Playoff 1/4-Final "Belle" ZSC - EHC Biel vom 04.04.2022

    • Offizieller Beitrag

    Ich mach mich jetzt mal unbeliebt da ine.

    ich find mir händ im Halbfinal genau gar nüt verlore das Jahr!
    natürlich will ich, dass mir morn günned unds en Schritt wiiter gaht in Richtig Meister aber verdient wärs miner bescheidene Meinig nah nöd würkli!
    Mir sind nöd i eim Spiel i dem Playoff die besser Mannschaft gsii und händ vermuetlich s'Glück für zwei Meisterschafte ufbrucht.

    Ich chan mir bim beste Wille nöd vorstelle, dass mir uf eimal besser werded und d'Spieler zu ihrer Form finded. Ich glaub dä Zug isch abgfahre fürs 22i.

    Lah mich aber gern eines Besseren belehre.....d'Hofnig / sterbe / zletscht und so....

  • Chani voll unterschribe. Han die gliche Gedanke. Ich bin sowieso scho enttüscht und en Meistertitel wür sich huere komisch afühle, wenn nöd uf eimal ganz en andere ZSC spielt (so wiit duremogle cha mer sich ja eh chum)

  • Wieso unbeliebt? Ist deine Meinung und sie enthält sehr viel Wahrheit. Wir haben gestern sicherlich nicht wegen des besseren Spielkonzeptes gewonnen. Aber das mit dem nur Glück ist so

    eine Sache. Wie das Thema Schiris. Gleicht sich am

    Schluss iwie wieder aus.

    Aber ich freue mich auf die Belle. Und was allfällig danach sein wird.. sieht man dann.

    • Offizieller Beitrag

    Ich finde mir söttet unbedingt is Halbfinal. Ich finde mir söttet jedes Jahr ins Halbfinal.

    Ob verdient oder nöd interessiert mich echt nöd würklich. Wo eus de SCB 0:4 us de Serie useghaue hät simmer 3 Spiel mit Abstand s'Bessere Team gsi.

    Und wer isch Meischter worde? Im 2000 simmer übrigens au nöd s'bessere Team gsi, definitiv nöd. Aber d'Euphorie hät eus treit, und es isch eus echt

    scheiss egal gsi ob mer jetzt verdient Meischter worde sind oder nöd.

    Und nomal zum Glück: Wie viel Pech hämmer i dere Serie mit Pfoschte- und Latteschüss gha??

    Isch öpper vo eu beide in Biel gsi geschtert? Chan ich mir bim beschte Wille nöd vorstelle. Ich chan zwar nahvollzieh was ihr meinet, aber verstah duen

    und muess ich's nöd.

    Also, ich gange morn wieder is Stadion und hoffe zu 101% Prozent das de Z wiiter chunnt!!!! Und ich weiss, es git da uf dem Motz-Board au no anderi

    wo "eher wie ich" als wie ihr beide dänket. Und nei, die Saison isch nöd würkli guet gsi. Aber hey, wie isch das damals i de Playoffs gäge Lausanne gsi.

    Hammer?? Äh .... nei. Aber ok, mir sind 3. i de Quali worde und wänn mir tatsächlich de Halbfinal klar machet, dänn müemer, bzw. de Verein, über

    d'Büecher was en erfolglosi oder erfolgriechi Saison isch. Klar isch, wänn mir de HF nöd erreichet isch es kein Erfolg und de Grönborg muess gah.

    MIR SIND ZÜRI

  • Als Fan hoff ich durchus au uf en Titel. Vo mir us jedes Jahr in schöner Bayern Manier.

    Aber ich chas mer nöd vorstelle, dass mer eus insgesamt 12 Sieg stelled, mit dere Art Ishockey. Ja mir hend paar mal Pech gha mit de Schüss, d Bieler aber au...

    Wenn de Sieg öppis uslöst und mir afanged abgha, umso geiler, denn findi au mer verdiened en Titel will mer doch irgendwenn agfange hend parat sie wenn mer muess. Ich han die beide Goal gester genau so gfiret wie jedes andere au vom Zett.

    Aber als Realist glaubi nöd a plötzlichi spielerischi offebarige

  • Aber ok, mir sind 3. i de Quali worde und wänn mir tatsächlich de Halbfinal klar machet, dänn müemer, bzw. de Verein, über

    d'Büecher was en erfolglosi oder erfolgriechi Saison isch. Klar isch, wänn mir de HF nöd erreichet isch es kein Erfolg und de Grönborg muess gah

    Ghört zwar eher id saisonanalyse, aber: zug isch det wo mir anewennd als Organisation. Top4 und HF chamer zwar als wirtschaftlichs ziel verkünde, aber eigentlich wennd mir Qualisieger und Meister werde.

  • Ich finde mir söttet unbedingt is Halbfinal. Ich finde mir söttet jedes Jahr ins Halbfinal.

    Ob verdient oder nöd interessiert mich echt nöd würklich. Wo eus de SCB 0:4 us de Serie useghaue hät simmer 3 Spiel mit Abstand s'Bessere Team gsi.

    Und wer isch Meischter worde? Im 2000 simmer übrigens au nöd s'bessere Team gsi, definitiv nöd. Aber d'Euphorie hät eus treit, und es isch eus echt

    scheiss egal gsi ob mer jetzt verdient Meischter worde sind oder nöd.

    Genau, das ist das was es ja spannend macht. Wäre der ZSC der klare Qualisieger mit dem schönsten Hockey und verliert dann sang und klanglos im 1/4-Final, dann kommen die gleichen Kommentatoren und sagen, mit Schönspielen gewinnt man keine Meisterschaften. Schlussendlich zählen die Resultate und da steht es 3:3, also gleich auf. Ob der Heimvorteil dann tatsächlich ein Vorteil ist sehen wir Morgenabend. Nebst dem Sieg gestern und dass es 3:3 in der Begegnung steht, freut mich die Lernkurve von RG, da hat er doch der eine und andere Kritiker mit seinem dazugelernten Aktiv Coaching überrascht.

    Aber klar, eine Niederlage morgen wird RG nicht überstehen. Aktuell sehe ich alle Möglichkeiten offen und die Spannung ist voll da. Die beiden Toren von Hollenstein haben gezeigt wie schnell es gehen kann, insbesondere wenn der hoch talentierte hinterste Mann ein klares Ziel hat und hoch motiviert spielt.

    • Offizieller Beitrag

    Isch öpper vo eu beide in Biel gsi geschtert? Chan ich mir bim beschte Wille nöd vorstelle. Ich chan zwar nahvollzieh was ihr meinet, aber verstah duen

    und muess ich's nöd.

    Hät dir als 12-jährige dä Sepp Vögeli en Stuehl uf d'Rännbahn bracht, damit chasch am ZSC vo dete zueluege?
    Chan ich mir bim beschte Wille nöd vorstelle! ;)

    Colin, es isch ok und au ich wünsch mir dä Titel genauso öb verdient oder nöd. Aber ich wür mich halt au mal drüber freue, wänn mir mit dä beschte Mannschaft uf Papier au mal so würed spiele, wie die bescht Mannschaft uf Papier! Ich verstah din gränzelose Glas isch 1/28 igstel voll Optimismus au nöd und muess das ja au nöd verstah.

    !! Uf das mir am Mäntig nonig sletschtmal ame Z-Match i dä Halle gsii sind !!

    Am Endi vom Tag simmer beid ZSC-Fans und läbed nachem Motto "ZSC und suscht gaaar nüt"

  • Ein Titel ist immer verdient & wird immer gefeiert!

    Wenn wir uns nicht steigern, ist am Montag (auch für RG) Schluss & Heinrich nimmt den Lieferwagen aus der Garage.
    wenn wir gewinnen freue ich mich auf die nächsten Spiele in der Halle: es kann nur besser werden.

  • Hät was, was mier aber fehlt isch, dass mier dä (klar) besser Goalie händ und das au d‘Bieler wüssed und beschäftigt: siehe s‘Interview vom Brunner.

    Und drum glaub ich, dassmer morn e gueti Chance händ wiiterzcho. Und dänn chan vieles passiere: dassmer harmlos wiiterchügelet oder die (mental) Blockade abgheit und dassmer abgaht oder …

    Aber das isch scho z‘wiit vorusdänkt, drum morn i d‘Halle und alles geh!

    :zsc: :heavy:

  • Ich sehe es genau so.....auch wenn ich mich jeweils über den sieg sie gestern freue, hat mir Biel recht leid getan. Das eine Mannschaft soviel Glück hat wie wir aktuell ist schon aussergewöhnlich und muss für den Gegner sehr frustrierend sein!

    Mein einziger Funken Hoffnung bleibt, dass der allfällige Halbfinalgegner uns spielerisch besser liegt. Möglich wäre alles..aber verdient wäre es bis jetzt definitiv nicht.

  • Ich sehe es genau so.....auch wenn ich mich jeweils über den sieg sie gestern freue, hat mir Biel recht leid getan. Das eine Mannschaft soviel Glück hat wie wir aktuell ist schon aussergewöhnlich und muss für den Gegner sehr frustrierend sein!

    Im PO ist es das Momentum und das Glück bekommt der Tüchtigere. AT hat es vergeigt, die offensivere Mannschaft ist eben nicht die Bessere. Zudem, es wird ja immer behauptet um die MS zu gewinnen braucht es einen Ausnahme Könner im Tor. Bedeutet umgekehrt eine Mannschaft kann noch so gut spielen, schlussendlich ohne Mr. 50% geht es nicht. Ein genialer Bandenpass und eine zu offensive Brunnerlinie hat gereicht um in Führung zu gehen.

  • Ich stimme euch au zue, dass de ZSC im Moment no dütlich unter de Erwartige spielt. Wobi ich nöd finde, dass Biel würkli di besser Mannschaft ide Serie gsi isch bisher. Will wemmer de Sieg geschter als gstohlnige Sieg aluegt, denn muessmer au de Match womer 3:0 i Füehrig gsi sind und us de Händ geh hend als gstohlnig betrachte. Ich persönlich finde de Grönborg het bisher vieli gueti Entscheidige gmacht. z. B. de Baltisberger wieder spiele lah und defür de Sopa als 13. Stürmer inetue isch absolut richtig. Au Kivistö als 5 Usländer setze findi enorm wichtig und richtig. Das Spiel morn wird extrem Ussagchräftig si über d‘Saison. Setti ZSC verlüre wird die ganz Saison als schlecht dargstellt. Settets gwünne, denn sinds wieder mit Zug zäme Titelkandidat Nummer 1 und es wird dargstellt wie ZSC in extremis gschafft het die Serie zchere. Bin gspannt! Chömmet is Stadion. Hopp ZSC

Jetzt mitmachen!

Sie haben noch kein Benutzerkonto auf unserer Seite? Registrieren Sie sich kostenlos und nehmen Sie an unserer Community teil!