakt.

obs die langwilligscht vo de welt isch, weiss ich nöd, die schottisch isch zumindescht au nöd spannender solang d'rangers nonig i de premiership spillet.

zu euisere meischterschaft: geschter isch im tagi gstande, dass basel es budget vo 88 millione und de fcz eis vo 22 millione hät. das sött mer bi allne beurteilige scho nöd vergesse. geld schüsst ebe scho goal und günnt meischterschafte. vor allem wenns dänn no über s'dopplete isch vom nöchschte konkurrent yb und mindestens 4x meh zu allne andere konkurrente.

us de nzz vo hüt:

Basler Festspiele mit wenig Störung

Die Gesichter kleben schon gut eineinhalb Stunden vor Spielbeginn an den Scheiben der vollgestopften Trams auf dem Weg zum Stadion. Der Klassiker und Spitzenkampf gegen den FC Zürich kommt zur richtigen Zeit. Die Energie unter dem neuen Trainer Paolo Sousa hat sich kontinuierlich angestaut, jetzt also die Herausforderung, das ungeheure Potenzial in dieser Affiche zu testen. Fussball in Basel ist auch Show, Spektakel, Entertainment, und die Frage in dieser Saison ist: Wer kann diese zirkusartig inszenierten Vorstellungen mindestens stören, partiell einmal durchkreuzen? Es scheint niemanden zu geben. Die Kulisse war mit 33 372 Zuschauern imposant, teilweise vermochte die Leistung der Lautsprecheranlage den Lärm im Publikum nicht mehr zu übertönen.

Sie wollen sie in Basel, diese Show, und sie leisten sie sich - wer will es ihnen verargen? Der Präsident Bernhard Heusler gibt zwar zu, dass im üppigen, mit viel Qualität durchsetzten Basler Kader «Konfliktpotenzial» lauert, etwelche Reibereien sollen aber «mit Anstand» bereinigt werden. Basel hat in der Anfangsphase der Saison experimentell funktioniert und sich den Ideen des neuen Trainers angenähert. Immer wieder war auch zu beobachten, dass das Spiel aus der defensiven Dreierkette verbesserungswürdig war, und man fragte sich: Welches Team wird diese Schwäche aufdecken können?

Nicht einfach nur gewinnen, ist (auch) die Ambition im FCB. «Siege fühlen», so versuchte der Trainer dieses Unterfangen zu erklären. Wie fühlt man Siege? Indem man auf Widerstände trifft, eigene, fremde, sie überwindet und sich dann zu freuen vermag. Aus einer Rücklage heraus ein Spiel drehen - solche Dinge. Der FC Zürich kitzelte die Basler ein klein wenig nach Chermitis Anschlusstor zum 1:2, aber Kakitani erzielte nach einem Doppelpass mit Zuffi nach 74 Minuten das 3:1. Diese entscheidende Geste zum Sieg durften die Basler dann freudig «fühlen», nachdem sie der Vehemenz der Zürcher durch Spielkunst die Luft genommen hatten.

Sousa zeigte sich «happy» über die Fortschritte, die seine Spieler «in diesem Intergrationsprozess» bereits gemacht hätten. Es gefiel ihm, dass das Team Mut zeigte, in schwierigen Situationen «zu leiden und dann zu reagieren». Sousa wünscht sich noch mehr Konstanz in einem Spiel, und er hatte - wenn wundert's - noch die Grösse, den Zürchern für ihre spielerische Qualität zu danken. Die Basler bemühen sich förmlich, die Stärken eines Gegners zu benennen.

Im richtigen Formhoch müssen die Basler erst Mitte des Monats September sein, wenn sie in der Königsklasse ihre Feste, oder sagen wir in diesem Rahmen: Duelle, ausfechten werden. Aber sie scheinen ein Gespür dafür zu haben, den Formstand und die Spannung sukzessive zu erhöhen. Erstmals hatte man das Gefühl, dass der Trainer Sousa mit Diaz und Frei auf den 6er-Positionen stärkste Elemente verwendet, er, der sagt, es seien alle gleich. Nur die Leistung zählt. Alles funktioniert nach Belieben im FC Basel zu diesem Zeitpunkt, wenig Fragen bleiben vorderhand offen. Die Leistung stimmt.

Zitat von siucs

Das Tüpfchen auf dem I, jedoch die Notbremse im Zug beim Bahnhof Pratteln und Pöbeleien. Ich selber war am Spiel dabei und hab nachher im Pub die ganze Story am Bahnhof live miterlebt. Schade hat es da keinen der sog. Hooligans erwischt, als der Gegenzug anbrauste. Solche Idioten braucht der FCZ keineswegs. Uebrigens, der Zug sei begleitet worden von sog. Fanbeauftragten etc.,
FCB Anhänger waren keine vor Ort......

nur noch krank und abartig!

ich finde auch die "gute" alte hooligan scheisse ziemlich bescheuert. sich irgendwo zu treffen um sich zu prügeln! mir kommen jedenfalls ganz spontan mind. 69 sinnvollere dinge in den sinn...