Fuessball-WM 2010 in Südafrika

    • Offizieller Beitrag

    Eifach nume sälber Schuld!!
    Es fangt doch scho mit em Hitzfeld a, never change a winning team...weshalb um alles i dä Wält muess er dä Valon und dä Alex vo Afang a bringe?
    Rot isches zwar nöd sondern gäl will d'Händ nunmal nüt im Gsicht vom Gägner z'sueche händ basta. Er langed ja grad zweini i d'Fritte!

    Praktisch kein 2-Kampf gunne immer en Schritt z'spat und nach vorne nüt ussert Fehlpäss.....
    Miner bescheidene Meinig nah eifach sackschwach gspillt und verdient verlore!
    Dass dä Eren am Schluss no die 100%ig versemmlet passt zum ganze Uftritt vo dä Schwiiz und glaubed mir, mit sonere Leistig langeds nöd mal gäg Honduras!

    So mim Ärger hani jetzt chli Luft verschafft.

    Ah no öpis, ja dä Schiri isch ä Pfiife gsii und hät einiges falsch pfiife aber wäg ihm hämmer nöd verlore! Das hämmer sälber verbroche!
    Hitzfeld in ehren aber dä Match hät au er verlore! Ich verstah trotz minere Iistellig zu Basel eifach nöd, weshalb dä einzig "kreativ" Chopf vo dem Team immer uf dä Bank sitzt! Hüt hets spötischtens nachem 0:1 müesse heisse Eren und Hakin iwächsle und zwar subito....die ander händ ja gar nöd rächt gwüsst wo here mitem Ball wäns nöd eifach händ chöne hine ine stah....
    Und dänn no die individuelle unsagbare Fehler i dä Verteidigung....:-o
    Wird grad wieder hässig!
    Wänn Chile chli meh gsii wär hettemer dä Match 4:0 verlore!

    So habe fertig....

    Gruess
    Thomi

    Zitat von Larry

    Genau de Eren aber versiebt kläglich die 100% ig Usglichschance....die muesch eifach mache!

    Das isch ebe genau de Underschied zu me Wältklassestürmer. En Eto'o, Drogba oderwer au immer hett die gmacht. 100%

    Zitat von Draft

    Das isch ebe genau de Underschied zu me Wältklassestürmer. En Eto'o, Drogba oderwer au immer hett die gmacht. 100%

    Meinsch de Eto'o, wo bi Kamerun-Dänemark us de gliche Position elei vorem Goalie bim Stand vo 1:1 de Pfoschte troffe het?? :roll:

    Zitat von Larry

    Die Schiris und ihri Chartefluet sinds grosse Ärgernis a dere WM....

    ...me muess ja nöd für d'froschfrässer si, aber diä diräkt rot charte, das chas also definitiv nöd si.

    ...und d'hand vom südafrikaner im gsicht vom gignac (siehe berahmi) wird nöd emal abpfiffe.

    Macht eu die Fuessball-WM bis jetzt eigentlich Spass? Mir ehrlich gseit nöd eso. Bis jetzt isch es so gsi, dass ich e riese Vorfreud gha han und viel Spiili mitverfolgt han. Aber jetzt - keis Fuessballfieber. Ich verfolg die Spiili mit so wenig Emotione und Fanatismus wie scho lang nümme. Gahts nur mir so?

    Liegts a mim Alter (28)?

    Liegts dara, dass es eifach wichtigeri (privati) Sache git im Läbe?

    Liegts dara, dass d'Wält i so enem schlächte Zuestand isch wie scho lang nümme? EU- und Euro-Krise, Erdbebe, Überschwämmige, Ölkatastrophene, Krieg, Terrorismus, sehr müehsami Schwiizer Politik, vieli Unsicherheite (nahe Oste, Korea, etc.). Villicht gsen ich eifach znegativ, aber es git siit öppe 2 Jahr viel Weltgeschehe, wo halt eifach wichtiger sind als Fuessball? Fuessball isch nur es Spiil und in es paar Mönet redet kei Sau meh devoo.

    Liegts am exotische Ustragigsort? Spielziite sind für eus ja sehr guet zum aktiv mitverfolge, aber Stimmig? Schwiizer Fans vor Ort?

    Liegts a de schlächte Schiedsrichter-Leischtige? Schiris us Saudi-Arabie, Usbekistan und anderne exotische Länder sind zum Teil eifach zu extrem pingelig.

    Liegts a de zu viele Überraschige und dass es kein so grosse Unterschied meh git zwüschet de Natione? Frankriich und anderi grossi Fuessball-Natione sind d'usse. Viel europäischi Spieler sind nach zum Teil 80 Isätz (Liga, Cup, europäische Wettbewerb, x-Länderspiel) eifach zu kaputt, zum no gnueg Energie ha für die WM.

    Liegts dara, dass die Spiiil eifach nur no es tüüfs Niveau und Unterhaltigswert händ? Zwänig offensive Fuessball? Diesbezüglich positiv ufgfalle sind bis jetzt eigentlich nur Brasilie, Portugal und Chile.

    Liegts dara, dass es i de Schwiizer Nati zvill Veränderige geh hätt und kei würklichi Persönlichkeite meh ume sind? Alain Sutter, Adrian Knup, Kubilay Türkyilmaz, Chapuisat... so Spieler hämmer eigentlich nümme...

    Gruess
    Cybi

    Gaht mir au wie dir, aber so alt bini na paar Jahr lang nöd! S Fehlt irgendwie au chli de Reiz vo Rivalitäte, will anere WM halt Länder gägenand spieled, wo wenig Bezug zunenand händ. Ha grad hüt dänkt, dass doch europäischi Klubderbies oft meh hergänd, ob s Niveau jetzt besser oder schlächter isch als ade WM. S isch schad, dass i Pflichtspiel die rivalisierende Länder sälte gägenand spieled. Irland gäg Ängland, Schwiiz Dütschland, Italie Dütschland, usw... Isch halt alles eher sälte.

    Die andere Pünkt wod ufzehlt häsch, empfind ich au als entscheidend.

    Geistermeister 2022 ZSC Lions

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden