Final: ZSC - Kloten

Zitat von Larry

Hani au.

Aber 1.4.2000 isch für en Hard Core Fan s Gröschte gsi!

Hochzeit und Chind sind vor allem für d Fraue wichtig.....isch eifach eso!

PS: Das hämmer schomal gha das Thema

Yup, das Thema isch da ine scho mal ziemli kontrovers disskutiert worde. Da dass e ganz persönlichi und emotionali Sach isch, wird mer sich au niemals einig werde. De gröscht möglich Nänner isch, dass das jede für sich entscheidet/fühlt. Und niemerd hät s'Rächt, die eint' oder anderi Meinig als "falsch" z'be- und verurteile.

Der 1. April 2000 war definitiv der positiv emotionalste Tag in meinem Leben bisher. Und ich kann mir nicht vorstellen, dass das getoppt werden kann.

Hochzeit? Na ja. Wird je nachdem irgendwann mal relativiert

Geburt? Bestimmt nicht. Da kommt so ein zerknittertes, schleimiges kleines Etwas aus einem Loch bei deiner Frau und dann dauert es bei (ehrlichen) Männern doch eine Weile, bis wirklich etwas daraus entsteht. Das ist dann natürlich etwas ganz anderes als so ein emotionaler Ausbruch wie am 1. April 2000!!!

Der 1. April 2000 war vom Gefühlsausbruch so krass, dass so ein fünfter Meistertitel, und einem CHL-Titel zwischendurch (der ja auch nur wichtig war, weil unser Team den gewonnen hat) schon fast zur Gewohnheit wird. Vor allem, wenn er so langweilig zu Stande kam, wie dieser. Da war der Titel in Bern um vieles krasser, weil das mit den 2,5 Sekunden vor Schluss einfach die Härte war.

Zitat von Larry

Wow!

Und das von Dir, dem Familienmenschen!

Aber ist 1:1 meine Meinung, nur hätte ich das hier NIE geschrieben!

Läck de Föhn....

Mir sind ja erschtens unter eus und zweitens sind das scho ganz unterschiedlichi Sache.
Aber eine, wo d'Hochziit (de Tag an sich) da ufzellt, also ehrlich, Roger!?
Belanglosi Gschpräch füehre und 100 Mal s'gliche aalose de ganz Tag, chönntsch a jedem andere Tag au, aber muesch zum Glück meischtens nöd ;o)

Und ich glaube keim, wo mir seit, dass d'Gfühl für sini Chind vom erschte Momänt a voll da gsi sind. Ich glaubs höchschtens, wänn es Chind mit Komplikatione uf d'Wält chunnt und i dem Momänt grad de Beschützerinschtinkt gweckt wird. Suscht aber nöd. Bi de Fraue mag das andersch si...

Aber mir schweifed ab. Und was die emotional Reihefolg vo de Meischterschafte betrifft, da bini uf em larfl sinere Linie

2000, 2001, 2012, 2008, 2014, 1961

De aktuell hani gar nöd so schpektakulär gfunde, defür voll verdient. Villicht wär's i de Halle vorne amene Tisch, anschtatt uf eme Sitzplatz under de Loge au andersch gsi, wer weiss... Aber villicht isch es au s'Alter und vor allem isch es, dass mer sich dra gwöhnt a so Sache.

Fräge mich jedes Mal wieder, die die Type bi Bayern München bimene Titelgwünn immer so es huere Gschiss chönd mache ;o)

Na ja, ich chan beträffend Chind nöd (nanig?) mitredä. Was für mich aber klar isch:

Szenario 1:
Stell dir vor es chunt eini und seit dir, dä ZSC wird i 9 Mönet (ja ja, d'Saison isch nöd 9 Mönet lang) Meischter (so mit grosser Wahrschinlichkeit, wänn nüt schief gaht). So am Ändi vom Jahr (nach 3 Mönet) isch d'Wahrschinlichkeit scho grösser, mer chan also so guet wie sicher si, dass es klappe wird, Komplikatione chas aber halt immerno gäh, mer hoffts aber nöd. Aber ebe, d'Saison fangt also ah, ich weiss jetzt scho, was am Schluss "use" cho wird und chan mich druf freue... Mer freut sich sicher, schliessli hät mer (lang) und härt druf trainiert (im Team verstaht sich). Cooli Sach.
Dänn isch es so wiit, dä ZSC wird Meischter (wie erwartet) mit grossen Gejohle und Gschrei und mer isch froh und dankbar, dass es so cho isch und alles guet gloffe isch.

Szenario 2 (Saison 1999/2000):
D'Saison fangt ah, anderi Mannschafte sind d'Favorite. Dä ZSC wird zweite i dä Quali. Wow, scho mal geil. Dänn d'Playoffs: Zwei Jahr vorher no i dä Playouts und ussert 1992 no nie über d'Viertelfinal cho. Das obwohl mer i d'Quali 1999 ebefalls zweite worde isch.
D'Viertelfinals gäge Davos: Dä ZSC günnt Dihei und in Davos, dänn e Niederlag Dihei... hui, wieder en Sieg in Davos und dänn im Schpiil 5, en 8:1 Sieg wo dä Zeiti am Schluss no dä von Arx (Mond?) verarscht.
D'Halbfinals gäge Zug:
4:0 Sweeeeeep (hät mer damals also nanig gseit). Di bescht Erinnerig, dä "Sturm" ufs Iis nach em 4:2 Sieg (P.S. Nr. 4 uf em Iis, aber dänn über d'Plexiglasschiibe, nöd öppe durs Töörli ;)).
Final gäge Lugano (amtierende Schwiizer Meischter):
Dä ZSC isch dä "Underdog", überall für jedä. Nur wenigi glaubed dra, dass s'grande Lugano chan gschlage werde.
Im 5te Schpiil isch es tatsächlich scho so wiit, dass dä ZSC in Lugano chan Meischter werde. I dä Verlängerig vergäbed unter anderem dä Zeiti dä Meischterpuck... Lugano günnt. Gömer halt ohni Pokal hei.
Dänn dä historischi 01. April 2000. Schpiil 6, Stand vo dä Serie 3:2 us Sicht ZSC.
So wie ich mich chan erinnere, hät dä ZSC jewils es Goal vorgleit, Lugano hät nahzoge... es staht 3:3 im letschte Drittel.
Es sind nur no wenigi Sekunde zschpile vor dä Verlängerig. Dä Schrepfer holt sich i dä neutrale Zone dä Puck, fahrt fascht in Eggä und git zrugg uf dä Plavsic, dä zieht ab. Was dä Wäber i dä Zwüscheziit gmacht hät, isch mir nöd ufgfalle, isch mer au egal gsi, well dänn *PENG" di root Lampe hinder em Huet (ha ha, s'erschte Mal dä) hät ufglüüchtet! Was für es Gfühl, was für Emotione... unglaublich...
Unglaublich übrigens au dä Schuss vom Luganesi irgendwie no 1 Sekunde vor Schluss ufs Goal... uf dä Sulo.

Also au für mich bis jetzt dä geilschti, emotionalschti, schönschti, beschti "Moment" (wie lang isch en Moment?) i mim Läbe. Unvergässlich.

Und ich muess scho säge, bis jetzt (und bis uf dä 5:0 Sieg gäge Metallurg) häts dä ZSC bi jedem Titel i dä Neuziit gschafft, dä uf en "plötzliche Moment" zhole. Ich muess es jetzt ja nöd ufzehlä...
D'Penalties sind für mich nöd genau glich gsi wie jewils d'Goal vor Schluss oder i dä Verlängerig, aber trotzdem, doch sehr speziell und sehr geil.

P.S. Ich wett also Vater oder Muetter wärde nöd schlächt mache mit mim Szenario 1.

Ahh, grad no das gfunde... stimmt also immer no
Meister der späten Tore
http://www.20min.ch/sport/eishockey/story/30507687

Das chani zwar verschtah, aber für mich sind das eifach nüme die gliche Chlöötis wie früehner. Und das, obwohl de Fige a de Bande schtaht. De hät eim au nöd mal de Iidruck gäh, dass es ihn grausam würd schtöre. Klar - d'Fans, wo eus würklich vill gnervt händ und wo vill devo wohl immer no dete hocked, dene magis scho au gönne. So e 4:0 Finalniederlag isch en Scheiss!

Mir händ doch voll Party gha mitenand. Weisch nüme???