Fussball WM 2014 Brasil

    • Offizieller Beitrag
    Zitat von larlf


    Wänn mer (einigermasse) z'friede isch mit dere Leistig, dänn schlüsst das nöd us, dass mer sich in Zuekunft nöd steigere chan/muen; Aber ich dänke, dem sind sich die doch eher junge Spieler bewusst!

    Gseht so us:

    Captain Gökhan Inler: «Wir müssen vor niemandem Angst haben, wir sind nicht mehr die kleine Schweiz.» Und ja, das Erlebte gebe «Kraft für 2016 und 2018». Dannzumal finden die Euro in Frankreich und die WM in Russland statt.

    De Chlaus meint no:

    http://www.watson.ch/WM+2014/articl…gisch-w%C3%A4re

    Da chömmer ja gspannt si!

    guet, imne Turnier (und erst rächt bi dene Temp.) muesch/chasch nöd all Spiel dominierä: siehe all die Favorite!

    aber isch halt scho so: 1-2 gueti Spiel chönd au über die schlächte hinwegtüsche.
    Bin de Meinig, dass alles i allem das usegholt worde isch, wo mit dem Team realistisch isch; Nöd meh und nöd weniger.

    Bin au nöd Fan vom Hitzfeld i de Nati und zwar drum, will er (mir) z'lang a gwüsse Spieler festghebed hät, wo im Club nöd spieled oder au döt d'Leistig nöd regelmässig bringed. Erst rächt drum nimmts mich wunder, wie de Petko abschniede wird.
    Und au er wird hauptsächlich vo dene Faktore abhängig sie:
    - Wieviel Spieler sind inere guete Liga und spieled regelmässig?
    - Wieviel Spieler haued evtl. glich no ab?
    - Wieviel Schlüsselspieler sind am Turnier voll im Saft (d.h. länger nüme verletzt und regelmässig am spiele)

    Mir händ nunmal nöd so e Uswahl wie anderi Länder, drum simmer no (z')fescht vo gwüsse Spieler abhängig. Aber au das isch sich langsam aber sicher am ändere.

    • Offizieller Beitrag

    Als Experte het er doch vom Training her müesse merke, dass z.B. de Schär dütlich besser druf isch als de Senderos. Nur so als chliises Biischpiel. Wer weiss, öb das s'Debakel gäge Frankriich chli erträglicher gmacht het!?

    Was de Djourou betrifft, so hät de sich wenigschtens gschteigeret und für ihn und de Inler hämmer halt chum Alternative im Team gha. Aber au de Xhaka muess mer nöd so vill schpile lah. De Dzemaili hät i sine zwei Churziisätz meh Action bracht als die meischte andere i vier Schpiel.

    • Offizieller Beitrag
    Zitat von Larry

    De Petko chan ja jetzt alles besser mache!

    Ev. glingt ihm en Exploit wie am Simmer mit de Hockey Nati.

    Aber über längeri Ziit glaubi nöd das sich gross öppis ändered:

    E Quali für e EM oder WM plus Achtelsfinale a de WM dürfti das sii wo möglich isch, mit Usriisser nach obe aber au nach une.....


    Ich glaube, dass da meh möglich ist. Stabil unter den Top 10 der Welt. Das heisst: en 1/4-Final für EM 16 und WM 18 müsstet Zielvorgabe si. Nachher muess e neui Generation nachrutsche. Aber jungi CH-Fuessball-Schpieler sind en Exportschlager und immer meh schppield dänn au (ähnlich Hockey). Nei; definitiv! D'Latte muess höher gsetzt werde; au zum dene Schpiler z'zeige, dass mer inne öppis zuetraut.

    Es hät mi optimistisch gschtimmt, wie Schpieler wie Mehmedi, Drmic usw. uf d'Niederlage reagiert händ; die sind verzwiflet gsi. Sottig bruched mer.

    So nüchterni Type wie Inler oder Hitzfäld, wo scho e Schtund nach em Schpil s'Positive gsucht und relativ nüchtern kommuniziert händ, bringed eus nöd wiiter; sind aber wohl au i de CH Uslaufmodell. Die Junge wo so wiit sind, wänd mehr! Isch au i andere Schportarte so (hät halt eifach nöd so vill ...).

    Über Top 10 ide Wält mueni scho chli lache...

    D'Schwiz mit ihrem bescheidene Reservoir vo 8 Mio. Iwohner wird doch nie KONSTANT mit de grosse Fuessballnatione chöne mithalte. Zudem sind ide Juniorestufe wahrschinlich öpe d'Hälfti Secondos, wänn die dänn guet werded und is Usland wächsled, fangt de Kampf a mit de andere Nation, wos au no spielberächtiget sind. En Kampf womer scho es paarmal verlore hät i letschter Zit und ich möcht mer nöd usmale was passiere chönti, wänn de Kosovo offiziell anerkännt wird...

    Zudem isch de Fuessball ide letschte Jahr i bevölkerigsriiche Länder wie China, Japan oder de USA immer populärer worde, was im Laufe der Jahre au en Ifluss wird ha. Mer gseht ja scho wie immer meh d'Asiate ide letschte Jahr i Top-Ligene cho sind. Und ebe, die händ es ganz anders Reservoir wänn d'Junioreabteilige insgesamt uf es höchers Niveau chömed.

    • Offizieller Beitrag

    Wiso söll im Schport nöd möglich si, was vo de Wirtschaft und de Politik erwartet (und vollzoge) wird.

    Qualität isch' s'Zauberwort (nöd Quantität) und zwar i de Chinder- und Jugend-Usbildig. Und da simmer sitt Jahre guet!!!

    Mit eure Argumänt chömmer das Land grad ufgäh!!

    Moll; ich bliibe bi minere Ischetzig (und ich bin nöd allei ...).

    Zitat von Mushu

    Wiso söll im Schport nöd möglich si, was vo de Wirtschaft und de Politik erwartet (und vollzoge) wird.

    Qualität isch' s'Zauberwort (nöd Quantität) und zwar i de Chinder- und Jugend-Usbildig. Und da simmer sitt Jahre guet!!!

    Mit eure Argumänt chömmer das Land grad ufgäh!!

    Moll; ich bliibe bi minere Ischetzig (und ich bin nöd allei ...).

    Ide erschte 3 Linie Abschnitt gib ich Dir Rächt. Und zwar voll und ganz! D Schwiiz isch grad wäg de Qualität im Sport so wiit vorne debii. Und ich chan mir au guet vorstelle, dass das guet chunt. Im Ishockey isch ja au gwaltig öpis gange. Scho kuul, wänn die chlii Schwiiz mit de grosse Natione cha mitspiele. Ade olympische Spiel allerdings häts en herbe Rückschlag geh.

    Ich find nur, dass diini Erwartig a die jetzig WM Mannschaft z höch gsi isch, so wie Du Dich i Dim Biitrag güsseret häsch. So wie die Mannschaft die ganz WM Kampagne gspielt hät, han ich nöd meh erwartet.

    Geistermeister 2022 ZSC Lions

    • Offizieller Beitrag
    Zitat von Mirko


    D'Schwiz mit ihrem bescheidene Reservoir vo 8 Mio. Iwohner wird doch nie KONSTANT mit de grosse Fuessballnatione chöne mithalte. Zudem sind ide Juniorestufe wahrschinlich öpe d'Hälfti Secondos, wänn die dänn guet werded und is Usland wächsled, fangt de Kampf a mit de andere Nation, wos au no spielberächtiget sind. En Kampf womer scho es paarmal verlore hät i letschter Zit und ich möcht mer nöd usmale was passiere chönti, wänn de Kosovo offiziell anerkännt wird...

    Zudem isch de Fuessball ide letschte Jahr i bevölkerigsriiche Länder wie China, Japan oder de USA immer populärer worde, was im Laufe der Jahre au en Ifluss wird ha. Mer gseht ja scho wie immer meh d'Asiate ide letschte Jahr i Top-Ligene cho sind. Und ebe, die händ es ganz anders Reservoir wänn d'Junioreabteilige insgesamt uf es höchers Niveau chömed.

    Gsehn ich gliich.

    Chunt dezue dass d Schwiiz im Fuessball nur 2x mit em Nachwuchs Erfolg gha häd:

    - die U21 "Titanen" die 2002 an der EM im Halbfinale scheiterten

    - die U17 die 2009 die WM gewann

    Sit dänn werded im Nachwuchs kei Strick meh verisse, siehe aktuelle Lage:

    http://de.uefa.com

    Ich finds guet das mer meh erreiche wett als "nur" ehrevolli Niederlage, aber mer sött d Realität nöd us de Auge lah.

    Und wie de Mirko richtig seit:

    Mal luege wo de Shaq spielt wänn de Kosovo e Nati häd......

    • Offizieller Beitrag
    Zitat von ZüriBueb

    Ide erschte 3 Linie Abschnitt gib ich Dir Rächt. Und zwar voll und ganz! D Schwiiz isch grad wäg de Qualität im Sport so wiit vorne debii. Und ich chan mir au guet vorstelle, dass das guet chunt. Im Ishockey isch ja au gwaltig öpis gange. Scho kuul, wänn die chlii Schwiiz mit de grosse Natione cha mitspiele. Ade olympische Spiel allerdings häts en herbe Rückschlag geh.

    Ich find nur, dass diini Erwartig a die jetzig WM Mannschaft z höch gsi isch, so wie Du Dich i Dim Biitrag güsseret häsch. So wie die Mannschaft die ganz WM Kampagne gspielt hät, han ich nöd meh erwartet.

    Nur zum Klarstelle: ich han's s'Spiel gäge Arg guet gfunde; überdurchschnittlich.

    Wäge dem sind's aber kei Helde; händ's nüt bsunders erreicht, wommer extrem stolz si muess; händ's nüt boote, wo mer sich i nöche Zuekuft no mit Hüenerhut dra erinnere wird.

    S'Hallestadion für en Heldeempfang go bueche ...

    Zitat von fäbe

    Einmal mehr Deutschlanddusel, mit Elfer und Rot gegen Neuer wäre das Spiel wohl entschieden gewesen

    Im Gegensatz zu Bürki trifft Neuer jeweils zuerst den Ball und dann den Gegner. Sofern für den Goalie die gleichen Regeln gelten wie für die Spieler, kein Foul und kein Rot.

    Absolut verdienter Weltmeister, keine Frage.

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden