Du Vogel häschs no immer druff, wärsch gschieder Schiriobman bliebe
Hüt chömed wieder 3 vo dine Vögel us oiem Schwarm id SLA, falls au ume bisch.
Nummere häsch ja, suscht bini gern behilflich...
Haha nei, das isch scho guet, dassi das Amt abgeh han.👍🏼 Als Schiri-Obmann bisch weniger mit de Reglene beschäftigt. Es gaht viel meh ums organisatorische und als Bindeglied und Asprechsperson zwüschet Verein und Verband.
Ich han das Amt, wie du weisch, während minere Lehr übernoh und han au am Samschtig gschaffet. Und wennmer zwenig Schiris het und am Mittwoch und Samstig trotzdem sämtlichi Mätch stattfindet, won ich defür verantwortlich be, dass si stattfindet - denn ischs oftmals dezuecho, dassi während de Arbeit oder Schuel han müesse säge: Sorry Chef oder sorry Lehrer: Ich han da en Verantwortig für de Club, woni jetzt grad nöd Ziit han wiiterzschaffe. Und mini Pausene hani immer nachem Schiriwese müesse richte. Das isch halt scho müehsam gsi… Und wenni intern kei Schiris gfunde han, denn hani extern bi anderne Clubs müesse go sueche. Und die andere Clubs hend meistens s‘gliche Problem gha.😂 Was ich eis telefoniert und gmailet han dete…
Hans gottseidank gschafft, dass während minere Amtsziit alli Junioremätch (U9-U15) hend chönne duregfüehrt werde. Aber es isch sowohl für mich (und au für de Club) die besser Option, wenns öper übernimmt, wo meh Ziit het. Schlussendli hani s‘Amt am spötere Präsident übergeh und er hetts zäme mitere wiitere Person temporär übernoh.
Mittlerwile isch das Amt wieder anen neui Person übergeh worde. (Anen externe Schiri, wo für oise Club au des öfteren Pfiffe het) und das isch denki mal guet eso. Er isch absolut kompetent - pfifft au Aktivliga - und wird die Sach sicher hervorragend mache.
Und jetzt hani mit mim Studium + Wiiterbildig + Arbet au gnueg. Da hani mer lieber e ZSC Saisoncharte gholt „zur Entspannig“ anstatt wiiterhin s‘Amt als Schiedsrichterobmann züberneh.
Sbornaja Chume hüt nöd an Match. Han Wiiterbildig. Luege ide Pause aber es bizli de Match uf mim Handy oder Laptop.😃
“Leider“ ischs en Dozent, wo sehr guet unterrichtet. Wärs langwilig, denn würi au während em Unterricht echli Match luege.😂