Der NHL-Fred

No luschtig, d'Gschicht vum Hiller:

Letscht Saison öppe 50 % vu de Mätch gspillt. Die andere 50 % de Schwed Victor Fasth. I de PO hätt nume no de Hiller gspillt, aber i de erschte Rundi e 3:4 Serie-Niederlag gäge d'Red Wings.

Die Saison hätt de Hiller 50 vu 63 Partie bestritte und debii i de Regel guet uusgseh. Im März 2014 händ d'Ducks de Fasth zu den Oilers tradet.

I de PO hätt i de bisherige 10 Spiel de Dän Frederik Andersen 6 Spiel gspillt, wobi er eimal gäg de Hiller uusgwächslt worde isch und eimal em Hiller hätt müesse Platz mache, will er sich verletzt gha hätt (Spiel 3 in L.A. mit knappem Sieg für d'Ducks). De Hiller hätt i de PO nur drümal vu Aafang aa dörfe aaträtte, wobi er eimal während em Match gäg de Andersen uustuuscht worde isch.

Im 2. Usswärtsmatch in L.A. hätt aber de Coach Bruce Boudreau am junge John Gibson d'Chance gäh und de hätt si voll gnutzt und en Supermatch mit eme Shutout ufs Iis gleit. D'Serie staht jetzt 2:2 und im Spiel 5 wird - ufgrund vum vorherige Resultat sicher kei Überraschig - wieder de Gibson starte. Hütt z'Nacht am vieri gaht's in Anaheim los. S'wär de erschti PO Heimsieg gäge d'Kings, wänn d'Ducks würded günne.

D'Weiche bi de Anaheim Ducks schiined bezüglich de Goaliefrag gstellt: De Hiller wird Ändi Saison 'Free Agent' und wird sich, so wie's uusgseht, en neue Arbetgeber müesse oder dörfe sueche.

D'Rangers händ im 6. Match en verdiente Sieg gäg Crosby, Malkin & Co. glandet und morn z'Nacht am eis chunnts in Pittsburgh zu de 'Belle' im 7. Match. Ebefalls morn z'Nacht am drü spieled em Nino Niederreiter sini Minnesota Wild dihei ihre letschti Trumpf gäg Chicago. Stand momentan 2:3 für d'Blackhawks.

Hütt z'Nacht probiered d'Montreal Canadiens de 3:3 Uusgliich gäg Boston ebefalls z'schaffe.

Oh. Muess er sis Huus in Malibu verchaufe und amene andere Ort e Villa chaufe, de Arm? ;o9

Zitat von Reto

Oh. Muess er sis Huus in Malibu verchaufe und amene andere Ort e Villa chaufe, de Arm? ;o9

Newport Beach Reto, Newport Beach!

D' Autosammlig mues er au zügle!

Nei im Ernst: Er wär gern blibe und hett au uf Chole verzichted, aber ich glaub de isch gloffe, leider für ihn!

Ah. Dete muess er no luege, dass er d'Hütte weg bringt. Und wie zügled mer e Autosammlig. Au huere müehsam. Muesch ja immer mit em Zug zrugg, s'nächschte Auto go hole.

Er chan doch froh si, dass er nach sine "Augeproblem" überhaupt wieder uf das Niveau cho isch. Vo dem her wird er das scho verchrafte.

Hiller, die nächste:

http://www.blick.ch/sport/eishocke…-id2848976.html

Für einmal en rächt guete Artikel vom Honegger zur Situation vo de Goalies in Anaheim.

Rangers mini alt Liebi

CHI isch au no debi

Eifach nöd BOS, han zviel Nachbere vo dört!

De Max mit ere Wunderchischte zum 0:2! Wow! Die z'Ambri une werded sich d'Auge riebe.......!

Aber d'Bruins ungwohnt matt und klar schwächer, als d'Canadiens i dem entscheidende Match. Verdienti Niederlag. Aber au en verdiente Sieg vum einzig verbliebne Kanada-Team. Montreal Canadiens - New York Rangers isch e cooli Affiche im Conference Final.

Und uf der andere Siite hätt de jung Shooting-Star John Gibson im Goal bi Anaheim e furchtbars Ei kassiert. Bi no gspannt, ob er de im 7. Match nomal bringt. (Ich wür nöd!)

Zitat von Benny

Montreal Canadiens - New York Rangers isch e cooli Affiche im Conference Final.

De Price häd scho a de Olympiade zeiget dass er de bescht vom Fach isch, und de Habs laufts guet i dene PO's.

Ich wirde klar für d Rangers sii, aber d Habs sind für mich Favorit.

Wänns de Hiller nöd bringed sölled d Ducks usscheide, go KINGS!

Tippe uf en Final CHI-Habs.

Die Ducks werden in ihrer Heimarena von den Kings demontiert. 0:3 nach einer Viertelstunde. 0:5 nach 34 Minuten. Gibson, der nicht überzeugen konnte, nach dem 0:4 gegen Hiller ausgetauscht. Endstand 2:6! Die Kings besser, entschlossener und mit geschlossenerer Mannschaftsleistung. Schmerzliches Ausscheiden Anaheims nach 3:1 Führung in der Serie! Aber die Kings drehten ja schon die Serie mit den Sharks in extremis. Teemu Selänne hätte sich wohl ein anderes Abschiedsspiel aus der NHL gewünscht.....!