Final: ZSC vs. SCB / Meisterparty

    Zitat von Caro

    da staht nüt vo schalter:

    12.04.2012 20:15 5. Spiel Playoff-Final SCB - ZSC Lions

    Achtung!
    Der Vorverkauf wird ausschliesslich über den Ticketcorner abgewickelt, es sind neben den Stehplätzen neu auch noch einige wenige Sitzplätze erhältlich.

    wür eifach immer chli refreshe, chömet sicher no witeri tix in verkauf im gästesektor. usser d'berner händ det au grad zuegschlage.


    Isch no guet wämmer netti kollege hät wo im büro schaffet und eim chönd tickets bsorgä :) mittlerwiilä hani au. Hoffe aber nöd das döt berner umestönd...

    Zitat von Reto

    Ich finde übrigens nöd, dass d'Chanceuswertig schlächt isch, sondern dass de Z zu vill z'wenig Chance chunnt. Gsehnd ihr das nöd au so?

    chli vo beidem irgendwie... gäg e mannschaft, wo relativ wenig chance zuelaht, muesch halt eifach punkte.

    und bern hät eifach die effizienz, wo mir z.b. im halbfinal gha händ.

    Ufgrund vo eusem System findi das nöd. Händ doch es paar sehr gueti Chance gha (geschter), 2 Pfoschte und eim Latteschuss no dezue. Wämmer dänn en einigermasse glückliche Träffer vo Bern muess nä, isches bitter.
    Ich meine, dass Bern über die ganz Serie bis jetzt, liecht besser isch, aber sicher nöd die gförlichere Chance gha hät.
    De Trainer laht bewusst nöd sinnlos offensiv spille (wie Bern au) und drum gits nöd Chance am Laufmeter. De Game-Plan isch us minere Sicht nöd völlig id Hose, sondern immer nöch drah zum ufgah. Warum dass es nonig langet, hät halt scho au mitere guete Berner Mannschaft z'tue. Es git sehr wenig Fehler uf beidne Site, da bruchts au mal s'nötige Glück. 8 Spiel lang hämmers in Aspruch chöne nä, jetzt nüme. Ich glaube aber, dass es nomal cheert, sie hettets verdient, sie kämpfed so geil.
    Ob Bern effiziänt isch, mit dene Töpf wos gschosse händ......na ja.

    Zitat von Messier

    Es git sehr wenig Fehler uf beidne Site, da bruchts au mal s'nötige Glück

    das mit de fehler gsehni chli anderscht. mir produzieret minere meinig nah rächt vil fehler, vor allem seger und blindebacher sind geschter sehr afällig gsi... bim rescht gib der aber meh oder weniger rächt.

    Aso mitere Fehlerquote vo de Quali hettemer i dem Final kein Stich, null. Mir sind dur 8 Spiel/8 Sieg biz vo de Saison-Realität abgwiche (mir Zueschauer) und händ s'Gfühl, dass jede Match so perfäkt muess laufe. Schön wärs ja...isch aber nöd so. Aber Bern wird au de eint oder ander Fehler mache und die gilts dänn z'nütze. Aber nöd as Metal sondern is Netz.
    Bi immer no zueversichtlich !

    Zitat von Reto

    Ich finde übrigens nöd, dass d'Chanceuswertig schlächt isch, sondern dass de Z zu vill z'wenig Chance chunnt. Gsehnd ihr das nöd au so?

    doch, das sehe ich auch so.

    Zitat von sloggi

    doch, das sehe ich auch so.


    Ihr wisst aber schon dass wir seit 2 Spielen kein Tor mehr erzielt haben? Das ergibt so quasi eine Chancenauswertung von 0.00% - egal wieviele (oder wiewenig) Chancen wir hatten.

    Zitat von Jokerit

    Ihr wisst aber schon dass wir seit 2 Spielen kein Tor mehr erzielt haben? Das ergibt so quasi eine Chancenauswertung von 0.00% - egal wieviele (oder wiewenig) Chancen wir hatten.

    Logisch, aber es gaht ja drum, wie die 0.00% z'stand chömed:
    - wännd 1 chance vergisch häsch 0.00%
    - wännd 100 chance vergisch häsch au 0.00%
    aber ich finde die zweit variante schlimmer au wänn s'resultat s'gliche isch...

    was anders: gits am do. eigentlich wieder en äxtra zug?

Jetzt mitmachen!

Du hast noch kein Benutzerkonto auf unserer Seite? Registriere dich kostenlos und nimm an unserer Community teil!

Benutzerkonto erstellen Anmelden